2024 cü il Birləşmiş Millətlər Təşkilatının iqlim Dəyişikliyi Konfransı və ya daha çox COP29 kimi tanınan BMT nin iqlim

2024-cü il Birləşmiş Millətlər Təşkilatının İqlim Dəyişikliyi Konfransı və ya daha çox COP29 kimi tanınan BMT-nin İqlim Dəyişikliyi üzrə Çərçivə Konvensiyası Tərəflərinin Konfransı, Birləşmiş Millətlər Təşkilatının İqlim Dəyişikliyi üzrə 29-cu konfransıdır.Azərbaycan Respublikası Ekologiya və Təbii Sərvətlər naziri və Azərbaycanın milli neft şirkəti SOCAR-ın keçmiş əməkdaşı Muxtar Babayev 2024-cü ilin yanvarında COP29-un prezidenti seçilib. Bununla bağlı qərar COP28-in dekabrın 11–də keçirilən plenar iclasında verilib. Tədbirdə çıxış edən Azərbaycanın ekologiya və təbii sərvətlər naziri Muxtar Babayev COP28-in yüksək səviyyədə təşkilinə görə Konvensiya Katibliyinə və Birləşmiş Ərəb Əmirliklərinə təşəkkürünü bildirərək qeyd edib: "Qarşılaşdığımız problemlər kollektiv fəaliyyət, razılaşdırılmış ümumi məqsəd və istəklərə sədaqət tələb edir. Azərbaycan iqlim dəyişikliyi ilə mübarizədə birgə səylərin əhəmiyyətini anlayır. Azərbaycan Respublikasının Prezidenti İlham Əliyevin nümayiş etdirdiyi güclü siyasi iradə və Şərqi Avropa Qrupunun üzvü olan dövlətlərin Azərbaycanın COP29-a ev sahibliyi etmək üçün ölkəmizin namizədliyini dəstəkləməsi bugünkü uğurumuzda həlledici rol oynayıb".

Birləşmiş Millətlər Təşkilatının İqlim Dəyişikliyi Konfransı (2024)
ing. 2024 United Nations Climate Change Conference
Keçirilmə tarixi	11-22 noyabr, 2024
Keçirilən yer	Bakı, Azərbaycan
İştirakçılar	BMT-nin İqlim Dəyişikliyi üzrə Çərçivə Konvensiyası üzvləri
Ardıcıllıq
← Birləşmiş Millətlər Təşkilatının İqlim Dəyişikliyi Konfransı (2023) →
Vikianbarda əlaqəli mediafayllar

COP29 iqlim fəaliyyətini sürətləndirmək və 2015-ci ilin dekabrında BMT-nin İqlim Dəyişikliyi üzrə Çərçivə Konvensiyasına üzv ölkələrin 21-ci konfransında qəbul edilən Paris Sazişinin məqsədlərinə nail olmaq üçün keçirilən tarixi görüşdür. Bu sənədi 171 ölkənin hökumətləri adından dövlət və hökumət rəhbərləri, xarici işlər, ətraf mühit nazirləri imzalayıb. 2016-cı ilin aprelində Nyu-Yorkda, Birləşmiş Millətlər Təşkilatının Mənzil Qərargahında Azərbaycan Respublikası Hökuməti adından, keçmiş Ekologiya və Təbii Sərvətlər naziri Hüseyn Bağırov imzalayıb.

Konvesiyanın ali məqsədi iqlim sisteminə insanlar tərəfindən edilən və təhlükəli hesab oluna bilən bütün müdaxilələrin qarşısını almaqdır.

Prezident İlham Əliyevin sərəncamı ilə beynəlxalq təcrübə nəzərə alınaraq ölkənin Ekologiya və Təbii Sərvətlər naziri Muxtar Babayev ölkədə keçiriləcək COP29 tədbirinin prezidenti təyin edilib.

Konfransda BMT-nin İqlim Dəyişikliyi üzrə Çərçivə Konvensiyasını imzalayan bütün 198 ölkənin nümayəndə heyətləri iştirak edəcəklər.

İctimaiyyət konfransda şəxsən iştirak edə bilməsə də, mavi zonadakı bir çox tədbirlər, məsələn, qurumların plenar iclasları, dövlət başçıları ilə yüksək səviyyəli seqment, bir çox mətbuat konfransları və başqa tədbirlər ictimaiyyət üçün canlı yayımlanacaq.

Tarixi

BMT-nin İqlim Dəyişikliyi üzrə Çərçivə Konvensiyasına Tərəflərin Konfransı – COP Konvensiyasının ali qərar qəbul edən orqanıdır. Katibliyi Bonnda yerləşir. Hər il dünyanın hər yerindən hökumət nümayəndələri COP-da toplaşaraq iqlim dəyişmələrinin qarşısının alınması və fəsadlarının aradan qaldırılması istiqamətində birgə səylər göstərmək üçün çağırışlar edirlər. COP-un ilk toplantısı 1995-ci ildə Berlində keçirilib. Adı; COP "Conference of the Parties" Tərəflərin Konfransı adlanır və adındakı 29 rəqəmi tədbirin sayca 29-cu olduğunu bildirir. Bundan əvvəlki tədbir — COP28 2023-cü ildə Birləşmiş Ərəb Əmirliklərinin Dubay şəhərində baş tutub.

Milli hökumətlər 1992-ci ildə Birləşmiş Millətlər Təşkilatının İqlim Dəyişiklikləri üzrə Çərçivə Konvensiyasını qəbul edərək gələcəkdə onun daha fəal tədbirlərin həyata keçirilməsi üçün əsas olacağını təsdiq etdilər.

Bu çərçivədə 1997-ci il dekabrın 11-də Yaponiyanın Kioto şəhərində Kioto protokolu qəbul edilib və protokol 2005-ci il fevralın 16-da qüvvəyə minib. Kioto protokolu qlobal istiləşməyə səbəb olan istixana qazlarının atmosferə tullantılarını məhdudlaşdırır. BMT-nin İqlim Dəyişmələri üzrə Çərçivə Konvensiyasına əlavə olan Kioto protokolu üzrə istilik effekti yaradan qazların azaldılmasına dair öhdəliklərin yerinə yetirilməsinin birinci mərhələsi (2008–2012-ci illər) başa çatdıqdan sonra 2012-ci ildə Dohada 18-ci Tərəflər Konfransında Kioto protokolunun ikinci mərhələsi üzrə Doha əlavəsi qəbul edilib.

Həmçinin 2016-cı il aprelin 22-də Nyu-Yorkda, Birləşmiş Millətlər Təşkilatının Mənzil Qərargahında BMT-nin iqlim Dəyişmələri üzrə Çərçivə Konvensiyasının Paris sazişinin imzalanma mərasimi keçirilib və bu sənədi 171 ölkənin hökumətləri adından dövlət və hökumət rəhbərləri, xarici işlər, ətraf mühit nazirləri imzalayıblar. Konvensiyanın 12-ci maddəsinin 5-ci bəndinə uyğun olaraq Tərəf ölkələr iqlim dəyişmələri sahəsində hazırkı milli şərait ilə bağlı müntəzəm olaraq Konvensiyanın katibliyinə atmosferə atılan istilik effekti yaradan qazların emmisiya mənbələri, səviyyəsi və onların azaldılması istiqamətində görülən işlər barədə həm ölkə, həm də sektorlar üzrə hesabatlar təqdim edirlər.

COP-a ev sahibliyi bir qayda olaraq BMT-nin beş regional qrupu arasında rotasiya edir. Hər regional qrup, üzvlərindən bu konfransı təşkil edəcək bir ölkəni irəli sürmək üçün konsensusla qərar qəbul edir.

Məqsədi

COP tədbirlərinin məqsədi, Paris sazişinin tələbi olaraq dünyada karbon qazının (CO₂) miqdarını sənayeləşmədən əvvəlki dövrdə olduğu kimi 1,5 dərəcə Selsi ilə məhdudlaşdırmaqdır.

2023-cü il, dekabrın 15-də BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının ölkəmizdə keçirilməsi ilə əlaqədar Azərbaycan Respublikasının Prezidenti İlham Əliyevin sədrliyi ilə keçirilən müşavirədə Prezident çıxış edərək, bildirmişdir:

Mən şübhə etmirəm ki, COP29 beynəlxalq konfransını da biz yüksək səviyyədə keçirəcəyik, bu, ölkəmizin, xalqımızın növbəti böyük uğuru olacaq. Eyni zamanda, Azərbaycan neft-qaz ölkəsi kimi bu sahədə də özünü göstərəcəkdir və dünyada hər kəs bir daha görəcək ki, bizim gündəliyimiz yaşıl enerji ilə bağlıdır. Yaşıl enerji növlərinin yaradılması və yaşıl enerjinin dünya bazarlarına nəqli hazırda bizim enerji siyasətimizin prioritetidir. Bu, reallıqdır və bütün dünya bunu bir daha görəcək.

2015-ci ildə dekabrında BMT-nin İqlim Dəyişmələri üzrə Çərçivə Konvensiyasına üzv ölkələrin 21-ci konfransında Paris sazişi qəbul olunub. 171 ölkənin hökumətləri adından dövlət və hökumət rəhbərləri, xarici işlər, ətraf mühit nazirləri tərəfindən imzalanan bu sənədi 2016-cı ilin aprelində Nyu-Yorkda, Birləşmiş Millətlər Təşkilatının Mənzil Qərargahında Azərbaycan Respublikası Hökuməti adından, keçmiş Ekologiya və Təbii Sərvətlər naziri Hüseyn Bağırov imzalayıb.

11–24 noyabr tarixlərində Bakıda keçiriləcək olan konfrans (COP29) çərçivəsində dünyanın təxminən 190-dan çox ölkəsini təmsil edən 80–100 min nəfərə qədər nümayəndə heyətinin qəbul edilməsi gözlənilir. COP29 ölkə tarixində keçiriləcək olan ən böyük tədbir hesab olunur. Azərbaycanın belə bir mötəbər tədbirə ev sahibliyi etməsi ölkəyə yerli, regional və beynəlxalq miqyasda çox böyük divindendlər qazandıracaqdır.

COP29 Konfransı iştirakçı ölkələr üçün yeni öhdəliklər götürmək və iqlim böhranını həll etmək üçün konkret addımlar atmaq üçün bir fürsətdir.

Azərbaycanın "yaşıl vədləri"

"Yaşıl" iqtisadiyyata keçid və "yaşıl" enerji təchizatçısına çevrilmək Azərbaycanın iqtisadi siyasətinin prioritetlərindəndir. İqtisadiyyat Nazirliyinin məlumatına görə, Azərbaycanın neft-qaz şirkəti olan "SOCAR-ın Dubaydakı COP28 tədbirində metan tullantılarının sıfıra endirilməsi ilə bağlı könüllü öhdəlik götürməsi ölkəmizin iqlim problemlərinə həssaslığının təzahürüdür".

Azərbaycan 1990-cı illə müqayisədə 2030-cu ilə qədər istixana qazlarının miqdarının 35 faiz, 2050-ci ilə qədər isə 40 faiz azaldılmasını hədəfləyib. "Azərbaycan Respublikasının Prezidenti işğaldan azad edilmiş torpaqları "Yaşıl enerji" zonası elan edib və 2022–2026-cı illər üzrə tədbirlər planı təsdiqlənib, bu ərazilərin 2050-ci ilədək "Netto sıfır emissiya" zonasına çevrilməsi nəzərdə tutulur.

Turizmə təsiri

Konfrans müddətində Bakı şəhəri iki həftə ərzində dünyanın mərkəzi olacaq və şəhərə təqribən 70–80 min xarici qonaq gələcək. Bu da təbii ki, ölkənin iqtisadi, siyasi, turizm həyatına müsbət töhfələrini vermiş olacaq. Ona görə ki, tədbirdən sonra ölkəmizə daha çox qonaq gələcək. Tədbirə gələnlər ölkələrinə qayıtdıqdan sonra qonşularına, dostlarına, iş yoldaşlarına Azərbaycanla bağlı məlumat verəcəklər ki, bu da sonra Azərbaycanı görmək istəyənlərin sayının birəbeş artmasına rəvac verəcək.

Həmçinin bax

İstinadlar

(az.). https://www.bbc.com. Archived from the original on 2024-01-20. İstifadə tarixi: 23 yanvar 2024.
Gayle, Damien. "Oil industry veteran to lead next round of Cop climate change summit". The Guardian (ingilis). 2024-01-05. ISSN 0261-3077. 2024-01-05 tarixində . İstifadə tarixi: 2024-01-05.
"Climate change: Former oil executive Mukhtar Babayev to lead COP29 talks in Azerbaijan" (ingilis). 2024-01-05. 2024-01-05 tarixində . İstifadə tarixi: 2024-01-06.
"COP29 2024-cü ildə Azərbaycanda keçiriləcək" (az.). https://eco.gov.az. 26 yanvar 2024 tarixində arxivləşdirilib. İstifadə tarixi: 26 yanvar 2024.
Orxan Məmmədli. (az.). https://banker.az. 16 dekabr 2023. Archived from the original on 2024-02-08. İstifadə tarixi: 8 fev 2024.
Mübariz FEYİZLİ. (az.). https://www.yeniazerbaycan.com. 9 dekabr 2023. Archived from the original on 2024-01-30. İstifadə tarixi: 30 yanvar 2024.
(az.). https://president.az. 15 dekabr, 2023. Archived from the original on 2023-12-15. İstifadə tarixi: 22 yanvar 2024.
"COP29 Azərbaycanın iqtisadi imkanlarını daha yaxından təqdim etməyə şərait yaradacaq" (az.). https://ereforms.gov.az. (#archive_missing_date) tarixində arxivləşdirilib. İstifadə tarixi: 18 mar 2024.
Ləman Sərraf. (az.). https://sia.az. 12 Fevral 2024. Archived from the original on 26 February 2024. İstifadə tarixi: 29 may 2024.
AZƏRTAC. (az.). https://yeniavropa.az. 1 Yanvar 2024. Archived from the original on 29 May 2024. İstifadə tarixi: 29 may 2024.

Xarici keçidlər

Nigar Arpadarai: COP29-a hazırlıq tam sürətlə gedir, bütün komanda səfərbərdir
"Turistlərin müsbət fikirlərlə geri dönməsinə yardımçı olmalıyıq"

[:02-1] (az.). https://www.bbc.com. Archived from the original on 2024-01-20. İstifadə tarixi: 23 yanvar 2024.

[Gayle_2024_s296-2] Gayle, Damien. "Oil industry veteran to lead next round of Cop climate change summit". The Guardian (ingilis). 2024-01-05. ISSN 0261-3077. 2024-01-05 tarixində . İstifadə tarixi: 2024-01-05.

[3] "Climate change: Former oil executive Mukhtar Babayev to lead COP29 talks in Azerbaijan" (ingilis). 2024-01-05. 2024-01-05 tarixində . İstifadə tarixi: 2024-01-06.

[:03-4] "COP29 2024-cü ildə Azərbaycanda keçiriləcək" (az.). https://eco.gov.az. 26 yanvar 2024 tarixində arxivləşdirilib. İstifadə tarixi: 26 yanvar 2024.

[:07-5] Orxan Məmmədli. (az.). https://banker.az. 16 dekabr 2023. Archived from the original on 2024-02-08. İstifadə tarixi: 8 fev 2024.

[:04-6] Mübariz FEYİZLİ. (az.). https://www.yeniazerbaycan.com. 9 dekabr 2023. Archived from the original on 2024-01-30. İstifadə tarixi: 30 yanvar 2024.

[:01-7] (az.). https://president.az. 15 dekabr, 2023. Archived from the original on 2023-12-15. İstifadə tarixi: 22 yanvar 2024.

[:09-8] "COP29 Azərbaycanın iqtisadi imkanlarını daha yaxından təqdim etməyə şərait yaradacaq" (az.). https://ereforms.gov.az. (#archive_missing_date) tarixində arxivləşdirilib. İstifadə tarixi: 18 mar 2024.

[9] Ləman Sərraf. (az.). https://sia.az. 12 Fevral 2024. Archived from the original on 26 February 2024. İstifadə tarixi: 29 may 2024.

[10] AZƏRTAC. (az.). https://yeniavropa.az. 1 Yanvar 2024. Archived from the original on 29 May 2024. İstifadə tarixi: 29 may 2024.