Buçeci dağları

Buçeci dağları (Rumın: Munții Bucegi   ( dinlə); mac. Bucsecs-hegység) — Mərkəzi Rumıniyada, Braşov şəhərinin cənubunda yerləşən dağ silsiləsi. Buçeqi dağları Karpat dağlarının qolu olan Cənubi Karpat dağlarının bir hissəsidir.

Buçeci dağları
rum. Munții Bucegi, mac. Bucsecs-hegység
Ümumi məlumatlar
Mütləq hündürlüyü	2.505 m
Nisbi hündürlüyü	2.505 m
Hündür zirvəsi	Omul dağı
Yerləşməsi
Ölkə	Rumıniya
Əyalətlər	Dımbovitsa Prahova Braşov
Buçeci dağları
Vikianbarda əlaqəli mediafayllar

Şərqə doğru getdikcə dağların yamacları dikləşir və burada məşhur Prahova dərəsi yerləşir (Buşteni və Sinaya şəhərləri). Buçeci platformasında külək müxtəlif və görməli daş quruluşlarının yaranmasına səbəb olmuşdur: Sfinks və Babelə kimi.

Belə bir inanc mövcuddur ki, Buçeci müqəddəs Dakiya dağı olan Koqaynondur, hansı ki, bu dağın mağarasında tanrı Zalmoksis yaşayır.

Ad

"Buçeci" adının mənşəyi mübahisələr doğurur. "Buçeac" və ya "Buqeaç" adın ilkin forması hesab olunur. Bu söz dağ adamlarının dilində ardıc ağaclarını və meşə mamırlarını ifadə etmək üçün istifadə olunur. "Buçeci" sözünün arxaik forması "Buçeçi"dir. Bu söz hələ də dağlarda yaşayan yaşlılar tərəfindən istifadə olunur və "huçeaq", "buçeaq" və "buqeaç" sözlərindən əmələ gəldiyi güman olunur.

Linqvist Sekstil Puşçariu iddia edir ki, dağlardan biri olan Buçşoinin adı "Buç", "Buçur" sözlərindən yaranmışdır. Dağların adı da bu sözdən törəmişdir. "Buçur" əslində Dakiya adıdır. Yorqu Yordanın əsəri "Toponimia romînească"-ya görə dağların adı slavyan "buk" (azərb. fıstıq‎) sözündən əmələ gəlmişdir.

Dağ silsilələri

Buçeci dağları üç silsilədə qruplaşdırılır:

• Buçeci dağları (Omul dağı - 2505 metr)
• Leaota dağları (Leaota dağı - 2133 metr)
• Piatra Kraiului dağları (Bakiului dağı - 2238 metr)

Piatra və Leaota dağlarını Bran keçidi ayırır. Bu keçid Valaxiya ilə Transilvaniya arasında sərhəd kimi müəyyənləşdirilmişdi. Burada Bran qalası yerləşir.

Turizm

Buçeqi dağlarının zirvələri.

Buçeci dağları Prahova dərəsi ilə sərhəddə yerləşir. Prahova dərəsində dağ-xizək istirahət mərkəzləri yerləşir və onların sayına görə Rumıniyada birincidir. Bundan başqa, 1935-ci ildə Buçeci dağları qorunan təbiət ərazisi elan olunmuş, daha sonra milli park statusu almışdır.

Xizək idmanı

Buçeci dağlarında yerləşən ən məşhur dağ-xizək istirahət mərkəzləri Sinaya və Buştenidir. "Karpatın incisi" ləqəbi ilə tanınan Sinaya qış idman növləri ilə məşğul olmağı təklif edir. Burada teleferik və qaldırıcı mexanizm fəaliyyət göstərir. Əsas görməli yerlər Peleş qalası, Pelişor qalası, Kral stansiyası, Sinaya monastırı, kazino, Corce Enesku muzeyi hesab olunur.

800-900 metr hündürlükdə yerləşən Buştenidə şalelər, otellər, turist dayanacaqları yerləşir. Silve oteli ilə Babelə şalesini teleferik əlaqələndirir. Buşteni maraqlı qaya quruluşlarına ev sahibliyi edir: Sfinks və Babele. Buşteni Buçeci massivi üzərində yerləşən trekkinqin başlanğıc nöqtəsidir. Qış aylarında burada xizəksürmə məşğul ola və kirşəyə minə bilərlər. Xizək yamacları çətinliyinə görə müxtəlifdir. Buştenidə Santakuzino qalası və Çezar Petresku muzeyi, eləcə də, forel ferması yerləşir.

Ruçar-Bran dəhlizi

Ruçar-Bran dəhlizi burada yerləşən keçiddir. Keçidin bir tərəfində Buçeci dağları, bir tərəfində Piatra Kraiului dağları və Yezer-Papuşa dağları yerləşir.

Buçeci Təbiət Parkı

Əsas məqalə:

Haqqında verilən məlumatları XV əsrə qədər uzanan Buçeci dağlarının 1936-cı ilə tayı-bərabəri olmayan təbiətinə, eləcə də, zəngin flora və faunasına görə qorunan təbiət ərazisi elan edilməsi təklif edilmişdi. Lakin bu təklif ancaq 1990-cı ildə nazirin 7/1990 nömrəli əmri ilə həyata keçirilmişdir. Buçeci Təbiət Parkının sahəsi 32,663 hektar olub 3 judesi əhatə edir: Dımbovitsa, Prahova, Braşov. Təbiət parkının ərazisinin 60 %-dən çoxu meşələrdən ibarətdir.

Qalereya

• Omul dağı, 2505 metr.
• Buçsoiu dağı
• Buçeci dağları
• Buçeci massivində divarlar
• huduları
• Qəhrəmanlar xaçı,
• Buçeci dağlarının zirvəsi
• Sfinks
• Omuldan
• Şale
• Karayman xaçı
• Yayın əvvəllərində
• Sinayada qoyun sürüsü
• Malaieşti dərəsi payızın sonlarında
• Bolboçi gölü
• Paraşüt idmanı
• Yayda

İstinadlar

1. "http://www.montania.ro". 2015-03-29 tarixində . İstifadə tarixi: 2016-04-13.
2. Mihai, Dana. "„Buceagul", misterioasa denumire care a dat numele munţilor Bucegi. Vârful Omu, sanctuar dacic". Adevărul (Romanian). 4 June 2013. 3 March 2015 tarixində . İstifadə tarixi: 13 April 2016.
3. . Toponimia romînească. Bucharest: Editura Academiei Republicii Populare Romîne. 1963. səh. 84. OCLC 460710897.
4. . CeSaVezi.ro (Romanian). 2015-07-01 tarixində orijinalından arxivləşdirilib. İstifadə tarixi: 2016-04-14.
5. "Sinaia si Busteni". RomanianMonasteries.org (Romanian). 2022-03-03 tarixində . İstifadə tarixi: 2016-04-14.
6. "Parcul Natural Bucegi". Ziar de Busteni (Romanian). 2014-10-23 tarixində . İstifadə tarixi: 2016-04-14.

Xarici keçidlər

• Buçeci dağlarının şəkilləri
• Buçeci Təbiət Parkı

Vikianbarda Buçeci dağları ilə əlaqəli mediafayllar var.