Beşşi Mis Mədəni Memorial Muzeyi

Beşşi Mis Mədəni Memorial Muzeyi (別子銅山記念館, Beşşi Dozan Kinenkan) – Yaponiyanın Ehime prefekturasının şəhərində yerləşən muzey. tarixinə və fəaliyyətinə həsr olunmuşdur.

Beşşi Mis Mədəni Memorial Muzeyi
Açılış tarixi	13 iyun 1975
Mövzu	Beşşi mis mədəni^[d]
Ölkə	Yaponiya
Yerləşir	Niihama^[d]
^HGYO
besshidozan-museum.jp
Vikianbarda əlaqəli mediafayllar

Tarixi

Niihama şəhərində yerləşən və 1691-ci ildə açılmış Yaponiyanın ən böyük mis mədənlərindən biri olmuşdur. Mədən 283 il boyunca "Sumitomo Group" tərəfindən idarə olunmuşdur. 1973-cü ildə bağlanmışdır. Muzey mis mədəninin bağlanmasından iki il sonra – 1975-ci ildə açılmışdır.

Muzey binası 1976-cı ildə Tikinti Sənayesi Assosiasiyası Mükafatına, 2001-ci ildə BELCA mükafatına, 2002-ci ildə mükafatına layiq görülmüşdür.

Xüsusiyyətlər

Muzeydə sərgilənən lokomotivlərdən biri.

İkimərtəbəli muzey binası ərazisində yerləşir. Bu məbəd mədənin qoruyucusu hesab olunan kami Oyamazumiyə həsr olunmuşdur. Muzey binasının bir qismi yeraltındadır və interyeri mis mədəninə daxil olmaq təəssüratı oyadacaq şəkildə dizayn olunmuşdur. Muzeyin damında təxminən 10.000 azaliya əkilmişdir.

Muzeyin məqsədi ziyarətçiləri Beşşi mis mədəni haqqında məlumatlandırmışdır. Muzeydə Beşşi mis mədəninə aid əşyalar, mədənin açılmasına aid tarixi materiallar, süxurlar, mədənçilik texnologiyası materialları, mədən həyatı və praktikaları haqqında materiallar sərgilənir.

Muzey bir neçə bölmədən ibarətdir. İzumiya guşəsində mədəni işlətmiş "Sumitomo" şirkəti haqqında məlumat verilir, Edo dövrünə aid mis məhsulları sərgilənir. Tarix guşəsində Beşşi mis mədəninin açılışı, Meyci dövründə modernləşdirilməsi və bağlanması dövrlərini əhatə edən tarixi göstərilir. Geologiya və minerallar bölməsində Beşşi mis mədənindən, eləcə də, ətraf ərazilərdən çıxarılmış süxur nümunələri sərgilənir. Texnologiya guşəsində mədənçilik alətləri, qaya deşmə vasitələri, dəmiryol təchizatları, mədənçilik metodları nümayiş etdirilir. Gündəlik həyat və əyləncə guşəsində Edo və burada mədənçiliklə məşğul olmuş insanların həyatı əks etdirilir. Muzeyin açıq hava bölməsində mədənin dəmiryolunda istifadə olunmuş lokomotivlər sərgilənir.

Muzeydə Beşşi mis mədəninin 200 illiyi münasibətilə 1890-cı ildə hazırlanmış ukiyo-e, 1889–1925-ci illərdə istehsal olunmuş "KS" markalı mis məhsulları, Beşşi mis mədəninin əməliyyatları haqqında şoqunluq üçün yazılmış petisiya və bildirişlər, mədənin modeli, xarici ölkələrə mis göndərmək üçün nəzərdə tutulmuş xüsusi mis qutuları, mədəndən çıxarılmış mislə hazırlanmış büstü, Niihamadan mis daşımaq üçün istifadə olunmuş "Hakusui-maru" gəmisinin modeli, xalkopirit mineralları, mədəndən çıxarılmış misi daşıyan əks etdirən kuklalar sərgilənir.

İstinadlar

1. "別子銅山について". Muzeyin rəsmi saytı (yaponca). 14 iyul 2024 tarixində arxivləşdirilib. İstifadə tarixi: 14 iyul 2024.
2. "別子銅山記念館について". Muzeyin rəsmi saytı (yaponca). Archived from the original on 2024-07-14. İstifadə tarixi: 14 iyul 2024.
3. "展示物について". Muzeyin rəsmi saytı (yaponca). 14 iyul 2024 tarixində arxivləşdirilib. İstifadə tarixi: 14 iyul 2024.

Xarici keçidlər

• besshidozan-museum.jp — Rəsmi saytı