Ağarəfi Rəhimov

Ağarəfi Hacıbaba oğlu Rəhimov (9 may 1952, Bakı – 25 oktyabr 2005, Bakı) — Azərbaycan aktyoru.

Ağarəfi Rəhimov
Ağarəfi Hacıbaba oğlu Rəhimov
Doğum tarixi	9 may 1952(1952-05-09)
Doğum yeri	Bakı, Bakı vilayəti, Azərbaycan SSR, SSRİ
Vəfat tarixi	25 oktyabr 2005(2005-10-25) (53 yaşında)
Vəfat yeri	Bakı, Azərbaycan
Vəfat səbəbi	ürək tutması
Vətəndaşlığı	Azərbaycan
Fəaliyyəti	aktyor

Həyatı

Ağarəfi Hacıbaba oğlu Rəhimov 1952-ci il 9 mayda Bakı şəhərində anadan olub. Ağarəfi Rəhimov ilk sənət təhsilinə 182 saylı orta məktəbin dram dərnəyində başlayıb. 1970-ci ildən əmək fəaliyyətinə başlayıb.

1972-ci ildə İncəsənət İnstitutunun aktyorluq fakültəsində daxil olub və Rza Təhmasibin kursunda təhsil alıb. İlk səhnə fəaliyyətinə Şəki Dövlət Dram Teatrından başlayıb. 1977–1988-ci illərdə Musiqili Komediya Teatrında çalışmışdır.

1988–1996-cı ildə Bakı Bələdiyyə "Tənqid Təbliğ" Teatrında da çalışıb. 1996-cı ildən Musiqili Komediya Teatrında yenidən aktyor fəaliyyətinə başlamış və ömrünün sonuna qədər həmin teatrda çalışmışdır.

Ağarəfi Rəhimov Binəqədi Xalq Teatrının rejissoru olmuşdur.

25 oktyabr 2005-ci ildə işə gələrkən evində ürəktutmasından vəfat etmişdir.

Filmoqrafiya

Ağarəfi Rəhimov aşağıdakı filmlərdə çəkilmişdir:

1. Birisigün, gecəyarısı... (film, 1981)
2. Üzeyir ömrü (film, 1981)
3. Evlənmək istəyirəm (film, 1983)
4. İşarəni dənizdən gözləyin (film, 1986)
5. Özgə ömür (film, 1987)
6. Gülüş sanatoriyası (film, 1989)
7. Qətl günü (film, 1990)
8. Şirbalanın məhəbbəti (film, 1991)
9. Yük (film, 1995)
10. Kənddən gələn var
11. Kənddən gələn var. II
12. Yoxlama (film, 2006)
13. Papaq (film, 2007)

İstinadlar

1. "Məşhur aktyorun qızı: "Hamının toyunu etdi, amma bizim toyumuzu görmədi" — FOTO" 2021-11-17 at the Wayback Machine. Milli.az
2. "Musiqili Teatrda aktyor Ağarəfi Rəhimovun xatirəsi anılacaq" 2021-11-17 at the Wayback Machine. Manera.az