Aygün Bayramova

Aygün Bayramova (tam adı: Aygün Əliqulu qızı Bayramova; d. 13 avqust 1967, Sarıhacılı, Ağdam rayonu) — Azərbaycan xanəndəsi və opera müğənnisi, Azərbaycan Respublikasının xalq artisti (2005), Prezident mükafatçısı.

Aygün Bayramova
Aygün Əliqulu qızı Bayramova
Azərbaycanın mədəniyyət və incəsənət xadimlərinin bir qrupunun Prezident İlham Əliyev və birinci xanım Mehriban Əliyeva ilə görüşü zamanı. 1 mart 2019-cu il
Ümumi məlumatlar
Doğum tarixi	13 avqust 1967(56 yaş)
Doğum yeri	Sarıhacılı, Ağdam rayonu, Azərbaycan SSR, SSRİ
Vətəndaşlığı	SSRİ→ Azərbaycan
Musiqiçi məlumatları
Fəaliyyəti	xanəndə
Fəaliyyət illəri	1986–indiyə kimi
Janr	muğam
Təhsili	Bakı Musiqi Akademiyası
Mükafatları	2005
Vikianbarda əlaqəli mediafayllar

Həyatı

Aygün Bayramova 1989-cu ildə A.Zeynallı adına Bakı musiqi texnikumunu Şövkət Ələkbərovanın sinfi üzrə bitirmişdir.

1995-ci ildə Ü.Hacıbəyli adına Azərbaycan Dövlət Konservatoriyasında təhsilini tamamlamışdır.

1989-cu ildən Muğam Teatrının solistidir. Gözəl səs tembrinə, oxu mədəniyyətinə malik olan müğənni Azərbaycan xalq mahnılarının, muğamların və bəstəkar mahnılarının mahir ifaçısıdır.

2003-cü ildən Azərbaycan Dövlət Akademik Opera və Balet Teatrının solistidir.

Teatrın səhnəsində bir çox muğam operalarında aparıcı partiyaları – "Leyli və Məcnun"da Leyli, "Natəvan"da Müğənni, "Koroğlu"da Xanəndə qız, "Aşıq Qərib"də Şahsənəmi böyük ustalıqla ifa etmişdir.

Muğam sənətinin istedadlı nümayəndələrindən biri olan A.Ə.Bayramova bir çox xarici ölkələrdə milli musiqi sənətimizi layəqətlə təmsil etmiş, tamaşaçı məhəbbəti qazanmışdır.

30 aprel 2014-cü ildə, 6 may 2015-ci ildə, 6 may 2016-cı ildə və 1 may 2017-ci ildə Prezident Mükafatına layiq görülmüşdür.

Şəxsi həyatı

Aygün Bayramova 23 may 2017-ci ildə İran vətəndaşı olan musiqiçi Fəraməz Gərmrudi ilə ailə həyatı qurub.

Filmoqrafiya

1. Güllələnmiş heykəllər (film, 2002)
2. Yeni həyat (2005)

İstinadlar

1. İlham Əliyev və birinci xanım Mehriban Əliyeva mədəniyyət və incəsənət xadimlərinin bir qrupu ilə görüşüblər 2023-06-28 at the Wayback Machine. president.az, 01.03.2019  (az.)
2. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2018-04-07 tarixində . İstifadə tarixi: 2014-04-30.
3. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2018-12-27 tarixində . İstifadə tarixi: 2015-09-01.
4. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2017-07-23 tarixində . İstifadə tarixi: 2016-05-06.
5. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 01.05.2017. 2017-05-04 tarixində . İstifadə tarixi: 2017-05-02.
6. İnform. "Aygün Bayramovanın toyudur- Fotolar" (az.). İnform.az. 23.05.2017. İstifadə tarixi: 2017-05-23.^{[ölü keçid]}
7. Axşam.az. "Aygün Bayramovanın toyu baş tutdu - fotolar" (az.). Axşam.az. 23.05.2017. 2019-05-12 tarixində . İstifadə tarixi: 2017-05-23.

Xarici keçidlər

• Mənsum İbrahimov, Təyyar Bayramov, Aygün Bayramova, Nəzakət Teymurova - Qarabağ Şikəstəsi