Aydın çobanoğlu yaradıcı və ifaçı aşıq Aydın çobanoğluümumi məlumatlarDoğum adı Aydın çoban oğlu MusayevDoğum tarixi 18

Aydın Çobanoğlu — yaradıcı və ifaçı aşıq.

Aydın Çobanoğlu

Ümumi məlumatlar
Doğum adı	Aydın Çoban oğlu Musayev
Doğum tarixi	18 yanvar 1951
Doğum yeri	Əlimərdanlı, Tovuz rayonu, Azərbaycan SSR, SSRİ
Vəfat tarixi	23 mart 1993 (42 yaşında)
Musiqiçi məlumatları
Fəaliyyəti	filologiya
Musiqi aləti	Saz
Səs tembri	zil

Həyatı

Aşıq Aydın Çoban oğlu Musayev 1951-ci ildə Tovuz rayonunun Əlimərdanlı kəndində sənətkar ailəsində dünyaya göz açıb. Aşıq Aydının ilk ustadı da atası Aşıq Çoban olub.

Aşıq Aydın orta təhsilini bitirdikdən sonra Bakıda texniki ixtisas üzrə ali məktəbə daxil olsa da, orada cəmi iki il oxuyub, sonra tale onun yolunu dəyişib. ADU-nun (indiki BDU-nun) filologiya fakültəsində oxuyub. Universitetdə oxuya-oxuya bölgələrdən gələn aşıqların konsertlərində və digər tədbirlərdə yaxından iştirak edib. Hələ tələbə ikən özünün sazıyla, sözüylə respublikada tanınıb.

1975-1977-ci illərdə respublika daxili baxış-müsabiqəsinin qalibi olub. 1977-ci ildə I Ümumittifaq festivalının laureatı adını qazanıb. 1977-1979-cu illərdə Gənc aşıqların respublika baxış-müsabiqəsinin qalibi, 1984-cü ildə Polşa Xalq Respublikasında keçirilən XI Beynəlxalq Folklor festivalının, 1985-ci ildə II dünya müharibəsində qələbənin 40 illik yubileyinə həsr edilmiş ümumittifaq festivalının, 1987-ci ildə II Ümumittifaq xalq yaradıcılığı festivalının laureatı olub və həmin il eyni zamanda SSRİ Nazirlər Sovetinin Fəxri fərmanına layiq görülüb.

1988-ci ildə Lenin komsomolu mükafatına və həmin ilin fevral-mart aylarında Almaniya Demokratik Respublikasına “Dostluq səfəri” adlı konsertdəki çıxışına görə Fəxri fərmana layiq görülüb. 1988-ci ildə Aşıq Əkbər Cəfərovla birlikdə Leninqradda (Sankt-Peterburqda keçirilən “Folklor və gənclik” adlı konfransda çıxış edib. Onların bu çıxışına yüksək qiymətləndirilib.

1989-cu ildə İsveçdə keçirilən Folklor musiqi festivalında Azərbaycandan gələn musiqiçilərin tərkibində Aydın Çobanoğlu da olub.

Aşıq Aydın Çobanoğlu 1990-1991-ci illərdə Türkiyənin Konya şəhərində keçirilən “Konya aşıqlar bayramı”nda Atatürk qızıl medalına layiq görülüb.

Aşıq Aydın Çoban oğlu Musayev 1993-cü ilin mart ayının 23-də faciəli şəkildə qətlə yetirilib.

Məqalələri

"Saz, söz, ifaçılıq və...", "Ozan dünyası" jurnalı, № 2(5). 2011-cu il.

İstinadlar

"Ozan dünyası" jurnalı, № 2(5). 2011-cu il.
Hüseyn Məmmədov. "Amansız ölüm" (PDF). "Ozan dünyası" (az.). azab.az. 2015. İstifadə tarixi: 2016-02-04.^{[ölü keçid]}
Hüseynli, M. “Aydın Çobanoğlu kimi bir bülbülü susdurmaq xalqa xəyanət idi”: O, saz-söz sevərlərin qəlbində əbədiyaşarlığını qazananlardandır //Təzadlar.- 2014.- 15 noyabr.- S.14.

Mənbə

Uğur. Yeraltı “duz saray”ında “konsert”: Əli Şamil: “Aydın Çobanoğlu tələbə yataqxanasının otaqlarında bizə konsertlər verərdi”: [tanınmış araşdırmaçı Əli Şamilin aşıq Aydın Çobanoğlu haqqında söylədikləri] //Xalq cəbhəsi.- 2013.- 19 aprel.- S. 14.

Xarici keçidlər

http://azab.az/ustad/120-aedq-ayddn-gobanodlu.html 2011-09-16 at the Wayback Machine
"Azərbaycan Aşıqlar Birliyi: Ozan dünyası. №4(7)" (PDF) (az.). "Ozan dünyası" jurnalı. 2011. 2017-05-18 tarixində arxivləşdirilib (PDF). İstifadə tarixi: 2017-05-18.

[1] "Ozan dünyası" jurnalı, № 2(5). 2011-cu il.

[2] Hüseyn Məmmədov. "Amansız ölüm" (PDF). "Ozan dünyası" (az.). azab.az. 2015. İstifadə tarixi: 2016-02-04.^{[ölü keçid]}

[3] Hüseynli, M. “Aydın Çobanoğlu kimi bir bülbülü susdurmaq xalqa xəyanət idi”: O, saz-söz sevərlərin qəlbində əbədiyaşarlığını qazananlardandır //Təzadlar.- 2014.- 15 noyabr.- S.14.