Arif Qeybiyev

Arif İsmayıl oğlu Qeybiyev (6 iyun 1997, Səncərədi, Astara rayonu – 27 sentyabr 2020, Füzuli rayonu) — Kros qaçışı üzrə üçqat Azərbaycan Çempionu, Atletika üzrə gənclər arasında Azərbaycan çempionu, Avropa Olimpiya təsnifat yarışlarının iştirakçısı, Yeniyetmələr arasında Respublika Birinciliyinin qalibi, Azərbaycan Silahlı Qüvvələrinin müddətdən artıq xidmət edən hərbi qulluqçusu, İkinci Qarabağ müharibəsi şəhidi.

Arif Qeybiyev
Şəxsi məlumatlar
Doğum adı	Arif İsmayıl oğlu Qeybiyev
Doğum tarixi	6 iyun 1997(1997-06-06)
Doğum yeri	Səncərədi, Astara rayonu, Azərbaycan
Vəfat tarixi	27 sentyabr 2020(2020-09-27) (23 yaşında)
Vəfat yeri	Füzuli rayonu, Azərbaycan
Vəfat səbəbi	şəhid
Dəfn yeri	Ərçivan
Vətəndaşlığı	Azərbaycan
Həyat yoldaşı	İranə Qeybiyeva
Uşağı	Gülnur Qeybiyeva
Atası	İsmayıl Abidinov
Anası	Rəna Qeybiyeva
Təhsili	Astara Pedaqoji Kolleci (2012–2016)
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2016–2020
Rütbəsi	Əsgər
Vəzifəsi	Tankçı
Döyüşlər	İkinci Qarabağ müharibəsi  • Füzulinin azad edilməsi
Təltifləri	2020 2021 2020 2020

Həyatı

Arif Qeybiyev 1997-ci il iyunun 6-da Astara rayonunun Səncərədi kəndində anadan olub. 2002-ci ildə E. Ağayev adına Səncərədi kənd tam orta məktəbinə daxil olmuşdur. 2012–2016-cı illərdə Astara Pedaqoji Kollecinin idman fakültəsində orta ixtisas təhsili alıb.

Şəxsi həyatı

Ailəli idi, Gülnur adında 1 qız övladı yadigar qaldı.

Karyerası

Arif Qeybiyev orta məktəb dövründə idmanın atletika növü ilə məşğul olub. Rayon və ölkə üzrə yarışlarda ilk üçlüyə düşüb. Bundan başqa atletika üzrə 50-dən çox diplomu var, onlardan 30-u birincilik üzrədir. 2015 Avropa Oyunlarının iştirakçısı olub. Tarixi İpək yolu üzərində yerləşən qədim Astarada alovqoruyanların müşayəti ilə keçirilən məşəl yürüşündə Arif Qeybiyev də iştirak etmişdir.

Hərbi xidməti

Arif Qeybiyev 2016-cı ilin iyul ayında Azərbaycan Silahlı Qüvvələrinə müddətli həqiqi hərbi xidmətə çağırılıb. İlk xidmət yeri Bakı şəhərində Daxili İşlər Nazirliyinin Daxili Qoşunları olsa da, daha sonra xidmətini Naxçıvan Muxtar Respublikasında xüsusi təyinatlıların bölüyündə davam etdirmişdir. Hərbi xidməti müddətində 2 dəfə tərifnamə ilə təltif olunub. Hərbi xidmətini 2018-ci ilin yanvar ayında başa vurub. Ordu sıralarında xidmət etmək üçün 3 dəfə sənəd verib, lakin qəbul olmayıb. Ancaq 4-cü dəfə sənəd verərkən istəyinə nail olmuşdur. 2018-ci ilin oktyabr ayında hərbi kursa çağırıldı. 2019-cu ilin yanvar ayında Ağcabədi rayonunda yerləşən hərbi hissədə müddətdən artıq xidmət edən hərbi qulluqçu olaraq tankçı kimi xidmət etməyə başlamışdır. 2019-cu ilin avqust ayında təyinatı Füzuli rayonunda yerləşən hərbi hissəyə verilir və şəhadətinə qədər xidmətini orada davam etdirir.

İkinci Qarabağ müharibəsində iştirakı

Azərbaycan Silahlı Qüvvələrinin müddətdən artıq xidmət edən hərbi qulluqçusu, tankçı Arif Qeybiyev 2020-ci il sentyabrın 27-də Azərbaycan və Ermənistan arasında başlanan İkinci Qarabağ müharibəsi zamanı Füzuli uğrunda gedən döyüşlərdə savaşıb. Sentyabrın 27-də Füzulinin azad edilməsində Arif Qeybiyevin dostu, tankçı Mirrahil Teymurlunun tankı minaya düşür və Arif öz tankından düşüb 100–200 metr aralıda olan dostunun tankına çatıb dostunu xilas etmək istəyərkən erməni snayperinin gülləsinə tuş gəlir və şəhid olur.Astara rayonunun Ərçivan qəsəbəsində dəfn olunub.

Azərbaycanın ərazi bütövlüyünün bərpa edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Arif Qeybiyev ölümündən sonra ilə təltif edildi.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidlik və şücaət nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Arif Qeybiyev ölümündən sonra ilə təltif edildi.

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidlik və şücaət nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Arif Qeybiyev ölümündən sonra ilə təltif edildi.

Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Arif Qeybiyev ölümündən sonra ilə təltif edildi.

Təltifləri

• (15 dekabr 2020) — (ölümündən sonra)
• (25 dekabr 2020) — (ölümündən sonra)
• (25 dekabr 2020) — (ölümündən sonra)
• (24 iyun 2021) — (ölümündən sonra)

İrsi və xatirəsi

• Gənclər və İdman Nazirliyi Azərbaycan Atletika Federasiyası ilə birgə hər il Arif Qeybiyevin xatirəsinə həsr olunmuş şosse qaçışı üzrə respublika turniri keçirilir. İlk dəfə yarış 8–11 oktyabr 2021-ci ildə, 2-ci yarış 30 sentyabr 2022-ci ildə, 3-cü yarış 8 oktyabr 2023-cü ildə keçirilmişdir. 4-cü yarış 4–5 oktyabr 2024-cü ildə keçiriləcəkdir.

İstinadlar

1. "Astarada kross qaçışı üzrə Azərbaycan çempionatında qalib adını qazanmış idmançılarla görüş keçirilmişdir". azertag.az (az.). Azertac. 16 oktyabr 2012. 2020-11-04 tarixində .
2. "Şəhid idmançılarımız". www.mys.gov.az (az.). Azərbaycan Respublikası Gənclər və İdman Nazirliyi. 2020-11-04 tarixində . İstifadə tarixi: 1 oktyabr 2020.
3. "ASTARA RAYON İCRA HAKİMİYYƏTİ>İdman". astara-ih.gov.az (az.). ASTARA RAYON İCRA HAKİMİYYƏTİ. 2020-10-31 tarixində .
4. "Baharın gəlişi cənub bölgəsində el şənlikləri ilə qeyd olunur VİDEO". azertag.az (az.). 2020-11-05 tarixində . İstifadə tarixi: 19 mart 2016.
5. "Azərbaycan çempionatında astaralı atletlərin möhtəşəm qələbəsi". azsport.az (az.). 22 aprel 2014. 2020-11-05 tarixində .
6. "İsmayıllıda kross qaçışı üzrə respublika çempionatı keçirilib". azpress.az (az.). 11 oktyabr 2013.^{[ölü keçid]}
7. "Avropa Oyunlarının məşəli Lerik və Astarada – fotolar". axsam.az (az.). 1 may 2015. 1 August 2022 tarixində .
8. "Bir gün ərzində uca dağlardan dəniz sahilinə qədər sevinc yürüşü". azerisport.az (az.). 1 may 2015. 1 August 2022 tarixində .
9. . astara-ih.gov.az (az.). ASTARA RAYON İCRA HAKİMİYYƏTİ. 1 may 2015. 18 July 2017 tarixində orijinalından arxivləşdirilib.
10. "Avropa Oyunlarının məşəli Lerik və Astarada – Fotolar+ Video". beynelxalq.info (az.). 1 may 2015. 17 September 2023 tarixində .
11. "İkinci Qarabağ müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycan Respublikası Müdafiə Nazirliyinin rəsmi saytı). 08.12.2020. 2021-02-27 tarixində (PDF). İstifadə tarixi: 22.12.2020.
12. "Azərbaycan çempionu olan idmançımız şəhidlik zirvəsinə yüksəldi". fanat.az (az.). 2020-11-04 tarixində . İstifadə tarixi: 30 sentyabr 2020.
13. "Azərbaycan çempionu cəbhədə şəhidlik zirvəsinə yüksəldi – FOTO". sportinfo.az (az.). 2022-08-01 tarixində . İstifadə tarixi: 30 sentyabr 2020.
14. "3 qat Azərbaycan çempionu şəhid oldu". sportal.az (az.). 2020-11-06 tarixində . İstifadə tarixi: 30 sentyabr 2020.
15. "İdmançımız, erməni aqressiyası nəticəsində Vətən uğrunda şəhid oldu". af-aze.org (az.). 2022-08-01 tarixində . İstifadə tarixi: 30 sentyabr 2020.
16. "Azərbaycan çempionu şəhid oldu". qol.az (az.). 2020-11-06 tarixində . İstifadə tarixi: 30 sentyabr 2020.
17. "Azərbaycan çempionu olan idmançımız şəhidlik zirvəsinə yüksəldi". aqreqator.az (az.). 2020-11-03 tarixində . İstifadə tarixi: 30 sentyabr 2020.
18. . parla.az (az.). 2020-10-26 tarixində orijinalından arxivləşdirilib. İstifadə tarixi: 30 sentyabr 2020.
19. "Azərbaycan çempionu vətən uğrunda şəhid oldu – FOTO". sfera.az (az.). 2020-11-05 tarixində . İstifadə tarixi: 30 sentyabr 2020.
20. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.president.az (Azərbaycan Prezidentinin rəsmi saytı). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
21. "Azərbaycan Silahlı Qüvvələrinin hərbi qulluqçularının "Füzulinin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.e-qanun.az (Normativ hüquqi aktların vahid internet elektron bazası). 25.12.2020. 2021-01-16 tarixində arxivləşdirilib. İstifadə tarixi: 25.12.2020.
22. "Azərbaycan Silahlı Qüvvələrinin hərbi qulluqçularının "Xocavəndin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.e-qanun.az (Normativ hüquqi aktların vahid internet elektron bazası). 25.12.2020. 2021-01-18 tarixində arxivləşdirilib. İstifadə tarixi: 25.12.2020.
23. "Azərbaycan Silahlı Qüvvələrinin hərbi qulluqçularının "Cəsur döyüşçü" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.mod.gov.az (Azərbaycan Respublikası Müdafiə Nazirliyinin rəsmi saytı). 24.06.2021. 2021-06-26 tarixində arxivləşdirilib. İstifadə tarixi: 24.06.2021.
24. "10 Oktyabr 2021-ci il tarixində II Qarabağ müharibəsi Şəhidi Arif Qeybiyevin xatirəsinə hərs olunmuş atletika üzrə I Respublika yarışı keçirildi". 2024-01-01 tarixində . İstifadə tarixi: 2024-01-01.
25. "Şəhid idmançı Arif Qeybiyevin xatirəsinə respublika turniri keçirilib". (Gənclər və İdman Nazirliyinin rəsmi saytı). 11.10.2021. 2024-01-01 tarixində orijinalından arxivləşdirilib. İstifadə tarixi: 11.10.2021.
26. "Şəhid Arif Qeybiyevin xatirəsinə həsr olunmuş yarış". 2024-01-01 tarixində . İstifadə tarixi: 2024-01-01.
27. "Arif Qeybiyevin xatirəsinə həsr olunmuş şose qaçışı üzrə III ölkə çempionatı". 2024-01-01 tarixində . İstifadə tarixi: 2024-01-01.
28. "TƏQVİM VƏ YARIŞLARDA İŞTİRAK ÜÇÜN NORMATİVLƏR". 2022-08-01 tarixində . İstifadə tarixi: 2024-01-01.