Andrey Danilko

Verka Serduçka (ukr. Вєрка Сердючка), doğum adı Andriy Mıhaylovıç Danilko (ukr. Андрі́й Миха́йлович Дани́лко; d. 2 oktyabr 1973, Poltava, Ukrayna, USSR, SSRİ) — Ukrayna müğənnisi, aktyoru, yumorist, parodist, 2008-ci ildən Ukraynanın xalq artisti. O, daha çox Verka Serduçka ləqəbi ilə drag queen artist kimi tanınır.

Andriy Danilko
Andriy Mıhaylovıç Danilko
Ümumi məlumatlar
Digər adı	Verka Serduçka
Doğum adı	Андрій Михайлович Данилко
Ləqəbi	Верка Сердючка
Doğum tarixi	2 oktyabr 1973(50 yaş)
Doğum yeri	Poltava, Ukrayna
Vətəndaşlığı	Ukrayna
Musiqiçi məlumatları
Fəaliyyəti	Müğənni
Fəaliyyət illəri	1993-cü ildən
Janrlar	disko, pop-rok, folk-rok
Musiqi alətləri	piano, sintezator, gitara
Səs tembri	tenor
Mükafatları
serduchka.com
Vikianbarda əlaqəli mediafayllar

Həyatı

Andriy Danilko 2 oktyabr 1973-cü ildə Ukraynanın Poltava şəhərində anadan olmuşdur. Atasi Mixail Semenoviç Danilko sürücü kimi çalışırdı. Andrey yeddi yaşında olanda 1980-ci ildə ağciyər xərçəngindən vəfat etdi. Anası Svetlana İvanovna Volkova (1937-2020) - rəssam və fabrik işçisi olmuşdur.

Məktəb dövründə KVN komandasının kapitanı olmuşdur və hər il yay uşaq düşərgəsində səhnədə çıxış etmişdir. 1991-ci ildə Poltava şəhər 27 saylı orta məktəbi bitirdi və Musiqi Texnikumuna daxil olmağa çalışdı, lakin müsabiqədən keçmədi. Sonra sənədləri Poltava Pedaqoji İnstitutuna təqdim etdi, lakin Ukrayna ədəbiyyatı imtahanından keçmədi. 30 saylı peşə məktəbinə daxil olmuş, ərzaq məhsullarının kassir-satıcısı ixtisası almış, iki gün öz ixtisası üzrə işləmişdir. Sonra iki dəfə musiqi məktəbinə daxil olmaq istəsə də, uğursuz oldu.

1997-ci ildə Kiyev Mədəniyyət və İncəsənət İnstitutuna kütləvi teatr tamaşaları və musiqi tamaşalarının rejissoru ixtisası üzrə daxil olmuş , iki sessiyanın uğursuzluğuna görə dördüncü kursda xaric edilmişdir.

O , Rusiyanın Ukraynaya hücumunu kəskin tənqid edənlərdən biridir, müdaxilə zamanı evakuasiya etmədi və Kiyevdə qaldı. O, 50 il müddətinə Rusiyaya girişi qadağan edilən ukraynalılar siyahısına daxil edilib.

 2007-cı ildə Ukraynanı 2007 Avroviziya Mahnı Müsabiqəsində uğurla təmsil etmişdir. Finlandiyanın paytaxtı Helsinkidə keçirilən müsabiqədə Verka Serduçka “Dancing Lasha Tumbai” mahnısını ifa edir və 2-ci yerə layiq görülür.

Yaradıcılığı

Danilko ona məşhurluq gətirən Verka Serduçka obrazında ilk dəfə Poltava Teatrında konsertdə 8 mart 1993-cü ildə göründü. Aprelin 1-də isə Poltavada Danilko ilk dəfə Verka Serduçkanı geniş ictimaiyyətə göstərdi. Elə həmin il o, ən yaxşı aktyor işi üçün Kursk müsabiqəsində birinci mükafatını aldı.1 aprel 1994-cü ildə Xarkovda keçirilən Humorina Qran Prisini qazandı və tezliklə televiziyada debüt etdi (Xarkov studiyasının Privat TV). Ümumiyyətlə 1 aprel tarixi onun yaradıcılığının ilk illərində onun üçün çox əlamətdar olub. 1995-ci il aprelin 1-də Danilkonun miniatürü Kiyevdə Aprel gülüş günündə nümayiş etdirildi.

1996-cı ildə musiqi prodüseri Yuri Nikitin və Ukraynanın Mamamusic (Nova) rekord şirkəti ilə işləməyə başladı. 1997-ci ildə ilk mahnısı - "Simply Vera" çıxdı. 13 dekabr 1997-ci ildə Ukrayna Milli Sarayında "Verka Serduçkanın Milad görüşləri" adlı konsert keçirildi. Sonra RTR telekanal ilə onu Rusiyada göstərmək hüququnu aldı. O, 2007-ci ildə Ukraynanı Avroviziya Mahnı Müsabiqəsində təmsil edənə qədər bir çox uğurlar əldə etmiş və MDB ölkələri ərazisində məşhurluğunu qazanmışdır.

2016-cı ildən Ukraynanın "X Factor" istedad şousunun münsiflər heyətinin üzvü və mentorudur. O, həmçinin 2016-cı ildən etibarən Avroviziya yarışması milli seçiminin münsiflər heyətinin daimi üzvüdür. 18 may 2019-cu ildə Avroviziyanın finalında qonaq qismində iştirak etdi. 4 sentyabr 2020-ci ildə Andrey "Sexy" mini albomunu buraxdı.

2023 Avroviziya Mahnı Müsabiqəsində Serduçka Camala və Tina Karol kimi keçmiş ukraynalı Avroviziya iştirakçıları ilə birlikdə şounun finalındakı bayraq paradında "Dancing Lasha Tumbai" mahnısını ifa etdi.

Danilkonun Serduçkadan fərqi

Danilkonun fikrincə, Verka Serduçka onun yaratmış olduğu bədii personajdır. Serduçka şən, özünə güvənən, səhnədə zarafat edən və söz altında qalmayan kimi təsvir edilsə də, Andrey Danilko sakit, təvazökar, təmkinli, çox adam olan yerləri sevmiyən biri kimi özünü xarakterizə edir.

Albomları

• Я рождена для любви (Ya rozhdena dlya lyubvi, I was born for love) (1998)
• Гоп-гоп (Hop-hop) (2002)
• Чита дрита (Chita drita) (2003)
• Ха-ра-шо (Kha-ra-sho - Good) (2003)
• Жениха хотела (Zhenikha khotela - I wanted a husband) (2004)
• После тебя (Posle tebya - After you) (2005) (released under the name Danylko: instrumental music)
• Новые песни Верки Сердючки (Novye pesni Verki Serdyuchki - The new songs of Verka Serduchka) (2006)
• Tralli-Valli (2006)
• Dancing Europe (2007)
• DoReMi DoReDo (2008)
• Alles Gut Mamba (2011)

İstinadlar

1. "Arxivlənmiş surət". 2022-04-20 tarixində . İstifadə tarixi: 2018-06-01.
2. . web.archive.org. 2014-07-11. Archived from the original on 2014-07-11. İstifadə tarixi: 2023-10-04.
3. "Andrey Danilkonun valideynləri". kp.ru. 2021-10-15 tarixində . İstifadə tarixi: 2023.10.04.
4. "«Піонер, тобі булочку? А гарячой смоли тобі не нада?» — эту и другие фразы из лексикона «продавщицы» Андрея Данилко перенимали преподаватели училища". fakty.ua (ukrayna). 2019-06-07 tarixində . İstifadə tarixi: 2023-10-04.
5. "Андрей Данилко мечтал стать солистом «Ласкового мая»". KP.UA (rus). 2020-08-09 tarixində . İstifadə tarixi: 2023-10-04.
6. [https://sites.ualberta.ca/~khineiko/Izvestia_2003/1129083.htm "������ �������: ����� �������� - ������� �� ����������� ���������"]. web.archive.org. 2021-10-15. 2021-10-15 tarixində . İstifadə tarixi: 2023-10-04.
7. Миллионова, Анна. "Полный список артистов, которым запретили въезд в Россию до 2072 года | WOMAN". www.woman.ru (rus). 2023-02-24 tarixində . İstifadə tarixi: 2023-10-04.
8. "Ukraynanın Avroviziya Mahni Müsabiqəsində olan uğurları". 5.ua/dv/ru/showbiz. 2023-03-09 tarixində . İstifadə tarixi: 2023.10.04.
9. "Kurskda mükafatlandırma". km.ru. 2021-10-15 tarixində . İstifadə tarixi: 2023.10.04.
10. "Verka Serduchka". Deezer (rus). 2022-07-31 tarixində . İstifadə tarixi: 2023-10-04.
11. "20-летие Сердючки на сцене: как украинская проводница стала идолом Европы". OBOZREVATEL NEWS (rus). 2017-09-15. 2021-07-14 tarixində . İstifadə tarixi: 2023-10-04.
12. "СЕРДЮЧКА ВЕРКА". RadioClub.ua – мультимедійний розважальний портал. NRJ Ukraine, Lounge Fm, Авторадіо Україна, Ретро FM, Радіо П'ятниця, Джем FM, Радіо Шансон, Бізнес Радіо, Power FM, DJ FM, Перець FM (rus). 2021-04-16 tarixində . İstifadə tarixi: 2023-10-04.
13. IVONA.UA. "Андрей Данилко об Х-факторе: Я жду от проекта открытий". IVONA.UA (rus). 2016-08-05. 2023-09-06 tarixində . İstifadə tarixi: 2023-10-04.
14. "Руслана и Андрей Данилко стали членами жюри нацотбора на «Евровидение-2016»". МедиаНяня - таблоид для и про медиа. 2021-06-14 tarixində . İstifadə tarixi: 2023-10-04.
15. telekritika. "Андрей Данилко снова стал членом жюри нацотбора на «Евровидение 2020»". Telekritika (rus). 2019-12-12. 2021-02-28 tarixində . İstifadə tarixi: 2023-10-04.
16. Hainey, Fionnula. "Eurovision 2023: Who are GO_A, Jamala, Tina Karol, and Verka Serduchka?". Manchester Evening News (ingilis). 2023-05-13. 2023-05-14 tarixində . İstifadə tarixi: 2023-10-04.
17. Полупанов, Владимир. "Украинская Синдерелла. Как Андрей Данилко придумал Верку Сердючку". AiF (rus). 2013-10-01. 2023-09-06 tarixində . İstifadə tarixi: 2023-10-04.

Xarici keçidlər

• Rəsmi sayt 2016-10-02 at the Wayback Machine

Əvvəlki: Tina Karol

Ukrayna Avroviziya Mahnı Müsabiqəsində 2006

Sonrakı: Ani Lorak

Vikianbarda Andrey Danilko ilə əlaqəli mediafayllar var.