Aldanmış ulduzlar bəstəkar Məmməd Quliyevin görkəmli dramaturq Mirzə Fətəli Axundovun Aldanmış kəvakib adlı povesti əsas

Aldanmış ulduzlar - bəstəkar Məmməd Quliyevin görkəmli dramaturq Mirzə Fətəli Axundovun "Aldanmış kəvakib" adlı povesti əsasında yazdığı opera. Libretto - Vidadi Paşayev.

Aldanmış ulduzlar
Bəstəkar	Məmməd Quliyev
Dili	Azərbaycan dili
Yaradılma tarixi	1976
İlk səhnələşdirmə	19 noyabr 1977

Tarixçə

Aldanmış ulduzlar - Proloq, epiloq və dörd məclisdən ibarət opera.

Bəstəkar Məmməd Quliyev, Libretto - Vidadi Paşayev, Quruluşçu rejissor - Əflatun Nemətzadə, Musiqi rəhbər və Dirijor - Rauf Abdullayev, Quruluşçu rəssam - Ə. Almaszadə, Xormeysterlər - N. Məlikov, G. Koryakin, Baletmeysterlər - R. Axundova, M. Məmmədov.

Əsər ilk dəfə 1977-ci ildə Azərbaycan Dövlət Opera və Balet Teatrının səhnəsində tamaşaya qoyulmuşdur.

Məzmun

M. F. Axundovun povestinin əsas – xalq və hökmdarlar problemini bəstəkar özündə dram teatrı, balet və pantomima cizqilərini birləşdirən sintetik opera formasında canlandırır. Əsərin janr diapozonunu genişləndirməyə çalışmaqla, müəlliflər operada qədim milli teatr formalarının, bayramlarda meydanlarda göstərilən “Qaravəlli” tamaşaları ənənələrini canlandırmağa cəhd göstərirlər. Bu “teatrda teatr” forması xalq komik nağıllarının, oxşamalarının və teatr tamaşalarının ən müxtəlif personajlarını operaya daxil etməyə imkan verir. Məsələn, bir – birini tamamlayan Keçəl və Kosa belələrindəndir.

Qəhrəmanlar və ifaçilar

Kosa - Ə. Haqverdiyev
Keçəl - K. Hüseynov
Axund - B. Mirzəyev, (C. Əkbərov)
Səlma - X. Qasımova
Yusif Sərrac - A. Məlikov
Şah - F. Mehdiyev
Cəmaləddin (münaccim) - A. Kərimov
Başbilən (vəzir) - Q. Əliyev
Bəhbəhani (saray şairi) - İ. Ələkbərov
Yumruqoğlu (sərkərdə) - Ş. Quliyev
Fiqaro (əcnəbi elçi) - K. Məmmədov
II Elçi - İ. Məmmədov
III Elçi - V. Tahirov
Cəllad, hərəmlər, rəqqasələr, saray əhli, keşikçilər, xalq nümayəndələri

Ədəbiyyat

Ю. ГАБАЙ. "ОБМАНУТЫЕ ЗВЕЗДЫ", Москва, Советская музыка, 1978, № 8, с. 55-58.
Zümrüd Dadaşzadə, Musiqinin sadiq cəngavəri, Qobustan. - 2011. - № 2. - S. 11-16 http://www.azyb.net/cgi-bin/jurn/main.cgi?id=2183^{[ölü keçid]}
K. Xankişiyeva - Məmməd Quliyevin simfonik yaradıcılığında ənənə və müasirliyə dair^{[ölü keçid]}
КАТАЛОГ СОВЕТСКИХ ПЛАСТИНОК / М. КУЛИЕВ (1936): «Обманутые звезды», Фрагменты оперы (на азербайджанском яз.) , С10—12281-2. 1979. http://records.su/album/18892
Мамед Мехти оглы Кулиев. ОБМАНУТЫЕ ЗВЕЗДЫ. Опера в двух действиях, четырех картинах с прологом и эпилогом. Советские Оперы, Москва, Советский Композитор, 1982, с. 409-411.

Həmçinin bax

Aldanmış kəvakib