Albert Səlimov 5 aprel 1986 Kaspiysk Dağıstan MSSR Rusiyanı və Azərbaycanı təmsil edən boksçu Dünya və Avropa çempionatl

Albert Səlimov (5 aprel 1986, Kaspiysk, Dağıstan MSSR) — Rusiyanı və Azərbaycanı təmsil edən boksçu, Dünya və Avropa Çempionatlarının, həmçinin Avropa Oyunlarının qalibi

Albert Səlimov

Albert Səlimov 2016-cı il Rio-de-Janeyro Olimpiadasında

Şəxsi məlumatlar

Tam adı

Albert Şöhrətoviç Səlimov

Vətəndaşlığı

Rusiya →

Azərbaycan

Doğum tarixi

5 aprel 1986(38 yaş)

Doğum yeri

Kaspiysk, Dağıstan MSSR, RSFSR, SSRİ

Təhsili

Dağıstan Dövlət Universiteti

Boyu

170 sm. (5 ft 6 in)

İdman növü

Boks

Məşqçisi

Nuripaşa Talıbov

Medallar



Qızıl		57 Kq.
Bürünc		60 Kq.
Gümüş		60 Kq.
Avropa Oyunları
Qızıl	2015 Azərbaycan	60 Kq.

Qızıl		60 Kq.
Qızıl		60 Kq.
Dövlət təltifləri 2015

Karyerası

Albert Səlimov 2006-cı ilin iyulunda Bolqarıstanın Plovdiv şəhərində baş tutan Avropa Çempionatında mübarizə apardı. Finala gedən yolda bütün rəqibləri üzərində qələbə qazanan Albert Səlimovun final görüşündə rəqibi Azərbaycan nümayəndəsi Şahin İmranov oldu. Həmin görüşdə Albert Səlimov rəqibinə 28:10 hesabı ilə qalib gəldi və Avropa Çempionatının qalibi oldu. Bir il sonra, 2007-ci ildə Birləşmiş Ştatlarda baş tutan Dünya Çempionatında da Albert Səlimov bütün rəqibləri üzərində qələbə qazanaraq Dünya Çempionatının qızıl medalına sahib oldu.

Son Dünya və Avropa Çempionatının qalibi olan Albert Səlimov 2008-ci ilin avqustunda Çində baş tutan XXIX Yay Olimpiya Oyunlarında mübarizə apardı. Turnirin təsnifat mərhələsində Albert Səlimov Ukrayna nümayəndəsi Vasili Lomaçenhoya məğlub oldu (8:14) və mübarizəsini uğursuz başa vurdu.

Olimpiadadan sonra Albert Səlimovun birinci turniri 2009-cu ilin sentyabrında İtaliyanın Milan şəhərində baş tutan Dünya Çempionatı oldu. Həmin turnirdə Albert Səlimov yarım-final mərhələsinə məğlub olaraq Dünya Çempionatının bürünc medalına sahib oldu. 2010-cu ildə Albert Səlimov Rusiyada baş tutan Avropa Çempionatının qalibi oldu.

2011-ci il isə Albert Səlimov üçün bir mövsüm oldu. İyunda Avropa Çempionatında mübarizə aparmayan Albert Səlimov sentyabrda Azərbaycanda baş tutan Dünya Çempionatında birinci görüşündəcə turnirdən uzaqlaşdırıldı. Bundan sonra Albert Səlimov tədricən Rusiya yığmasının heyətində "bir nömrə" adını itirdi. 2015-ci ildə Albert Səlimov Azərbaycan yığmasının heyətinə cəlb edildi. Albert Səlimov həm də bir müddət WSB-də çıxış edən "BAKU Fires"da mübarizə apardı.

2015-ci ilin iyununda Albert Səlimov Azərbaycan bayrağı altında Birinci Avropa Oyunlarında mübarizə apardı. Kişilərin 60 Kq. turnirində çıxış edən Albert Səlimov turnirin 1/8 final mərhələsində Gürcüstan nümayəndəsi Otar Eranosyan ilə üz-üzə gəldi. İyunun 20-də baş tutan həmin görüşdə Albert Səlimov rəqibi üzərində qələbə qazandı (3:0) və turnirin 1/4 final mərhələsinə adladı. Bu mərhələdə onun rəqibi Bolqarıstan nümayəndəsi Elian Dimitrov oldu. Bu görüşdə də Albert Səlimov rəqibinə qalib gəldi (3:0) və Avropa Oyunlarının yarım-final mərhələsinə adladı. Finala gedən yolda onun rəqibi İrlandiya nümayəndəsi Sean Komb oldu. İyunun 26-da baş tutan həmin görüşdə Albert Səlimov rəqibi üzərində qələbə qazandı (3:0) və Avropa Oyunlarının final görüşünə vəsiqə qazandı. Həlledici görüşdə isə onun rəqibi Fransa nümayəndəsi Sofian Oumiha oldu. İyunun 27-də baş tutan final görüşündə Albert Səlimov rəqibinə qalib gəldi (3:0) və Birinci Avropa Oyunlarının qalibi oldu.

Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən Birinci Avropa Oyunlarında qazandığı nailiyyətlərə və Azərbaycan idmanında xidmətlərinə görə Albert Şöhrətoviç Səlimov ilə təltif edildi.

2015-ci ilin əsas turniri Qətərin Doha şəhərində baş tutan Dünya Çempionatı oldu. Dörd ildən sonra Dünya Çempionatında çıxış edən Albert Səlimov turnirin final görüşündə Kuba nümayəndəsi Lazaro Alvareza məğlub oldu və Dünya Çempionatını gümüş medalla başa vurdu.

Albert Səlimov 2016-cı ilin avqustunda Azərbaycanı Braziliyanın Rio-de-Janeyro şəhərində baş tutan XXXI Yay Olimpiya Oyunarında təmsil elədi. Təsnifat mərhələsindən azad olan Albert Səlimov olimpiadanın 1/8 final mərhələsində İrlandiya nümayəndəsi Devid Coyze ilə üz-üzə gəldi. Avqustun 9-da baş tutan görüşdə Albert Səlimov rəqibi üzərində 3:0 hesabı ilə inamlı qələbə qazandı və turnirin 1/4 final mərhələsinə vəsiqə qazandı. Yarım-finala gedən yolda onun rəqibi Fransa nümayəndəsi Sofian Umiha oldu. Albert Səlimov həmin rəqibinə 2015-ci il ərzində həm Avropa Oyunlarında, həm də Dünya Çempionatında qalib gəlmişdi. Bu səfər də görüşün favoriti Albert Səlimov hesab olunurdu. Avqustun 12-də baş tutan görüşdə Albert Səlimov gözlənilmədən rəqibinə 0:3 hesabı ilə məğlub oldu. Medalın bir addımlığında mübarizəsini dayandıran Albert Səlimov nəticədə Rio-de-Janeyro Olimpiadasını beşinci pillədə başa vurdu.

Albert Səlimov 2016-cı ildə idmanla vidalaşdı.

Nəticələri

Albert Səlimov Rio-de-Janeyro Olimpiadası zamanı İrlandiya nümayəndəsi Devid Coyzeyə qalib gəlir

Sıra	İl	Yarış	Ev sahibi	Nəticə
Rusiya
1	2006	Avropa Çempionatı	Bolqarıstan	1.
2	2007	Dünya Çempionatı	ABŞ	1.
3	2008	Olimpiya Oyunları	Çin	PAT
4	2009	Dünya Çempionatı	İtaliya	3.
5	2010	Avropa Çempionatı	Rusiya	1.
6	2011	Dünya Çempionatı	Azərbaycan	DQ
Azərbaycan
7	2015	Avropa Oyunları	Azərbaycan	1.
8	2015	Dünya Çempionatı	Qətər	2.
9	2016	Olimpiya Oyunları	Braziliya	5.

İstinadlar

http://www.yourepeat.com/watch/?v=LRCbPxm6LOQ.
Olympedia.org. "Albert SƏLİMOV". www.olympedia.org (ingilis). 2022-08-30. 2022-08-20 tarixində . İstifadə tarixi: 30.08.2022.
Amateur-boxing.strefa.pl idman portalı. "2006 Europen Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində . İstifadə tarixi: 22.08.2022.
Amateur-boxing.strefa.pl idman portalı. "2007 World Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində . İstifadə tarixi: 22.08.2022.
Olympedia.org. "2008 Summer Olympics / Boxing / Featherweight (57 Kilograms) / Men". www.olympedia.org (ingilis). 2022-08-30. 2022-11-26 tarixində . İstifadə tarixi: 30.08.2022.
Amateur-boxing.strefa.pl idman portalı. "2009 World Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində . İstifadə tarixi: 22.08.2022.
Amateur-boxing.strefa.pl idman portalı. "2010 Europen Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində . İstifadə tarixi: 22.08.2022.
Amateur-boxing.strefa.pl idman portalı. "2011 World Championships — Results" (PDF). www.amateur-boxing.strefa.pl ( (ing.)). 22.08.2022. 2022-08-20 tarixində (PDF). İstifadə tarixi: 22.08.2022.
Amateur-boxing.strefa.pl idman portalı. "2015 Europen Games — Results". www.amateur-boxing.strefa.pl ( (ing.)). 22.08.2022. 2022-08-20 tarixində . İstifadə tarixi: 22.08.2022.
Normativ hüquqi sənədlərin vahid internet bazası. "I Avropa Oyunları qaliblərinin və Azərbaycan idmanında xidmətləri olan şəxslərin təltif edilməsi haqqında Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamı". www.e-qanun.az ( (az.)). 30.06.2015. 2022-08-24 tarixində arxivləşdirilib. İstifadə tarixi: 24.08.2022.
Amateur-boxing.strefa.pl idman portalı. "2015 World Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində . İstifadə tarixi: 22.08.2022.
Olympedia.org. "2016 Summer Olympics / Boxing / Lightweight (60 Kilograms) / Men". www.olympedia.org (ingilis). 2022-08-30. 2022-02-26 tarixində . İstifadə tarixi: 30.08.2022.

[_4d0e66c9c7067af3-1] ttp://www.yourepeat.com/watch/?v=LRCbPxm6LOQ.

[:Profile-2] Olympedia.org. "Albert SƏLİMOV". www.olympedia.org (ingilis). 2022-08-30. 2022-08-20 tarixində . İstifadə tarixi: 30.08.2022.

[:2006EC-3] Amateur-boxing.strefa.pl idman portalı. "2006 Europen Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində . İstifadə tarixi: 22.08.2022.

[:2007WC-4] Amateur-boxing.strefa.pl idman portalı. "2007 World Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində . İstifadə tarixi: 22.08.2022.

[:2008OG-5] Olympedia.org. "2008 Summer Olympics / Boxing / Featherweight (57 Kilograms) / Men". www.olympedia.org (ingilis). 2022-08-30. 2022-11-26 tarixində . İstifadə tarixi: 30.08.2022.

[:2009WC-6] Amateur-boxing.strefa.pl idman portalı. "2009 World Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində . İstifadə tarixi: 22.08.2022.

[:2010EC-7] Amateur-boxing.strefa.pl idman portalı. "2010 Europen Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində . İstifadə tarixi: 22.08.2022.

[:2011WC-8] Amateur-boxing.strefa.pl idman portalı. "2011 World Championships — Results" (PDF). www.amateur-boxing.strefa.pl ( (ing.)). 22.08.2022. 2022-08-20 tarixində (PDF). İstifadə tarixi: 22.08.2022.

[:2015EG-9] Amateur-boxing.strefa.pl idman portalı. "2015 Europen Games — Results". www.amateur-boxing.strefa.pl ( (ing.)). 22.08.2022. 2022-08-20 tarixində . İstifadə tarixi: 22.08.2022.

[:T-10] Normativ hüquqi sənədlərin vahid internet bazası. "I Avropa Oyunları qaliblərinin və Azərbaycan idmanında xidmətləri olan şəxslərin təltif edilməsi haqqında Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamı". www.e-qanun.az ( (az.)). 30.06.2015. 2022-08-24 tarixində arxivləşdirilib. İstifadə tarixi: 24.08.2022.

[:2015WC-11] Amateur-boxing.strefa.pl idman portalı. "2015 World Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində . İstifadə tarixi: 22.08.2022.

[:2016OG-12] Olympedia.org. "2016 Summer Olympics / Boxing / Lightweight (60 Kilograms) / Men". www.olympedia.org (ingilis). 2022-08-30. 2022-02-26 tarixində . İstifadə tarixi: 30.08.2022.