Vikipediyada bu ad soyadlı digər şəxslər haqqında da məqalələr var bax əşrəf əliyev əşrəf əliyev 29 iyul 1986 Giləzi Abş

Əşrəf Əliyev (29 iyul 1986, Giləzi, Abşeron rayonu) — Azərbaycanı təmsil edən sərbəst güləşçisi.

Əşrəf Əliyev

Şəxsi məlumatlar

Tam adı

Əşrəf Paşa oğlu Əliyev

Vətəndaşlığı

Azərbaycan

Doğum tarixi

29 iyul 1986 (37 yaş)

Doğum yeri

Giləzi, Abşeron rayonu, Azərbaycan SSR, SSRİ

Boyu

175 sm. (5 ft 8 in)

İdman növü

Güləş

Karyera illəri

—2016

Medallar



Bürünc		74 Kq

Karyerası

Əşrəf Əliyev Qızıl Qran-Pri beynəlxalq turnirlərini 2008 və 2010-cu illərdə 8-ci pillədə, 2009-cu ildə isə 5-ci pillədə başa vurdu. 2010-cu ilin avqustunda Finlandiyada baş tutan hərbçilər arasında Dünya Çempionatının bürünc medalına sahib olan Əşrəf Əliyev 2011-ci ilin mayında Əli Əliyev beynəlxalq turnirini, iyulunda da Qızıl Qran-Pri beynəlxalq turnirini gümüş medallarla başa vurdu. 2011-ci ilin sentyabrında isə Əşrəf Əliyev İstanbul şəhərində baş tutan Dünya Çempionatında bürünc medala sahib oldu. Əşrəf Əliyev həmdə olimpiya lisenziyasını da əldə elədi.

2012-ci ildə olimpiadadan əvvəl Əşrəf Əliyev fevralda Yaşar Doğu beynəlxalq turnirinin bürünc, iyunda da Almaniya Qran-Prisinin gümüş medalına sahib oldu. Avqustda isə Əşrəf Əliyev Azərbaycanı olimpiada da təmsil elədi. Əşrəf Əliyev olimpiadanın təsnifat mərhələsində Yaponiya nümayəndəsi Sosue Tahatani ilə üz-üzə gəldi. Görüşün birinci hissəsində rəqibinə 1:0 hesabı ilə qalib gələn Əşrəf Əliyev növbəti hissədə də rəqibi üzərində 1:0 hesabı ilə qələbə qazandı və turnirin 1/8 final mərhələsinə adladı. Bu mərhələdə onun rəqibi Dünya və Avropa Çempionatlarının qalibi Rusiya nümayəndəsi Denis Tsarquş oldu. Gərgin idman mübarizəsi şəraitində baş tutan görüşün birinci hissəsində Əliyev, növbəti hissəsində isə Tsarquş minimal hesabla qalib gəldi və görüşün taleyi üçüncü hissədə həll oldu. Həlledici hissədə Əşrəf Əliyev rəqibinə 0:1 hesabı ilə məğlub oldu. Rəqibi final görüşünə vəsiqə qazanmadığına görə Əşrəf Əliyev təsəlliverici qrupda da mübarizə apara bilmədi və olimpiadanı 8-ci pillədə başa vurdu. İlin sonunda isə Əşrəf Əliyev Qızıl Qran-Pri beynəlxalq turnirini onuncu pillədə başa vurdu.

2013-cü il ərzində Əşrəf Əliyev İspaniya Qran-Prisinin və Poland Open beynəlxalq turnirlərinin gümüş medallarına, Qızıl Qran-Pri beynəlxalq turnirinin isə bürünc medalına sahib oldu.

Karyerasında tədricən zəifləmə olan Əşrəf Əliyev 2014-cü il ərzində D. Kolov - N. Petrov beynəlxalq turnirində, Əli Əliyev beynəlxalq turnirində və Qızıl Qran-Pri beynəlxalq turnirində uğursuz çıxış elədi, sentyabrda isə Dünya Çempionatını 8-ci pillədə başa vurdu.

2015-ci il ərzində də beynəlxalq turnirlərdə medala sahib olmayan Əşrəf Əliyev 2016-cı ilin sentyabrında hərbçilər arasında Dünya Çempionatında bürünc medala sahib oldu. 2016-cı ildə idmanla vidalaşdı.

Nəticələri

Sıra	İl	Yarış	Ev sahibi	Nəticə
1	2008	Qızıl Qran-Pri	Azərbaycan	8.
2	2009	Qızıl Qran-Pri	Azərbaycan	5.
3	2010	Qızıl Qran-Pri	Azərbaycan	8.
4	2010	Hərbçilərin Dünya Çempionatı	Finlandiya	3.
5	2011	Əli Əliyev Turniri	Rusiya	2.
6		Qızıl Qran-Pri	Azərbaycan	2.
7		Dünya Çempionatı	Türkiyə	3.
8		FILA Test Turniri	Birləşmiş Krallıq	3.
9	2012	Yaşar Doğu Turniri	Türkiyə	3.
10		Almaniya Qran-Prisi	Almaniya	2.
11		Olimpiya Oyunları	Birləşmiş Krallıq	8.
12		Qızıl Qran-Pri	Azərbaycan	10.
13	2013	İspaniya Qran-Prisi	İspaniya	2.
14		Poland Open	Polşa	2.
15		Qızıl Qran-Pri	Azərbaycan	3.
16	2014	D. Kolov - N. Petrov	Bolqarıstan	8.
17		Əli Əliyev Turniri	Rusiya	16.
18		Qızıl Qran-Pri	Azərbaycan	10.
19		Dünya Çempionatı	Özbəkistan	8.
20	2015	Əli Əliyev Turniri	Rusiya	12.
21	2015	Qızıl Qran-Pri	Azərbaycan	8.
22	2016	Hərbçilərin Dünya Çempionatı	KYRM	3.
23	2016	Qızıl Qran-Pri	Azərbaycan	7.

İstinadlar

Olympedia.org. "Əşrəf ƏLİYEV". www.olympedia.org (ingilis). 2022-08-30. 2022-06-04 tarixində . İstifadə tarixi: 30.08.2022.
International Wrestling Database. "ASHRAF ALIYEV". www.iat.uni-leipzig.de (ingilis). 2022-08-04. 2020-05-30 tarixində . İstifadə tarixi: 02.08.2022.
Olympedia.org. "2012 Summer Olympics / Wrestling / Middleweight (74 Kilograms) / Freestyle / Men". www.olympedia.org (ingilis). 2022-08-30. 2022-06-18 tarixində . İstifadə tarixi: 30.08.2022.

[:PR-1] Olympedia.org. "Əşrəf ƏLİYEV". www.olympedia.org (ingilis). 2022-08-30. 2022-06-04 tarixində . İstifadə tarixi: 30.08.2022.

[:PRO-2] International Wrestling Database. "ASHRAF ALIYEV". www.iat.uni-leipzig.de (ingilis). 2022-08-04. 2020-05-30 tarixində . İstifadə tarixi: 02.08.2022.

[:RES-3] Olympedia.org. "2012 Summer Olympics / Wrestling / Middleweight (74 Kilograms) / Freestyle / Men". www.olympedia.org (ingilis). 2022-08-30. 2022-06-18 tarixində . İstifadə tarixi: 30.08.2022.