izzət əhməd oğlu Nəbiyev 1923 Nuxa 1993 texnika elmləri doktoru professor Azərbaycan SSR əməkdar elm və texnika xadimi 1

İzzət Əhməd oğlu Nəbiyev (1923, Nuxa – 1993) — texnika elmləri doktoru, professor, Azərbaycan SSR əməkdar elm və texnika xadimi (1981), SSRİ Dövlət mükafatı laureatı (1969).

İzzət Nəbiyev

Doğum tarixi	1923
Doğum yeri	Nuxa, Nuxa qəzası, Azərbaycan SSR, ZSFSR, SSRİ
Vəfat tarixi	1993
Dəfn yeri	Yasamal qəbiristanlığı
Vətəndaşlığı	SSRİ→ Azərbaycan
Elm sahəsi	avtomatika
Elmi dərəcəsi	texnika elmləri doktoru
Elmi adı	professor
İş yerləri	Azərbaycan Neft və Kimya İnstitutunun kafedra müdiri (1970-1991)
Təhsili	Azərbaycan Sənaye Universiteti
Mükafatları	1969 1984 1946 1966 1976 1986

Həyatı

İzzət Nəbiyev 1923-cü ildə Nuxa (hazırkı Şəki) şəhərində anadan olmuşdur. Azərbaycan Sənaye İnstitutunun (indiki ADNSU) Energetika fakültəsini bitirmişdir. 1951-ci ildə Azərbaycan SSR-in göndərişi ilə Moskva Energetika İnstitutunun aspiranturasına oxumağa getmiş, 1954-cü ildə namizədlik, 1972-ci ildə isə doktorluq dissertasiyasını müdafiə etmişdir. 1960-cı ildə neft profilli ali məktəblərdə ilk fakültənin — İstehsal proseslərinin aftomatlaşdırılması fakültəsinin əsasını qoymuş və onun ilk dekanı olmuşdur. 1957-ci ildən ömrünün axırına qədər (1993-cü il) eyni zamanda Sumqayıt "Neftkimya-avtomat" Elmi-Tədqiqat və Layihə İnstitutunda (indiki "Neftqazavtomat" Elmi-İstehsalat Birliyində) yerinə yetirilən ittifaq əhəmiyyətli elmi-tədqiqat və konstruktor-layihə işlərində bilavasitə iştirak etmişdir. Onun əldə etdiyi fundamental nəzəri nəticələr kütləvi istehsalda mənimsənilmiş, Azərbaycan SSR-in, eləcə də keçmiş ittifaqın neft və qaz sənayesinin avtomatlaşdırılması və telemexanikləşdirilməsi komplekslərinin yaradılmasında mühüm rol oynamışdır.

75 elmlər namizədinin elmi rəhbəri olmuşdur.

Elmi-təşkilatı fəaliyyəti

Respublika Prezidenti yanında Ali Attestasiya Komissiyasının üzvü, keçmiş SSRİ-nin Ali Təhsil Nazirliyinin Elmi-Metodik Şurasının üzvü
Azərbaycan Respublikası Təhsil Nazirliyinin Elmi-Metodik Şurasının "Avtomatika və istehsal proseslərinin avtomatlaşdırılması" bölməsinin sədri/

Müxtəlif dövrlərdə ixtisaslaşdırılmış elmi şuraların üzvü kimi mühəndis kadrların hazırlanmasında xeyli əmək sərf etmişdir. Onun elmi rəhbərliyi və məsləhətçiliyi ilə 75 elmlər doktoru və namizədləri yetişmişdir.

Mükafatları

İzzət Nəbiyev aşağıdakı medal və fəxri adlarla təltif olunmuşdur:

— 1946
SSRİ XTNS böyük gümüş medalı — 1961
SSRİ XTNS bürünc medalı — 1963
— 1966
SSRİ XTNS gümüş medalı — 1969
SSRİ Dövlət Mükafatı — 1969 ("Avtomatlaşdırma sistemlərinin və texniki vasitələr kompleksinin işlənməsi və Azərbaycan neft sənayesində tətbiqinə görə)
— 1976
"Azərbaycan SSR əməkdar elm və texnika xadimi" fəxri adı — 1981
SSRİ XTNS bürünc medalı — 1982
— 1984
— 1986
SSRİ XTNS gümüş medalı — 1987
"SSRİ-nin fəxri ixtiraçısı" fəxri adı — 1984
Azərbaycan Dövlət Neft və Sənaye Universitetində vaxtilə onun rəhbərlik etdiyi Avtomatika, telemexanika kafedrasında və yaşadığı binanın divarında heykəltaraş Ömər Eldarovun müəllifi olduğu xatirə lövhələri vurulmuşdur.
Bakıda küçələrdən birinə İzzət Nəbiyevin adı verilmişdir.

Pedaqoji fəaliyyəti

1949-cu ildə təhsilini əla qiymətlərlə bitirdikdən sonra Moskva Energetika İnstitutunun aspiranturasında ilk elmi fəaliyyətə başlayır. Dissertasiya işini uğurla bitirdikdən sonra texnika elmləri namizədi kimi Bakıya qayıdır və yüksək ixtisaslı elmi və mühəndis kadrların hazırlanması, respublikanın neft sənayesinin avtomatlaşdırılması ilə məşğul olur. 1960-cı ildə neft profilli ali məktəblərdə ilk fakültənin-istehsal proseslərinin aftomatlaşdırılması fakültəsinin əsasını qoyur və onun ilk dekanı olur. 1970-ci ildə Avtomatika, telemexanika və elektronika kafedrasına müdir seçilir və 1991-ci ilə qədər həmin kafedraya rəhbərlik edir. Onun elmi rəhbərliyi və məsləhətçiliyi ilə 75 elmlər doktoru və namizədləri yetişmişdir.

Elmi əsərləri

Çapdan çıxmış elmi əsərlərin ümumi sayı:300-dən artıq
Müəlliflik şəhadətnamələrinin və patentlərin sayı: 50 (monoqrafiya və dərsliklərin sayı — 11).

Əsas elmi əsərləri

"Neft quyularının məhsuldarlığının teleölçüsü üçün avtomatik sistemlər"
"Ölçmə məlumatının yığılması və çevrilməsinin diskret texniki vasitələri"
"Neftçıxarma sənayesi üçün telemexanika kompleksləri" kimi monoqrafiyaları və neçə-neçə elmi məqalələri Moskvada dərc olunmuşdur.
Respublikada birinci olaraq Azərbaycan dilində "Telemexanika" dərsliyinin müəllifidir.

İstinadlar

Нәбијев Иззәт Әһмәд оғлу (Библиографија). Бакы: "Азәрбајҹан Енсиклопедијасы" НПБ. 1999. 88 сәһ. ISBN .^{[ölü keçid]}

Mənbə

Ənvər Mete. O torpağın övladları. — Bakı, — "Nurlan", 2006, s. 274–275
http://www.anl.az/down/meqale/respublika/respublika_noyabr2008/63281.htm
http://www.respublica-news.az/index.php/elm-v-t-hsil/item/873-zhoerkaemli-alim-pedagog^{[ölü keçid]}

[1] Нәбијев Иззәт Әһмәд оғлу (Библиографија). Бакы: "Азәрбајҹан Енсиклопедијасы" НПБ. 1999. 88 сәһ. ISBN .^{[ölü keçid]}