çamsulvara çamsulvarayev 6 sentyabr 1984 Serqoqala rayonu Dağıstan MSSR 28 sentyabr 2016 Mosul Azərbaycanı təmsil edən s

Çamsulvara Çamsulvarayev (6 sentyabr 1984, Serqoqala rayonu, Dağıstan MSSR – 28 sentyabr 2016, Mosul) — Azərbaycanı təmsil edən sərbəst güləşçi, 2009-cu il Avropa Çempionatının qalibi.

Çamsulvara Çamsulvarayev

Çamsulvara Çamsulvarayev 2009-cu ildə

Şəxsi məlumatlar

Tam adı

Çamsulvara Çamsulvarayev

Vətəndaşlığı

Rusiya →

Azərbaycan

Doğum tarixi

9 sentyabr 1984

Doğum yeri

Serqoqala, Rusiya SFSR

Vəfat tarixi

28 sentyabr 2016 (32 yaşında)

Vəfat yeri

Mosul, İraq

Vəfat səbəbi

Pilotsuz uçuş aparatı

Boyu

174 sm. (5 ft 6 in)

İdman növü

Güləş

Karyera illəri

1999—2012

Məşqçisi

Ənvər Məhəmmədhacıyev

Komandası

Medallar



Bürünc	2007 Bakı	74 Kq.
Gümüş	2009 Herninq	74 Kq.
Avropa Çempionatı
Bürünc		74 Kq.
Bürünc		74 Kq.
Qızıl		74 Kq.
Bürünc		74 Kq.

Həyatı

Çamsulvara Bəhəmmədoviç Çamsulvarayev 1984-cü il sentyabrın 6-da Serqoqala rayonunda anadan olub. 1999-cu ildən güləşlə məşğul olur. Şəxsi məşqçisi Ənvər Məhəmmədhacıyevdir.

Karyerası

Çamsulvara Çamsulvarayev 2005 və 2006-cı illərdə Rusiya Çempionatının bürünc medallarına sahib oldu. Həmin illərdə Rusiya yığmasının bir nömrəli güləşçisi Mahaç Murtuzəliyev olduğuna görə Çamsulvara Çamsulvarayev Dünya və Avropa Çempionatlarında mübarizə apara bilmirdi. 2007-ci ildə Azərbaycan Güləş Federasiyası Çamsulvara Çamsulvarayevi Azərbaycan yığmasının heyətinə cəlb elədi.

Çamsulvara Çamsulvarayev 2007-ci ilin aprelində Bolqarıstanda Avropa Çempionatını, həmin ilin sentyabrında isə Azərbaycanda Dünya Çempionatını bürünc medalla başa vurdu. Dünya Çempionatının nəticələrinə əsasən Çamsulvara Çamsulvarayev həm də olimpiya lisenziyasına sahib oldu.

2008-ci ilin aprelində Finlandiyanın Tampere şəhərində Avropa Çempionatının bürünc medalına sahib olan Çamsulvara Çamsulvarayev iyunda Qızıl Qran-Pri beynəlxalq turnirinin qalibi oldu.

Çamsulvara Çamsulvarayev Azərbaycanı 2008-ci ildə Çində baş tutan XXIX Yay Olimpiya Oyunlarında təmsil elədi. Çamsulvara Çamsulvarayev olimpiadanın 1/8 final mərhələsində Belarus nümayəndəsi Murad Heydərov ilə üz-üzə gəldi. Görüşün birinci hissəsində rəqibi üzərində 4:0 hesabı ilə qələbə qazanan Çamsulvara Çamsulvarayev növbəti hissədə rəqibinə 0:2 hesabı ilə məğlub oldu. Həlledici hissədə isə rəqibinə minimal fərqlə (0:1) məğlub olan Çamsulvara Çamsulvarayev olimpiadanı 14-cü pillədə başa vurdu.

Olimpiadadan sonra Çamsulvara Çamsulvarayev 2009-cu ilin yanvarında Rusiyada İvan Yarıginin xatirəsinə həsr olunan beynəlxalq turnirin bürünc medalına sahib oldu. Həmin ilin martında isə Çamsulvara Çamsulvarayev Litvanın Vilnüs şəhərində Avropa Çempionatının qızıl medalına sahib oldu. Avropa çempionluğundan sonra Çamsulvara Çamsulvarayev həmin ilin iyulunda Qızıl Qran-Pri beynəlxalq turnirini bürünc, sentyabrda isə Dünya Çempionatını gümüş medalla başa vurdu.

2010-cu ilin aprelində Çamsulvara Çamsulvarayev Azərbaycanda baş tutan Avropa Çempionatının bürünc medalına sahib oldu. İyulda Qızıl Qran-Pri beynəlxalq turnirini də bürünc medalla başa vuran Çamsulvara Çamsulvarayev sentyabrda Rusiyada Dünya Çempionatında uğursuz çıxış elədi və 16-cı pillənin sahibi oldu.

2012-ci ilin fevralında Yaşar Doğunun xatirəsinə həsr olunan beynəlxalq tunirdə də uğursuz çıxış edən Çamsulvara Çamsulvarayev həmin il 27 yaşında idmanla vidalaşdı.

Nəticələri

Sıra	İl	Yarış	Ev sahibi	Nəticə
Azərbaycan
1	2007	Avropa Çempionatı	Bolqarıstan	3.
2	2007	Dünya Çempionatı	Azərbaycan	3.
3	2008	Avropa Çempionatı	Finlandiya	3.
4		Qızıl Qran-Pri	Azərbaycan	1.
5		Olimpiya Oyunları	Çin	14.
6	2009	İvan Yarıgin Turniri	Rusiya	3.
7		Avropa Çempionatı	Litva	1.
8		Qızıl Qran-Pri	Azərbaycan	3.
9		Dünya Çempionatı	Danimarka	2.
10	2010	Avropa Çempionatı	Azərbaycan	3.
11		Qızıl Qran-Pri	Azərbaycan	3.
12		Dünya Çempionatı	Rusiya	16.
13	2012	Yaşar Doğu turniri	Türkiyə	20.

Ölümü

Karyerasını 2014-cü ildə başa vuran Çamsulvara Çamsulvarayev həmin illərdə yeni formalaşmağa başlayan İraq Şam İslam Dövləti olaraq tanınan İŞİD-in sıralarında döyüşməyə başladı. Al Abra ləqəbi ilə tanınırdı. 2016-cı il sentyabrın 28-də İraqın Mosul şəhərində hərbi əməliyyatlar zamanı məhv edildi. Məzarı yoxdur.

İstinadlar

https://lenta.ru/news/2016/09/29/dagestanigil/.
Olympedia.org. "Çamsulvara ÇAMSULVARAYEV". www.olympedia.org (ingilis). 2022-08-30. 2022-06-10 tarixində . İstifadə tarixi: 30.08.2022.
International Wrestling Database. "CHAMSULVARA CHAMSULVARAYEV". www.iat.uni-leipzig.de (ingilis). 2022-08-04. 2020-04-08 tarixində . İstifadə tarixi: 02.08.2022.
Olympedia.org. "2008 Summer Olympics / Wrestling / Middleweight / Freestyle (74 Kilograms) / Men". www.olympedia.org (ingilis). 2022-08-30. 2022-05-11 tarixində . İstifadə tarixi: 30.08.2022.
Azerisport.com idman portalı. "Бывший борец сборной Азербайджана был убит в Ираке". www.azerisport.com (rus). 2022-08-04. 2016-11-02 tarixində . İstifadə tarixi: 02.08.2022.

[_d7a6e61d2e209b6f-1] ttps://lenta.ru/news/2016/09/29/dagestanigil/.

[:PR-2] Olympedia.org. "Çamsulvara ÇAMSULVARAYEV". www.olympedia.org (ingilis). 2022-08-30. 2022-06-10 tarixində . İstifadə tarixi: 30.08.2022.

[:PRO-3] International Wrestling Database. "CHAMSULVARA CHAMSULVARAYEV". www.iat.uni-leipzig.de (ingilis). 2022-08-04. 2020-04-08 tarixində . İstifadə tarixi: 02.08.2022.

[:RES-4] Olympedia.org. "2008 Summer Olympics / Wrestling / Middleweight / Freestyle (74 Kilograms) / Men". www.olympedia.org (ingilis). 2022-08-30. 2022-05-11 tarixində . İstifadə tarixi: 30.08.2022.

[:O-5] Azerisport.com idman portalı. "Бывший борец сборной Азербайджана был убит в Ираке". www.azerisport.com (rus). 2022-08-04. 2016-11-02 tarixində . İstifadə tarixi: 02.08.2022.