İsmayıl İbrahimli

Vikipediyada bu soyadlı müxtəlif adamlar haqqında məqalələr var, bax: İbrahimli.

İsmayıl Xalid oğlu İbrahimli (13 fevral 1998, Bakı) — Azərbaycanlı peşəkar futbolçu. "Zirə" futbol klubunun və futbol üzrə Azərbaycan Milli komandasının yarımüdafiəçisi. Müqavilə ilə "Qarabağ"a məxsusdur.

İsmayıl İbrahimli
Ümumi məlumatlar
Tam adı	İsmayil Xalid oğlu İbrahimli
Doğum tarixi	13 fevral 1998(1998-02-13)(26 yaş)
Doğum yeri	Bakı, Azərbaycan
Vətəndaşlığı	Azərbaycan
Boyu	1,78
Əsas ayağı	sağ
Klub haqqında məlumat
Klub	→  Zirə
Karyerası
Klub karyerası 2015–17 Şüvəlan FK 1 (0) 2017–18 MOİK Bakı FK 24 (5) 2018–h.h Qarabağ FK 74 (5) 2023–h.h →  Zirə 0 (0) Milli yığma 2015 Azərbaycan U-19 2 (0) 2018–19 Azərbaycan U-21 16 (3) 2020– Azərbaycan 3 (0)
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 23 iyun 2023 tarixində redaktə olunub. Rəsmi oyunlarda milli yığmanın heyətində keçirdiyi oyunların və vurduğu qolların sayı.

Klub karyerası

Şüvəlan

İsmayıl İbrahimlinin ilk peşəkar klubu "Şüvəlan" klubu olub. Futbolçunun klubun əsas heyətinə dəvət edilməsi 15 oktyabr 2014-cü il tarixində baş verir. Futbolçunun peşəkar futbolda debütu 23 avqust 2015-ci il tarixində baş tutur. Bu tarixdə baş tutan Azərbaycan Premyer Liqasının 3-cü turunun "Şüvəlan" — "Qarabağ" oyununda 76-cı dəqiqədə meydana daxil olmaqla debüt oyununu keçirir. Bu "Şüvəlan"ın heyətində futbolçunun ilk və son oyunu olur.

MOİK

Futbolçu 2017-ci ilin yayında Futbol üzrə Azərbaycan çempionatının birinci dvizionunda yarışan "MOİK" klubuna keçir və burada bir mövsümdə 24 oyuna çıxaraq 5 qol vurur.

Qarabağ

İsmayıl İbrahimli 2018-ci ilin iyun ayında "Qarabağ" klubu ilə müqavilə imzalayır. Azərbaycan çempionun heyətində futbolçunun debütu, 18 avqust 2018-ci ildə "Səbail" klubuna qarşı oyunda baş verir. İsmayıl İbrahimli oyunun 88-ci dəqiqəsində Mahir Emrelini əvəzləyərək meydana daxil olur.

Futbolçunun avrokuboklarda debütu, 2019-cu ildə UEFA Avroliqa turnirində, "Qarabağ"ın "Sevilya" klubuna qarşı baş tutmuş oyununda baş verir.

Zirə (icarə)

22 iyun 2023-cü ildə Zirə İsmayıl İbrahimlini 1 illik icarəyə götürdüyünü açıqladı.

Milli komanda karyerası

Futbolçunun milli komanaya ilk dəvəti, 2015-ci ildə 19 yaşa qədər futbolçulardan ibarət Azərbaycan Milli komandasına dəvəti olub. 5 avqust 2015-ci ildə Azərbaycan U-19 komandasının Malta ilə baş tutmuş yoldaşlıq oyununda Azərbaycan milli komandasının qollarından birini vurur.

2018-ci ilin yanvarın 9-dan 27-dək, 21 yaşadək futbolçulardan ibarət Azərbaycan yığmasının Türkiyənin Antalya şəhərində təlim-məşq toplanışı keçirilir və buraya dəvət edilən futbolçuların arasında İsmayıl İbrahimildə olur.

Futbolçunun Azərbaycan U-21 komandasında debütu isə, 6 sentyabr 2018-ci ildə Azərbaycan millisinin İsaril milli komandasına qarşı oyunda baş verir.

İstinadlar

1. Ismayil Ibrahimli // Transfermarkt (çd.). 2000.
2. İsmayıl İbrahimli // FBref.com (çd.).
3. "İSMAYIL İBRAHİMLİ".
4. "İsmayıl İbrahimli Xalid - 24 yaş". 2022-02-05 tarixində . İstifadə tarixi: 2022-02-05.
5. "Tərlan Əhmədovdan yenilik". 2022-02-05 tarixində . İstifadə tarixi: 2022-02-05.
6. "ŞÜVƏLAN VS. QARABAG 0 - 2". 2022-02-05 tarixində . İstifadə tarixi: 2022-02-05.
7. "SƏBAIL VS. QARABAG 0 - 2". 2022-02-05 tarixində . İstifadə tarixi: 2022-02-05.
8. "Qarabağ v Sevilla". 2022-02-05 tarixində . İstifadə tarixi: 2022-02-05.
9. ""Zirə" "Qarabağ"ın futbolçusunu icarəyə götürüb". report.az (az.). 23 iyun 2023 tarixində . İstifadə tarixi: 23 iyun 2023.
10. "Millimizin təlim-məşq toplanışına 33 futbolçu çağırıldı". 2022-02-05 tarixində . İstifadə tarixi: 2022-02-05.
11. "Millimiz Maltanı məğlub etdi". 2022-02-05 tarixində . İstifadə tarixi: 2022-02-05.
12. "Rəşad Sadıqov millidə ilk heyəti açıqladı". 2022-02-05 tarixində . İstifadə tarixi: 2022-02-05.
13. "AZERBAIJAN U21 VS. ISRAEL U21 1 - 1". 2022-02-05 tarixində . İstifadə tarixi: 2022-02-05.

Xarici keçidlər