İsmayıl Hüseynov (general)

Vikipediyada bu ad-soyadlı digər şəxslər haqqında da məqalələr var; bax: İsmayıl Hüseynov.

İsmayıl Xəlil oğlu Hüseynov (16 noyabr 1974, Naxçıvan) — Azərbaycan Respublikasının Strateji Obyektlərin Mühafizəsi Dövlət Agentliyi rəisinin birinci müavini (2023-cü ildən), Dövlət Gömrük Komitəsi sədrinin birinci müavini (2018–2023), general-mayor, gömrük xidməti general-leytenantı (2020).

İsmayıl Hüseynov
Azərbaycan Respublikasının Strateji Obyektlərin Mühafizəsi Dövlət Agentliyi rəisinin birinci müavini
Vəzifədədir
18 iyun 2023-cü ildən
Rəis	İlqar Abbasov
Azərbaycan Respublikası Dövlət Gömrük Komitəsi sədrinin birinci müavini
25 iyun 2018 – 18 iyun 2023
Sədr	Səfər Mehdiyev Şahin Bağırov
Əvvəlki	Səfər Mehdiyev
Sonrakı	Bəhruz Quliyev
Şəxsi məlumatlar
Doğum tarixi	16 noyabr 1974(1974-11-16) (49 yaş)
Doğum yeri	Naxçıvan, Naxçıvan MSSR, Azərbaycan SSR, SSRİ
Təhsili	Naxçıvan Dövlət Universiteti (1991–1996), Bakı Dövlət Universiteti (–2012), Azərbaycan Respublikasının Prezidenti yanında Dövlət İdarəçilik Akademiyası (–2017)
Rütbəsi	General-mayor Gömrük xidməti general-leytenantı
Təltifləri	2019 2024 2008

Həyatı

İsmayıl Xəlil oğlu Hüseynov 1974-cü ildə anadan olmuşdur. 1991-ci ildə Naxçıvan Dövlət Universitetinin İstehsalın iqtisadiyyatı və idarə edilməsi fakültəsinə qəbul olunmuş və 1996-cı ildə həmin universiteti bitirərək magistr dərəcəsi almışdır. 2012-ci ildə Bakı Dövlət Universitetinin Hüquq fakültəsini, 2017-ci ildə isə Azərbaycan Respublikasının Prezidenti yanında Dövlət İdarəçilik Akademiyasının Menecment fakültəsini bitirərək bakalavr dərəcələrini almışdır.

1995-ci ildən gömrük orqanlarında xidmətə başlamış, 1995–1998-ci illərdə Naxçıvan Muxtar Respublikası Dövlət Gömrük Komitəsi Culfa Gömrük İdarəsində Maliyyə-tarif şöbəsinin inspektoru və mühasibat uçotu və nəzarət bölməsinin rəisi vəzifələrində, 1998–1999-cu illərdə isə Bakı Baş Gömrük İdarəsinin "Bərə keçidi" gömrük postunun inspektoru, Maliyyə-tarif şöbəsinin inspektoru vəzifələrində işləmişdir. 1999–2000-ci illərdə Azərbaycan Respublikasının Silahlı Qüvvələrində hərbi xidmətdə olmuş, tərxis olunduqdan sonra gömrük orqanlarında xidməti fəaliyyətini davam etdirərək müxtəlif vəzifələrdə çalışmışdır. 2001–2004-cü illərdə Bakı Baş Gömrük İdarəsinin "Səbail" gömrük postunda baş inspektor, 2004–2018-ci illərdə Avtonəqliyyat Baş Gömrük İdarəsi rəisinin müavini və idarənin rəisi vəzifələrində çalışmışdır.

İsmayıl Hüseynov 29 may 2018-ci ildə Avtonəqliyyat Baş Gömrük İdarəsi rəisi vəzifəsindən azad edilərək Bakı Baş Gömrük İdarəsinin rəisi vəzifəsinə, 25 iyun 2018-ci ildə isə Dövlət Gömrük Komitəsi sədrinin birinci müavini vəzifəsinə təyin olunmuşdur. Paralel olaraq 2022-ci ilin avqust ayından Bakı Baş Gömrük İdarəsinin rəisi vəzifəsini müvəqqəti icra etmişdir. Gömrük orqanlarında çalışarkən, 27 yanvar 2017-ci ildə ona gömrük xidməti general-mayoru, 30 yanvar 2020-ci ildə isə gömrük xidməti general-leytenantı ali xüsusi rütbələri verilmişdir.

2023-cü ilin iyun ayında İsmayıl Hüseynov Dövlət Gömrük Komitəsi sədrinin birinci müavini vəzifəsindən azad edilərək Azərbaycan Respublikasının Strateji Obyektlərin Mühafizəsi Dövlət Agentliyi rəisinin birinci müavini təyin edilmişdir.General-mayor ali hərbi rütbəsindədir.

İsmayıl Hüseynov Azərbaycan Respublikası Prezidentinin müvafiq sərəncamları ilə 31 yanvar 2008-ci ildə ilə, 29 yanvar 2019-cu ildə 3-cü dərəcəli ilə təltif edilmiş, bir sıra yubiley medallarına layiq görülmüşdür.

Ailəlidir, 2 övladı var.

İstinadlar

1. . Azərbaycan Respublikasının Dövlət Gömrük Komitəsi. 2022-07-02 tarixində orijinalından arxivləşdirilib.
2. . Azərbaycan Respublikasının Dövlət Gömrük Komitəsi. 2021-12-27 tarixində orijinalından arxivləşdirilib.
3. "Bakı Baş Gömrük İdarəsinin rəisi dəyişib". Report İnformasiya Agentliyi. 2018-05-29. 2024-03-25 tarixində . İstifadə tarixi: 2024-03-25.
4. "Bakı Baş Gömrük İdarəsinin rəisi vəzifəsinin icrası DGK sədrinin I müavininə tapşırılıb". Report İnformasiya Agentliyi. 2022-09-01. 2024-03-25 tarixində . İstifadə tarixi: 2024-03-25.
5. "Azərbaycan Respublikası Dövlət Gömrük Komitəsinin əməkdaşlarına ali xüsusi rütbələrin verilməsi haqqında Azərbaycan Respublikası Prezidentinin Sərəncamı". e-qanun.az. 2019-01-05 tarixində . İstifadə tarixi: 2024-03-15.
6. "Azərbaycan Respublikası Dövlət Gömrük Komitəsinin əməkdaşlarına ali xüsusi rütbələrin verilməsi haqqında Azərbaycan Respublikası Prezidentinin Sərəncamı". e-qanun.az. 2024-03-15 tarixində . İstifadə tarixi: 2024-03-15.
7. "Gömrük generalı yüksək vəzifəyə təyin olundu". 2023-06-18. 2024-03-25 tarixində . İstifadə tarixi: 2024-03-25.
8. "Azərbaycan Respublikası Dövlət Gömrük Komitəsinin bir qrup əməkdaşının təltif edilməsi haqqında Azərbaycan Respublikası Prezidentinin Sərəncamı". e-qanun.az. 2024-03-25 tarixində . İstifadə tarixi: 2024-03-25.
9. "Azərbaycan Respublikasının Dövlət Gömrük Komitəsi əməkdaşlarının təltif edilməsi haqqında Azərbaycan Respublikası Prezidentinin Sərəncamı". e-qanun.az. 2024-03-25 tarixində . İstifadə tarixi: 2024-03-25.