İslamda bidət

Bidət — dində olmayan şeyi qanun kimi dinə daxil etmək - İslam dinində böyük günahlardan biri sayılır. Bu işə İslam dinindəki qanunlara təcavüz kimi baxılır.

Müqəddəs İslam dinində qanuna ehtiram göstərmək ən mühüm məsələlərdən biridir. Hər bir kəs qanuna etinasızlıqdan və yaxud qanuna əl gəzdirib onu dəyişdirməkdən ciddi surətdə çəkinməlidir. Bu məsələ İslam dinində o qədər əhəmiyyətlidir ki, bu dində ilahi qanunu dəyişdirən şəxs üçün edam hökmü təyin olunmuşdur. Qanunu dəyişdirmək o deməkdir ki, bir şəxs İslam dinində olan ilahi qanunlardan hər hansı birini azaltsın və yaxud özündən ona bir şey artırsın, yaxud dində halal olan bir şeyi haram və ya haram bir şeyi halal etsin.

Bu barədə Əli(ə) buyurub: "Allah dərgahında insanların ən pisi, özü əyri yolda olub, camaatı da bu yola çəkən və xalqın qəbul etdiyi adət-ənənələri götürüb, yerinə yabançı adət-ənənələri gətirən dövlət rəhbəridir".

Vəhhabilik və təkfirçilər şiələri bidətçi hesab edirlər.

Bidətlə mübarizə

Peyğəmbərdən (s) nəql olunan hədisdən məlum olur ki, insanlar arasında bidət hökm sürəndə alimlərin ilk növbədə vəzifəsi onları islah etməkdir: "Ümmətimin arasında bidətlərin çoxaldığı zaman din alimlərinin vəzifəsidir ki, öz elmlərini camaata aşkar etsinlər (bidət qoyan adamların əleyhinə mübarizə aparsınlar). Onlar bunu etməsələr, onda Allahın lənəti onlara olsun".

İslam peyğəmbəri: "Şeytan bidətə əməl edən şəxsi ibadətlə tək qoyar və ona itaətkarlıq hissi və göz yaşları verər."

Məhəmməd Baqir Məclisi bidət tərifində buyurur:

Peyğəmbərdən sonra dini bir etiqad və ya təcrübə olaraq təqdim edilən şey, bununla bağlı konkret bir açıqlama verilməsə də, ümumi bir qayda nümunəsi olaraq qəbul edilməsə və ya tətbiq edilməsi açıq şəkildə qadağan olunsa.

Bu tərif, bidətin bidət sayılması üçün yeniliyin din adına edilməli olduğu mənasına gəlir.

İstinadlar

1. Biharul-Ənvar, c.72, səh.216, hədis 8
2. "Arxivlənmiş surət". 2021-10-25 tarixində . İstifadə tarixi: 2021-10-21.