ASK Arena keçmiş adı şəfa stadionu inter Arena Azərbaycanın paytaxtı Bakı şəhərində stadion ASK Arena Heydər əliyev pros

ASK Arena (keçmiş adı: Şəfa stadionu, İnter Arena) — Azərbaycanın paytaxtı Bakı şəhərində stadion. ASK Arena Heydər Əliyev prospekti, köndələn 5 ünvanında yerləşir. Meydançanın tutumu 8125 nəfərdir. Meydança süni ot örtüyü ilə döşənmişdir.

ASK Arena


Tam adı	ASK Arena
Keçmiş adı	Şəfa stadionu, İnter Arena
Yeri	Bakı, Azərbaycan
Təməli qoyulub	2000
Tikilib	2000-2001
Açılış tarixi	2001
Sahibi	"Azərbaycan Sənaye Korporasiyası" ASC
Tamaşaçı tutumu	8125
Ev sahibi komanda	İrəvən Fk
Ot örtüyü	süni
Vikianbarda əlaqəli mediafayllar

İnşası

Stadion əvvəllər "Termist" adlanan arenanın əsasında UEFA-nın ayırdığı vəsait hesabına 2000-ci ildə AFFA tərəfindən əsaslı şəkildə yenidən qurulub və yenidənqurma işləri 4 milyon 500 min dollara başa gəlmişdir. 2001-ci ildən istifadəyə verilən arena ilk olaraq "Şəfa" stadionu adlandırılıb. Arena öncədən milli komandaların təlim-məşq bazası üçün nəzərdə tutulmuşdu. Əsas meydançada milli çempionatın ilk dövrəsində Olimpik klubu ev oyunlarını keçirib. 2014-cü ildə stadion Bakının "İnter" klubuna 4 milyon 250 min manata satılmışdır. Federasiya bu addımını stadionu öz imkanları hesabına saxlaya bilməməsi ilə əsaslandırıb. Stadionun adı dəyişdirilərək "İnter" (hazırkı "Şamaxı") klubunun adına uyğun olaraq "İnter Arena" adı verilib. 2018-ci ilin 20 iyulunda Azərbaycan Sənaye Korporasiyasının balansında olduğu üçün stadiona şirkətin adının baş hərfləri (ASK) verilib.

Tədbirlər

ASK Arena FİFA U-17 Qadınlararası Dünya Çempionatı 2012 zamanı çempionat oyunları üçün istifadə olunmuşdur.

Stadiondan hər il Amerika Birləşmiş Ştatlarının müstəqillik günü (4 iyul) münasibətilə Amerika Ticarət Palatasının (AMCHAM) keçirdiyi piknik üçün istifadə olunur və bu tədbirə yüzlərlə qonaq təşrif buyurur.

İstinadlar

Rövnəq Abdullayev stadionu "su qiyməti"nə satdı. 2014-04-13 at the Wayback Machine qafqazinfo.az (az.)
. 2019-09-04 tarixində orijinalından arxivləşdirilib. İstifadə tarixi: 2020-03-15.
"Arxivlənmiş surət". 2021-04-15 tarixində . İstifadə tarixi: 2011-11-18.

ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

Bakı şəhəri ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

[1] Rövnəq Abdullayev stadionu "su qiyməti"nə satdı. 2014-04-13 at the Wayback Machine qafqazinfo.az (az.)

[2] . 2019-09-04 tarixində orijinalından arxivləşdirilib. İstifadə tarixi: 2020-03-15.

[3] "Arxivlənmiş surət". 2021-04-15 tarixində . İstifadə tarixi: 2011-11-18.