Paşayev ilqar əliabas oğlu ilqar Fəhmi 1975 Bakı şair yazıçı kinodramaturq Azərbaycan Yazıçılar Birliyinin Yaradıcılıq m

Paşayev İlqar Əliabas oğlu (İlqar Fəhmi; 1975, Bakı) — şair, yazıçı, kinodramaturq, Azərbaycan Yazıçılar Birliyinin Yaradıcılıq məsələləri üzrə katibi.

İlqar Fəhmi
İlqar Əli-Abbas oğlu Paşayev
Doğum tarixi	1975
Doğum yeri	Bakı, Azərbaycan SSR, SSRİ
Milliyyəti	azərbaycanlı
Təhsili	Bakı Dövlət Universiteti
Fəaliyyəti	yazıçı, şair
Mükafatları
ilqarfehmi.tk
İlqar Fəhmi Vikimənbədə

Həyatı

İlqar Fəhmi 1975-ci ildə Bakı şəhərində anadan olub. Bakının Zirə kəndindəndir. 1992-1996-ci illərdə Bakı Dövlət Universitetinin Hüquq fakültəsində təhsil alıb, sonradan Belarusiya Dövlət İqtisad Universitetini bitirib.

1995-ci ildən bədii yaradıcılıqla məşğul olur. Uzun illər Bakı və Abşeronda əruz məclislərinin iştirakçısı olub. Müxtəlif ədəbi əsərlərdən ibarət on səkkiz kitabı dərc edilib. 2002-ci ildə "Axırıncı qatar" ("İtlər") pyesi Cənnət Səlimova tərəfindən səhnələşdirilib, "Ölüm növbəsi" (2009, rejissor Fikrət Əliyev), "Aktrisa" (2010, rejissor Rövşən İsax), "Dərvişin qeydləri" (2011-2012, rejissor Eldar Quliyev) "Axırıncı dayanacaq" (2013-2014, rejissor Fikrət Əliyev) və başqa ssenariləri dövlət sifarişi ilə Azərbaycan Mədəniyyət və Turizm Nazirliyi tərəfindən ekranlaşdırılıb.

2003-cü ildə Azərbaycan Gənclər, İdman və Turizm Nazirliyinin "İlin ən yaxşı gənc şairi" mükafatına, 2007-ci ildə "Rəsul Rza" ədəbi mükafatına, 2008-ci ildə Rusiyada MDB ölkələri gənc şairləri arasında keçirilən Poeziya yarışının diplomuna, 2011-ci ildə isə "Bakı tarixindən kollaj" əsərinə görə "Humay" mükafatına layiq görülüb.

Mədəniyyət Nazirliyinin təsis etdiyi ilə təltif edilib.

Onun romanı əsasında çəkilən "Aktrisa" filmi 2011-ci ildə Kann kinofestivalında ilk dəfə Azərbaycan pavilyonunun açılışında nümayiş etdirilib.

Əsərləri bir çox xarici ölkələrdə nəşr edilib.

Uzun illər AYB-nin "Ulduz" jurnalında işləyib. Bir müddət Xəzər Universitetində "Creative Writing" (Yaradıcı yazı) fənnindən dərs deyib.

Hal - hazırda Azərbaycan Dövlət və Mədəniyyət Universitetində ekran yaradıcılığı fakultəsində kino və serial ssenarisi fənnindən dərs deyir.

Hazırda Azərbaycan Yazıçılar Birliyinin Yaradiciliq məsələləri üzrə katibi vəzifəsində çalışır.

2014-cü ildən Azərbaycan Dövlət Televiziyasında yayimlanan "Məclisi-Üns" ədəbi verilişinin aparıcı-redaktorudur.

2017-ci ildə Heydər Əliyev fondunun dəstəyi ilə Dövlət televiziyasında hazirlanan Muğam-televiziya müsabiqəsinin münsiflər heyətinin üzvü, 2019-cu ildə isə layihənin icraçı direktoru təyin edilib.

Son illərdə pyesləri ardıcıl şəkildə ölkə teatrlarında səhnələşdirilib:

2016 - cı ildə - “Son reportaj” pyesi. Əməkdar incəsənət xadimi Bəhram Osmanov tərəfindən Mingəçevir Dövlət Dram teatrında;

2019 - cu ildə - “Mənəm, mən” pyesi. Əməkdar incəsənət xadimi Mehriban Ələkbərzadə tərəfindən Dövlət Yuğ teatrında;

2020 - ci ildə - “İsgəndərə yeni namə” pyesi. Əməkdar incəsənət xadimi Mehriban Ələkbərzadə tərəfindən Akademik Milli Dram teatrında;

2023 - cü ildə - “Balaca kişilər” pyesi. Əməkdar artist Nicat Kazımov tərəfindən Dövlət Gənc Tamaşaçılar teatrında səhnələşdirilmişdir.

Mükafatları

"İlin ən yaxşı gənc şairi" — 2003
"Humay" mükafatı — 2011
— 2021
— 2024

Əsərləri

Sənli sözüm gəldi sənə (şeir). 2000
Ölüm gözəldi, yoxsa sən? (şeir). 2001
Yenə də qəzəllər (şeir). 2005
İlk sui-qəsd (Çənlibel tülküsü - 1-ci kitab) (roman). 2005
Qarğa yuvası (Çənlibel tülküsü - 2-ci kitab) (roman). 2006
Kölgədə əqrəb (Çənlibel tülküsü - 3-ci kitab) (roman). 2007
Akvarium (roman). 2006
Aktrisa (roman). 2005
Aqvalanq (roman). 2008
Bakı tarixindən kollaj (roman). 2007
Karmen (povest). 2005
Səndən nigaranam (povest). 2009
Maygülü (povest). 2013

Pyesləri

Axırıncı qatar. 2000
Krupye və Ulduz. 2009
Tut ağacı. 2010
Müsibəti-Fəxrəddin və... 2011
Son reportaj. 2013
Zümrüd parıltısı. 2013
Şahnamə. 2014

Kinoromanlar

"Pejo 307". 2008
Evtanaziya. 2009
Vampir. 2010

Filmoqrafiya

Qaydasız döyüş (film, 2009) — (serial; ANS)
Hörümçək toru (film, 2011) — (ÇARX FİLM; Space TV)
Sirat körpüsü (film, 2007)
— (İTV)
100000 AZN (film, 2009) — (tammetrajlı bədii film; İTV)
Ölüm növbəsi (film, 2009) — (tammmetrajlı bədii film. "Azərbaycanfilm" kinostudiyası. Dövlət sifarişi)
Aktrisa (film, 2011) (tammetrajlı bədii film. "Pozitiv-media" şirkəti. Dövlət sifarişi) - əsərin və ssenarinin müəllifi
— (çoxseriyalı bədii film; )
Dərvişin qeydləri (film, 2013) — (tammmetrajlı bədii film. "Azərbaycanfilm" kinostudiyası. Dövlət sifarişi)
Axırıncı dayanacaq (film, 2014) — (tammmetrajlı bədii film; "Azərbaycanfilm" kinostudiyası. Dövlət sifarişi)
Gecə qonağı (film, 2015) — (tammmetrajlı bədii film)
Bakı gecələri (film, 2015) — (kinoalmanax; "Azərbaycanfilm" kinostudiyası. Dövlət sifarişi)
Dəfnə ağacı (teleserial, 2016)
Qayıdış (Tammetrajlı bədii film) 2016
Əlvida, Şmidt! (film, 2019)

İstinadlar

""Kaspi"nin əməkdaşına mükafat verilib" (az.). www.kaspi.az. 2021-12-28. 2022-07-08 tarixində . İstifadə tarixi: 2022-07-08.
""Ulduz"da yeni təyinatlar". Azərbaycan Yazıçılar Birliyi (az.). ayb.az. 03.09.2014 15:25. 2014-09-26 tarixində . İstifadə tarixi: 2014-09-04.
"Arxivlənmiş surət". 2021-12-04 tarixində . İstifadə tarixi: 2019-07-15.
AzərTAc. "Деятелям культуры и искусства вручена юбилейная медаль «100-летие Гейдара Алиева (1923–2023)»" (Turoyo). AzərTAc. 07.05.2024. İstifadə tarixi: 2024-05-08.

[1] ""Kaspi"nin əməkdaşına mükafat verilib" (az.). www.kaspi.az. 2021-12-28. 2022-07-08 tarixində . İstifadə tarixi: 2022-07-08.

[2] ""Ulduz"da yeni təyinatlar". Azərbaycan Yazıçılar Birliyi (az.). ayb.az. 03.09.2014 15:25. 2014-09-26 tarixində . İstifadə tarixi: 2014-09-04.

[3] "Arxivlənmiş surət". 2021-12-04 tarixində . İstifadə tarixi: 2019-07-15.

[4] AzərTAc. "Деятелям культуры и искусства вручена юбилейная медаль «100-летие Гейдара Алиева (1923–2023)»" (Turoyo). AzərTAc. 07.05.2024. İstifadə tarixi: 2024-05-08.