ülkər Umudova 3 noyabr 1985 Bakı azərbaycanlı şahmat üzrə beynəlxalq dərəcəli hakim 2009 məşqçi və keçmiş şahmatçı O FiD

Ülkər Umudova (3 noyabr 1985, Bakı) — azərbaycanlı şahmat üzrə beynəlxalq dərəcəli hakim (2009), məşqçi və keçmiş şahmatçı. O, FİDE-nin qadın komissiyasının üzvüdür.

Ülkər Umudova

Ölkə	Azərbaycan
Doğum tarixi	3 noyabr 1985(38 yaş)
Doğum yeri	Bakı, Azərbaycan SSR, SSRİ
Son reytinqi	2003 (iyul 2018)
Maksimal reytinqi	2096 (iyul 2003)
FİDE nömrəsi	13402382
Vikianbarda əlaqəli mediafayllar

Həyatı

Ülkər Umudova 3 noyabr 1985-ci ildə Bakı şəhərində ziyali ailəsində anadan olub.

2003-cü ildə 226 saylı orta məktəbi bitirib. 2003–2007-ci illərdə Bakı Dövlət Universitetində təhsil alıb.

Məktəb illərindən şahmatla məşğul olub. Azərbaycanda və xarici ölkələrdə yerli və beynəlxalq turnirlərin qalibi olub.

2003-cü ildən məşqçilik fəaliyyəti ilə məşğuldur. Azərbaycan Respublikasının əməkdar məşqçisidir.

2009-cu ildə şahmat üzrə beynəlxalq dərəcəli hakim adına layiq görülmüş və bununla da bu adı almış ilk azərbaycanlı qadın kimi tarixə düşmüşdür. Prezident kuboku, Azərbaycan çempionatları, qadınlar arasında beynəlxalq turnirlər, Avropa çempionatları, gənclər arasında olimpiada və bir sıra digər əhəmiyyətli yarışlarda baş hakim və hakim vəzifəsində Azərbaycanı təmsil etmişdir.

Şəxsi həyatı

Ülkərin atası Məmmədağa Umudov Azərbaycanın tanınmış musiqiçisi və əməkdar incəsənət xadimidir. Bacısı Nərgiz Umudova beynəlxalq dərəcəli qrosmeyster və qadınlardan ibarət Azərbaycan yığmasının keçmiş üzvüdür, digər bacısı Günay Umudova isə hazırda 1 nömrəli Şahmat Məktəbində müəllimədir.

Ülkər Umudova ailəlidir, 1 övladı var.

İstinadlar

"FİDE-nin Prezident Şurasının iclasında 4 həmyerlimizə beynəlxalq titulların verilməsi məsələsi müzakirə olunub". Apa.az. 11 iyul 2018 tarixində .
"AZERBAIJANI CHESS PLAYERS GIVEN FIDE TITLES". Azertag.az. 11 iyul 2018 tarixində .
"AZERBAIJANI CHESS Commission for Women's Chess (WOM)". Fide.com. 11 iyul 2018 tarixində .
Beynəlxalq dərəcəli ilk azərbaycanlı qadın hakim // Apasport.az. 5 fevral 2009.
""Ağ atı" ilə zirvəyə tələsən istedad". Kaspi.az.^{[ölü keçid]}

Xarici keçidlər

FIDE Chess profili
Ulkar Umudova. Chess-DB.com ^{[ölü keçid]} (ing.)
"Yarışlara gedəndə bilmirdilər hakiməm, yoxsa oyunçu"

[apa-1] "FİDE-nin Prezident Şurasının iclasında 4 həmyerlimizə beynəlxalq titulların verilməsi məsələsi müzakirə olunub". Apa.az. 11 iyul 2018 tarixində .

[azertageng-2] "AZERBAIJANI CHESS PLAYERS GIVEN FIDE TITLES". Azertag.az. 11 iyul 2018 tarixində .

[fidecom-3] "AZERBAIJANI CHESS Commission for Women's Chess (WOM)". Fide.com. 11 iyul 2018 tarixində .

[4] Beynəlxalq dərəcəli ilk azərbaycanlı qadın hakim // Apasport.az. 5 fevral 2009.

[umudova-5] ""Ağ atı" ilə zirvəyə tələsən istedad". Kaspi.az.^{[ölü keçid]}