Gülcahan Salamova

Gülcahan Əhməd qızı Salamova (1 mart 1963) — Azərbaycannın teatr və kino aktrisası, Azərbaycan Dövlət Musiqili Teatrının aktrisası.

Gülcahan Salamova
Gülcahan Əhməd qızı Salamova
Doğum tarixi	1 mart 1963(61 yaş)
Doğum yeri	Bakı, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ→ Azərbaycan
Fəaliyyəti	aktrisa
Fəaliyyət illəri	1988-ci ildən bu günə kimi
Mükafatları	2013

Həyatı

Gülcahan Salamova 1963-cü il mart ayının 1-də Bakı şəhərində anadan olub. 1980-cı ildə Nərimanov rayonu 82 saylı orta məktəbi bitirib. 1988-ci ildə M.A. Əliyev adına Azərbaycan Dövlət İncəsənət İnistutunun Musiqili komediya aktyorluğu fakültəsini bitirib. Həmin ildən Azərbaycan Dövlət Musiqili Komediya Teatrında solist-vokalist vəzifəsində işləyib. Çalışdığı müddətdə teatrın səhnəsində çoxsaylı obraz yaradıb. 1995-ci ildə "Bəşir" teatrında fəaliyyət göstərmişdir. Çoxsaylı intermediya və səhnəciklərdə iştirak etmişdir.

G.Salamova 1998-ci ildən Azərbaycan Dövlət Musiqili Dram Teatrında yaradıcılıq fəaliyyətini davam etdirir. Subaydır.

Mükafatları

2013-cü ildə Mədəniyyət və Turizm Nazirliyinin "Fəxri mədəniyyət işçisi" döş nişanı ilə təltif olunub. 7 may 2020-ci ildə, 7 may 2021-ci ildə və 10 may 2022-ci ildə Prezident Mükafatına layiq görülmüşdür.

Əsas rolları

Azərbaycan Dövlət Musiqili Komediya Teatrı

1. Qızıl toy (R.Heydər) — Aygün
2. 5 manatlıq gəlin (M.S.Ordubadi) — Naznaz
3. Hərənin öz ulduzu (İ.Məlikzadə) — Məleykə
4. Məsmə xala dayımdır (C.Məmmədov) — Sənubər
5. Milyonçunun dilənçi oğlu (Ş.Qurbanov) — xanım
6. Yeddi məhbusə anası (Ə.Əmirli) — Həcər
7. Şeytanın yubileyi (A.Babayev) — Şamiyə
8. Hələlik (R.Əhmədzadə) — Qənirə
9. Ər və arvad (Ü.Hacıbəyov) — Gülpəri
10. Bankir adaxlı (T.Vəliyeva) — Gülbikə
11. Məhəbbət oyunu (Q.Rəsulov) — Qəmər
12. Qısqanc ürəklər (M.Haqverdiyev) — Zema
13. O olmasın, bu olsun (Ü.Hacıbəyov) — Gülnaz
14. Hicran (ikinci quruluş (1993); S.Rəhman) — Hicran
15. Özümüz bilərik (Ş.Qurbanov) — Lalə
16. Subaylarınızdan görəsiniz (İ.Məlikzadə) — Qəndab
17. Lotereya (V.Səmədoğlu) — Sona
18. Xanuma (A.Saqarelli) — Kabato
19. Toya bir gün qalmış (Ə.Səmədli) — Toma

Bəşir Teatrı

1. İtkin ər (Ə.Əmirli) — Bikə
2. Olmadı elə, oldu belə (Ş.Qurbanov)
3. Özümüz bilərik (Ş.Qurbanov)
4. Hələlik (R.Əhmədzadə)
5. Bankir adaxlı (T.Vəliyeva) — Gülbikə

Filmoqrafiya

1. Zəncirbənd (film, 1989)
2. Bağdada putyovka var... (film, 2000)
3. 3 bacı (film, 2012-2014) (bədii serial) (rol: Mərdanın anası)
4. Qayınanamız (serial, 2015)
5. Niyə? (serial, 2018-) (rol: Südabə)

İstinadlar

1. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 07.05.2020. 2020-09-18 tarixində . İstifadə tarixi: 2020-05-07.
2. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 07.05.2021. 2021-11-13 tarixində . İstifadə tarixi: 2021-05-07.
3. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 10.05.2022. 2022-05-10 tarixində . İstifadə tarixi: 2022-05-15.

Mənbə

• Gülcahan Salamova^{[ölü keçid]}