Dilarə Səlim

Dilarə Hamlet qızı Səlim (15 avqust 1968, Bakı) — Azərbaycan Televiziyasında proqram müəllifi və telejurnalist, Mədəniyyət telekanalın direktoru (10.01.2024-cu il tarixindən)

Dilarə Səlim
Doğum tarixi	15 avqust 1968(55 yaş)
Doğum yeri	Bakı, Azərbaycan SSR, SSRİ
Milliyyəti	azərbaycanlı
Fəaliyyəti	jurnalist

Həyatı

Dilarə Səlim 15 avqust 1968-ci ildə Bakı şəhərində anadan olub. Azərbaycan Pedaqoji Xarici Dillər İnstitutunun Alman dili tərcüməçiliyi fakültəsini bitirib. 1990-cı ildən AzTV-də çalışmağa başlayıb. "Televiza", "Kinofakt" və "Səhər" verilişlərində müəllif-aparıcı olub. 1994-cü ildə "Mir" Dövlətlərarası Teleradioşirkətinin Azərbaycan Milli Nümayəndəliyində şərhçi işləyib. 1997-ci ildə Almaniyanın Gustav Ştrezeman Universitetində televiziya jurnalisti fakültəsində kurslar keçib. 2000-ci ildə "ABA" televiziyasında "Kontra" tok-şousunun müəllifi və aparıcısı olub. 2001-ci ildə "İnternyus" televiziya şirkətinin Azərbaycan Təmsilçiliyində prodüser və aparıcı olaraq "Media və Mən" verilişini hazırlayıb. 2007-ci ildən AzTV-də "Səhər" proqramında müəllif və aparıcı, "Xəbərlər"də isə aparıcı kimi işləyib. "Səadət" qadın proqramının müəllif və aparıcısı olub. 2018-ci ildən AzTV-nin "Mədəniyyət xəbərləri"nin baş redaktoru, "Görüş yeri" verilişinin müəllif və aparıcısıdır. 2024-cü ilin yanvar ayında Mədəniyyət Televiziyasına direktor təyin edilib.

Ailəlidir, iki qızı var.

İstinadlar

1. ""Mədəniyyət" telekanalına yeni direktor təyin edilib". Oxu.Az (az.). 2024-01-10. 2024-01-10 tarixində . İstifadə tarixi: 2024-01-10.

Xarici keçidlər

• Dilarə Səlim: "Azərbaycanda tanınmışlar arasında ilk adam mənəm ki…" — SÖHBƏT 2017-04-27 at the Wayback Machine
• https://www.youtube.com/watch?v=vhb3elPHVMs&t=2s
• https://www.youtube.com/watch?v=IWFFipTgLXU&t=165s
• http://gabalacity-adam.blogspot.com/2013/10/dilar-slim.html