Səadət Əliyeva

Səadət Əliyeva (13 sentyabr 1986, Bakı) — azərbaycanlı alim, filologiya üzrə fəlsəfə doktoru, Azərbaycan Universitetinin rektoru.

Səadət Əliyeva
Səadət Namiq qızı Əliyeva
Azərbaycan Universitetinin rektoru
Vəzifədədir
13 mart 2017-ci ildən
Əvvəlki	Fərid Əhmədov
Şəxsi məlumatlar
Doğum tarixi	13 sentyabr 1986(1986-09-13) (37 yaş)
Doğum yeri	Bakı, Azərbaycan SSR, SSRİ
Milliyyəti	Azərbaycanlı
Vətəndaşlığı	Azərbaycan
Təhsili	Azərbaycan Dillər Universiteti, Azərbaycan Universiteti
Fəaliyyəti	alim
Uşağı	4
Elmi fəaliyyəti
Elm sahəsi	Britaniya uşaq ədəbiyyatı
Elmi dərəcəsi	filologiya üzrə fəlsəfə doktoru^[d]
Təltifləri

Həyatı

Səadət Əliyeva 1986-cı il 13 sentyabrda Bakı şəhərində anadan olmuşdur. 1993–2001-ci illərdə Nəsirəddin Tusi adına ingilisdilli gimnaziyada təhsil almışdır. 2004-cü ildə Binəqədi rayonu 144 nömrəli məktəbi bitirmişdir.

2008-ci ildə Azərbaycan Dillər Universitetinin bakalavriat səviyyəsini Filologiya (ingilis dili müəllimi) ixtisası üzrə fərqlənmə diplomu ilə məzun olmuşdur. 2011-ci ildə Azərbaycan Dillər Universitetinin magistratura səviyyəsini Dilşünaslıq (ingilis dili) ixtisası üzrə fərqlənmə diplomu ilə bitirmişdir. 2013–2017-ci illərdə Azərbaycan Universitetində "Dünya ədəbiyyatı" ixtisası üzrə dissertantura təhsili almışdır. Filologiya üzrə fəlsəfə doktoru elmi dərəcəsi almaq üçün 2017-ci ildə "Britaniya uşaq ədəbiyyatının inkişaf istiqamətləri" mövzusunda dissertasiya işini yekunlaşdırmışdır. 2023-cü ildə filologiya üzrə fəlsəfə doktoru elmi dərəcəsini almışdır.

İngilis, alman və rus dillərini bilir.

Ailəlidir, dörd övladı var.

Fəaliyyəti

Əmək fəaliyyəti

Səadət Əliyeva əmək fəaliyyətinə 2008-ci ildə Azərbaycan Universitetində başlamışdır. 2008–2009-cu illər arasında Dillər kafedrasında laborant, 2009–2013-cü illər arasında Dillər kafedrasında müəllim vəzifəsində çalışmışdır. 2012-ci ildə Böyük Britaniyanın Ardinqli Kollecində elmi tədqiqat ilə məşğul olmuşdur. 2013–2017-ci illərdə Dillər kafedrasında müdir müavini olaraq fəaliyyət göstərmişdir. 13 mart 2017-ci ildən Azərbaycan Universitetinin rektorudur.

Elmi fəaliyyəti

Səadət Əliyevanın əsas tədqiqat sahəsi Britaniya uşaq ədəbiyyatına yönəlmişdir. O "İpək yolu" və "Çağlayan" jurnalının baş redaktoru və tərəfindən çap olunan "Children's Literature in Education Journal"ının redaksiya heyətinin üzvüdür.

Kitablar

• Britaniya uşaq ədəbiyyatı (Ş. Xəlilli ilə birlikdə), Dərs vəsaiti, Bakı, 2018. 435 s.
• Robert Börns: Şeir, nəğmə körpüsü və sözlə hörülmüş dünya, (Ş. Xəlilli ilə birlikdə) Dərs vəsaiti, Bakı, 2019, 376 s.
• Britaniya uşaq folkloru (Ş. Xəlilli ilə birlikdə), Dərs vəsaiti, Bakı, 2021, 316 s.

Təltifləri

• Təhsil Nazirliyinin əmri ilə , 2019
• Təhsil Nazirliyinin əmri ilə Azərbaycan Universitetinin 30 illiyi münasibətilə "Azərbaycan Respublikası qabaqcıl təhsil işçisi döş nişanı", 2021
• Azərbaycan Təhsil İşçiləri Azad Həmkarlar İttifaqı (ATİAHİ) Respublika Komitəsinin Rəyasət Heyətinin qərarı ilə ATİAHİ-nin yaradılmasının 100 illiyi münasibətilə həmkarlar ittifaqı hərəkatında xidmətlərinə görə "Yubiley döş nişanı", 2022
• Elm və Təhsil naziri Emin Əmrullayevin 26 oktyabr 2023-cü il tarixli əmrinə əsasən , 2023

İstinadlar

1. "Səadət Namiq qızı Əliyeva | Azərbaycan Universiteti". au.edu.az (az.). 2022-12-06 tarixində . İstifadə tarixi: 2023-09-11.
2. "31 yaşlı rektor Səadət Əliyeva". Milli.Az (az.). 2017-03-14. 2017-03-17 tarixində . İstifadə tarixi: 2023-09-11.
3. ""Britaniya uşaq ədəbiyyatı" kitabı çapdan çıxıb". AzərTAC. İstifadə tarixi: 12 dekabr 2022.
4. "Azərbaycan Universitetinin rektoru Səadət Əliyevanın yeni kitabı çap olunub | Azərbaycan Universiteti". au.edu.az (az.). 2022-12-12 tarixində . İstifadə tarixi: 2023-09-11.
5. "Azərbaycan Universitetinin rektoru Səadət Əliyevanın yeni kitabı çap olunub". Trend.Az (az.). 2019-07-05. 2022-12-12 tarixində . İstifadə tarixi: 2023-09-11.
6. "Rektor Səadət Əliyevanın həmmüəllifi olduğu dərs vəsaiti nəşr olunub | Azərbaycan Universiteti". au.edu.az (az.). 2022-12-12 tarixində . İstifadə tarixi: 2023-09-11.
7. "Azərbaycan Universitetinin rektoru Səadət Əliyeva təltif olunub". Trend.Az (az.). 2020-01-08. 2020-01-08 tarixində . İstifadə tarixi: 2023-09-11.
8. "Təhsil naziri Azərbaycan Universiteti əməkdaşlarının təltif edilməsi barədə əmr imzalayıb | Azərbaycan Universiteti". au.edu.az (az.). İstifadə tarixi: 2023-09-11.
9. "Rektor Səadət Əliyeva təltif olunub | Azərbaycan Universiteti". au.edu.az (az.). İstifadə tarixi: 2024-01-16.
10. https://www.au.edu.az/az/news/azerbaycan_universitetinin_rektoru_yubiley_medali_ile_teltif_olunub_2024 (#bare_url_missing_title). 2024-02-20 tarixində . İstifadə tarixi: 2024-02-20.