Vikipediyada bu ad soyadlı digər şəxslər haqqında da məqalələr var bax Nurlana əliyeva Nurlana əliyeva Nurlana Müzəffər

Nurlana Əliyeva (Nurlana Müzəffər qızı Əliyeva; 28 avqust 1946, Kirovabad) — Bakı Slavyan Universitetinin sabiq rektoru (2016-2021), Yeni Azərbaycan Partiyası Qadınlar Şurasının sədri (2009-2021), Filologiya elmləri doktoru, professor.

Nurlana Əliyeva
Bakı Slavyan Universitetinin rektoru
23 iyun 2016 – 22 iyun 2021
Əvvəlki	Asif Hacılı
Sonrakı
Yeni Azərbaycan Partiyası Qadınlar Şurasının sədri
25 aprel 2009 – 5 mart 2021
Əvvəlki	Səriyyə Əbülhəsənova
Sonrakı	Bahar Muradova
Şəxsi məlumatlar
Doğum tarixi	28 avqust 1946(1946-08-28) (77 yaş)
Doğum yeri	Kirovabad, Azərbaycan SSR, SSRİ
Təhsili	Bakı Dövlət Universiteti
Fəaliyyəti	professor
Elmi fəaliyyəti
Elmi dərəcəsi	filologiya elmləri doktoru
Elmi adı	professor

Təltifləri	2004 2008
nurlanaeliyeva.az

Həyatı

Nurlana Əliyeva 28 avqust 1946-cı ildə Gəncə şəhərində müəllim ailəsində anadan olub. Gəncə şəhər Cəfər Cabbarlı adına 6 nömrəli məktəbdə orta təhsil alan Nurlana Əliyeva daha sonra təhsilini ölkənin ən nüfuzlu ali təhsil ocaqlarından olan Bakı Dövlət Universitetində davam etdirib. BDU-nun filologiya fakültəsini bitirdikdən sonra - 1969-cu ildə əmək fəaliyyətinə başlayıb. Bakı şəhərindəki 134 nömrəli məktəbdə, Bakı Maliyyə-Kredit Texnikumunda Azərbaycan dili və ədəbiyyat müəllimi işləyib. 1990-cı il dekabrın 29-dan Azərbaycan Dövlət Pedaqoji Kollecinə (keçmiş M.Ə.Sabir adına Bakı Pedaqoji Texnikumu) rəhbərlik edib.

Nurlana Əliyeva "Azərbaycan bədii nəsrində müasir kənd və onun problemləri" mövzusunda namizədlik, "60-80-ci illər Azərbaycan nəsrində qəhrəman və üslüb axtarışları" mövzusunda doktorluq dissertasiyaları müdafiə edib. BDU-nun professoru, AMEA Nizami adına Ədəbiyyat İnstitutunda doktorluq üzrə ixtisaslaşmış dissertasiya şurasının üzvüdür.

12 kitabın, onlarca elmi, publisist məqalənin müəllifidir. YAP Siyasi Şurasının üzvü, eyni zamanda 2009-2021-ci illərdə YAP Respublika Qadınlar Şurasının sədri olmuşdur.

Azərbaycan Respublikası Prezidentini İlham Əliyevin sərəncamı ilə, Nurlana Müzəffər qızı Əliyeva 23 iyun 2016-cı ildə Bakı Slavyan Universitetinin rektoru təyin edilib.

Azərbaycan Respublikası Prezidentini İlham Əliyevin sərəncamı ilə, Nurlana Müzəffər qızı Əliyeva 22 iyun 2021-cı ildə Bakı Slavyan Universitetinin rektoru vəzifəsindən azad edilib

Ailəsi

Ailəlidir, 2 övladı, 5 nəvəsi var. Nurlana Əliyeva sabiq deputat Hadi Rəcəbli ilə qudadır.

Təltifləri

2004-cü ildə "Azərbaycan Respublikasının əməkdar müəllimi" fəxri adına layiq görülüb, 2008-ci ildə "Şöhrət" ordeni ilə təltif olunub.

İstinadlar

"Azərbaycanın hakim partiyasının Qadınlar Şurasına yeni sədr seçilib". 2023-05-11 tarixində . İstifadə tarixi: 2023-05-07.
. 2016-07-03 tarixində orijinalından arxivləşdirilib. İstifadə tarixi: 2016-06-23.
"N.M.Əliyevanın Bakı Slavyan Universitetinin rektoru vəzifəsindən azad edilməsi haqqında Azərbaycan Respublikası Prezidentinin Sərəncamı". 2021-11-28 tarixində . İstifadə tarixi: 2021-06-22.
"Arxivlənmiş surət". 2022-07-17 tarixində . İstifadə tarixi: 2022-07-17.

[1] "Azərbaycanın hakim partiyasının Qadınlar Şurasına yeni sədr seçilib". 2023-05-11 tarixində . İstifadə tarixi: 2023-05-07.

[2] . 2016-07-03 tarixində orijinalından arxivləşdirilib. İstifadə tarixi: 2016-06-23.

[3] "N.M.Əliyevanın Bakı Slavyan Universitetinin rektoru vəzifəsindən azad edilməsi haqqında Azərbaycan Respublikası Prezidentinin Sərəncamı". 2021-11-28 tarixində . İstifadə tarixi: 2021-06-22.

[4] "Arxivlənmiş surət". 2022-07-17 tarixində . İstifadə tarixi: 2022-07-17.