Sünəni Nəsai

Sünəni Nəsai (ərəb. سنن النسائي‎) — Əhli-Sünnənin hədis ədəbiyyatında ən güvənilən hədis kitabları olaraq qəbul edilən altı kitabdan (Kutubi-sittədən) biridir. Onun müəllifi Əbu Əbdirrəhman Əhməd ibn Şuayb ibn Əli ibn Sinan ibn Bəhr əl-Xorasanidir. İmam Nəsai kimi məşhurdur. Onun əsəri bu ada istinad edərək Sünəni Nəsai adlanır. Şayiələrə görə, Nəsai ilk olaraq "Əs-Sünən'ül Kübra" adlı böyük bir hədis toplusu yazmışdır. Bir hökmdar öz-özünə soruşur ki, sənin kitabındakı hədislərin hamısı səhihdirmi? sualına Nəsai "yox" cavabını verir. Bunun üzərinə hökmdar ondan kitabdakı mötəbər hədisləri ayırmağı xahiş edir və Nəsai onları "Əl Müctəba" adlandırdığı başqa bir kitabda toplayır. Bu kitab "Sünəni Nəsai" adı ilə məşhurlaşır.

Sünəni Nəsai
ərəb. سُنن النسائي‎
Müəllif	İmam Nəsai
Janr	İslam
Orijinalın dili	Ərəbcə

Kütüb-i Sittədə yalnız "Sünən-i Nəsai"də olan bir hədis mətni:

Sünəni Nəsai, əksər alimlər tərəfindən Kutub-i Sittədə Səhihi Buxari və Səhihi-Müslimdən sonra üçüncü ən etibarlı kitab olaraq qəbul edilmişdir. Kitabda 53 fəsildə cəmi 5724 hədis vardır. Nəsainin sünnəsində ehbəs, nuhl, rükbə və ümrə kimi mövzuları özündə cəmləşdirən bölmələr var ki, başqa hədis məcmuələrində rast gəlinmir. Bundan əlavə, digər hədis məcmuələrində rast gəlinən fitnə, qiyamət, minik növləri və təfsir bölmələri Nəsaidə yoxdur. "Əbu Səid əl-Xudri (r.a.) rəvayət edir ki, Allahın Peyğəmbəri (s.a.v): "Bir kəs müsəlman olub imanını və əməlini islah etsə, Allah onun keçmişdə etdiyi bütün yaxşılıq və əməlləri yaxşılıq olaraq yazar, keçmişdə etdiyi pisliyi də siləcək və bağışlayacaq. Bundan sonra bütün hərəkət və davranışlarının qarşılığını görür. Onların yaxşı əməlləri on qat, yeddi yüz qat artır. Etdiyi pisliklər bir kimi yazılır. Lakin Allah istəsə, onları da silə və bağışlaya bilər. "

Bölmələri

Kitab aşağıdakı bölmələrdən ibarətdir:

1. Təharət
2. Qüsl tələb edən və tələb etməyən hallar
3. Sular
4. Heyz və İstihazə
5. Qüsl və təyəmmüm
6. Namaz
7. Namaz vaxtları
8. Azan
9. Məscidlər
10. Qiblə
11. İmamlar
12. Namaza başlamaq
13. Səhv səcdəsi
14. Cümə
15. Səfərdə qılınan namazların qısaldılması
16. Kusuf namazı
17. Yağmur duası
18. Qorxu namazı
19. Bayram namazı
20. Gecə və gündüz qılınan nafilə namazlar
21. Cənazə
22. Oruc
23. Zəkat
24. Həcc
25. Miqatlar
26. Cihad
27. Nigah
28. Boşanma
29. Atlar
30. Vəqf
31. İradə
32. İanə
33. Fidyə
34. Rükbə
35. Ümrə
36. And və nəzir
37. Əkin tərəfdaşlığı
38. Qadınlarla yaxınlıq
39. Qan tökməyin haram olması
40. Fey
41. Sadiqlik
42. Akika
43. Dəvənin ilk balasının qurban kəsilməsi
44. Heyvanların ovlanması və kəsilməsi
45. Qurban
46. Alış-veriş
47. Qəsəmə
48. Oğrunun əlinin kəsilməsi
49. İman və Şərtlər
50. Bəzək
51. Kadılık əbası
52. Allaha sığınmaq
53. İçkilər

Həmçinin bax

• Kutubi-sittə
• Səhihi Buxari
• Sünəni Əbu Davud

İstinadlar

1. "İman ve Şartları Bölümü, Kişinin Müslümanlığının Güzelliği, Hadis No: 4965". 18 dekabr 2014 tarixində . İstifadə tarixi: 20 fev 2024.