Bayatılar (mahnı)

Bayatılar — musiqisi Eldar Mansurov tərəfindən 1988-ci ildə yazılmış, sözləri Vahid Əzizin olan mahnıdır. Vahid Əzizin bu şeiri 1985-ci ildə "Əllərimin kölgəsi" kitabında çap olunub. Şair Vahid Əziz bəstəkar Eldar Mansurovun xahişi ilə şeirə mahnı üçün yeni bənd əlavə edib. Mahnı ilk dəfə 1989-cu ildə Brilliant Dadaşova tərəfindən ifa edilərək lentə alınmışdır.

"Bayatılar"
İfaçı	Brilliant Dadaşova
Yayımlanıb	1989
Janr	pop
Dil	Azərbaycan dili
Müddət	05:33
Bəstəkar	Eldar Mansurov
Videoklip  Bayatılar

Digər versiyaları

Mahnı Brilliant Dadaşovadan sonra dünyanın bir çox dillərində və ən müxtəlif ölkələrdən olan ifaçılar tərəfindən müxtəlif adlarla ifa edilmişdir. Həmin ifaçılar (Aşqabad qrupu istisna olmaqla) mahnının musiqisini saxlasalar da adını və sözlərini dəyişərək ifa etmişlər. Azərbaycanda isə bu mahnını müxtəlif illərdə müğənnilərdən İlqar Muradov (1989) və Faiq Ağayev (1996), skripkada isə Natiq Nuriyev (1989) və Kazbek Əliyev (1995) ifa ediblər.

Mahnının ifaçılarından bəziləri:

1. Brilliant Dadaşova – "Bayatılar" – 1989-2008
2. Aşqabad qrupu – "Bayatılar" – 1990
3. Reno – "Zdrastvuy" – 1990
4. Sezen Aksu – "Zalim" 1995
5. – "Zalim" – 1995
6. – "Taxidiariko Pouli" – 1995
7. – "Oses Foties" – 1997
8. – "Bayatı" – 2002
9. – "Bayatı" – 2003
10. – "Taxidiariko Pouli" – 2003
11. – "Esena Mono" – 2003-2005
12. Dino Merlin – "Subota" – 2004
13. – "İçim yanıyor" – 2005
14. – "Adını Yıldızlara" – 2006
15. – "Yollarim" – 2006
16. – "Yalnyz yuregim" – 2006
17. Aygün Kazımova – "Bayatılar" – 2006
18. və DJ. Funky – "Miracles" – 2006
19. – "I Have A Dream" – 2006
20. – "Godina Nova" – 2007
21. – "Zalim" – 2007
22. – "Are Faghat To" – 2008
23. – "Stereo Love" – 2009
24. – "Stereo Love" – 2010
25. – "Stereo Love" – 2010
26. – "Dečko sa Balkana" (Stereo Love) – 2010
27. – "Bayatı" – 2009
28. – "Bayatı" – 2010
29. – "Bayaty" – 2010
30. qrupu– "Zalim" – 2012
31. – "Zalim" – 2012
32. – "Zalim / Bayatilar" – 2012
33. – "Bayatilar" – 2013
34. Bengü – "Zalim" – 2013
35. qrupu – "Bayatılar" – 2014
36. – "Bayatı" – 2014
37. – "Syanide" – 2018
38. Mark Eliyahu – "Alegria" – 2019
39. – "Never, never" – 2019
40. – "Out Of Time" – 2019
41. Bergüzar Korel – "Zalim" – 2020
42. – "Zalim" – 2021

Sözlər

Ürəyimdə ayaz var,
Nə qış gedib, nə yaz var.
Oyatma bənövşəni,
Kol dibində ayaz var.

Kədərli baxmayaydın,
Göz yaşım axmayaydı.
Yad baxmağı bir yana,
Yar yada baxmayaydı.

Bu dünya çətin qala,
Yolları çətin qala.
Yaxşı yarı yazda gəz,
Payıza çətin qala.

Qalanın daşı oldum,
Gözümün yaşı oldun.
Dünyada gün görmədim,
Sevəndə naşı oldum.

Yanımda qal bir az da,
Göz yaşı var arazda.
Yar yuxusun danışıb,
Şəkli qalıb arazda.

Yenə də axşam oldu,
Gün keçdi, axşam oldu.
Gecələr mən alışdım,
Əriyən şam oldu.

Xarici keçidlər

• Bir mahnının tarixçəsi – Bayatılar

Həmçinin bax

• Eldar Mansurov