Peterhof (muzey-qoruq)

Peterhof Dövlət Muzey-Qoruğu (rus. Государственный музей-заповедник „Петергоф“) dövlət federal büdcəsindən maliyyələşən mədəni kompleksdir. Kompleksə Fin körfəzinin cənubunda yerləşən görməli yerlər daxildir.

Peterhof Dövlət Muzey-Qoruğu
Государственный музей-заповедник „Петергоф“
Əsası qoyulub	1918
Mövzu	dövlət təşkilatı
Ölkə	Rusiya
Yerləşir	Rusiya Peterhof
peterhofmuseum.ru

Təsvir

İlkin olaraq "Peterhof" Dövlət Muzey-Qoruğu (DMQ) Peterhof saray-park kompleksinin idarə olunması məqsədi ilə yaradılmışdır. XX əsr ərzində, Peterhofda yerləşən Aleksandriya saray-park kompleksi və Kolonist parkı, Strelnada yerləşən I Pyotr sarayı və Konstantin sarayı, həmçinin "İmperator yaxtaları", "Benua ailəsi" və "Velosiperlər" muzeyləri də "Peterhof" DMQ-nun tabeliyinə verilmişdir. 2007-ci ildə "Oranienbaum" DMQ-nun likvidasiyasından sonra Lomonosov ərazisində yerləşən Oranienbaum saray-park kompleksi də "Peterhof" DMQ-nun tərkibinə verilmişdir.

Hər il "Peterhof" DMQ 4 milyondan çox insan tərəfindən ziyarət olunur. 1 mart-15 aprel tarixləri arasında isə kompleks ziyarətə qapalı olur.

Tarixi

• 19 may 1918 – Peterhof saray-park kopleksinin idarə olunması üçün Sovet Rusiyası rəhbərliyi tərəfindən "Peterhof" DMQ təsis edilmişdir.
• sentyabr 1941 – yanvar, 1944 – "Peterhof" DMQ almanların işğalı altında olmuşdur. Həmin müddət ərzində kompleksə daxil olan saraylar qarət edilmiş, dağıdılmış və yandırılmış, heykəllər dağıdılmış, ağaclar məhv edilmiş, fontanlar sıradan çıxarılmış, muzeylər qarət olunmuşdur.
• sentyabr 1944 – 1947 – Peterhof saray-park kompleksinin bərpa olunması üçün əsasə restavrasiya işləri aparılmışdır.
• 1999-cu il – restavrasiya işlərindən sonra I Pyotrun sarayı ziyarətçilərin üzünə açılmışdır.
• 2003-cü il – restavrasiya işlərindən sonra Konstantin sarayı ziyarətçilərin üzünə açılmışdır.
• 2007-ci il – "Oranienbaum" DMQ "Peterhof" DMQ-nun tərkibinə daxil edilmişdir.
• 12 iyun 2008-ci il – "Rusiyanın Yeddi Möcüzəsi" müsabiqəsinin qalibləri elan edilmiş və Peterhof saray-park kompleksi də qaliblər sırasına daxil olmuşdur.
• noyabr 2008 – "Peterhof" DMQ-na daxil olan obyektlər "Magistral" mühafizə qurumunun nəzarətinə verilmişdir.

Direksiya

• "Peterhof" DMQ-nun direksiyası Razvodnaya küçəsi, Peterhof ünvanında yerləşir.
• Direktor: Kalnitskaya Yelena Yakovlevna.
• Muzey-qoruq Rusiya Fedreasiyası Mədəniyyət və Kütləvi Kommunikasiya Nazirliyinə tabedir.

İstinadlar

1. "Государственный художественно-архитектурный дворцово-парковый музей-заповедник «Петергоф»". 2012-01-19 tarixində . İstifadə tarixi: 2015-05-05.
2. "Вадим Знаменов: В Ораниенбауме будет что посмотреть!". 2008-09-27 tarixində . İstifadə tarixi: 2015-05-05.
3. "Дата основания Государственного музея-заповедника «Петергоф»". 2008-10-10 tarixində . İstifadə tarixi: 2015-05-05.
4. "Город Петергоф". 2009-02-07 tarixində . İstifadə tarixi: 2015-05-05.
5. "Стрельна". 2008-02-13 tarixində . İstifadə tarixi: 2015-05-05.
6. . 2008-09-10 tarixində orijinalından arxivləşdirilib. İstifadə tarixi: 2015-05-05.
7. . 2012-11-06 tarixində orijinalından arxivləşdirilib. İstifadə tarixi: 2015-05-05.
8. "«Магистраль» прошла через Петергоф и Ораниенбаум". 2014-04-15 tarixində . İstifadə tarixi: 2015-05-05.

Xarici keçidlər

• Muzeyin rəsmi saytı
• Peterhof muzeyi və şəhəri haqqında qeyri-rəsmi sayt