Səbirə əliyeva 25 sentyabr 1995 Bakı Azərbaycanı təmsil edən qadın güləşçi Səbirə əliyevaşəxsi məlumatlarTam adı Səbirə

Səbirə Əliyeva (25 sentyabr 1995, Bakı) — Azərbaycanı təmsil edən qadın güləşçi.

Səbirə Əliyeva

Şəxsi məlumatlar

Tam adı

Səbirə Allahverdi qızı Əliyeva

Vətəndaşlığı

Azərbaycan

Doğum tarixi

25 sentyabr 1995(28 yaş)

Doğum yeri

Bakı, Azərbaycan

Boyu

170 sm. (5 ft 6 in)

İdman növü

Güləş

Karyera illəri

2009—2021

Məşqçisi

Hicran Şərifov

Komandası

Neftçi İdman Klubu

Medallar


Avropa Çempionatı
Bürünc		76 Kq.

Karyerası

Səbirə Əliyevanın birinci beynəlxalq turniri 2013-cü ilin fevralında Sofiya şəhərində (Bolqarıstan) baş tutan D. Kolov — N. Petrov beynəlxalq turniri oldu. Səbirə Əliyeva həmin turniri beşinci pillədə başa vurdu. Daha sonra Belarusda baş tutan A. Medved beynəlxalq turnirinin bürünc medalına sahib olan Səbirə Əliyeva, martda Tbilisi şəhərində (Gürcüstan) baş tutan Avropa Çempionatını yeddinci pillədə başa vurdu. İyulda gənclər arasında Avropa Çempionatının qalibi olan Səbirə Əliyeva avqustda gənclər arasında Dünya Çempionatının gümüş medalına sahib oldu.

2014-cü ildə Səbirə Əliyeva əvvəlcə Paris şəhərində (Fransa) Fransa Qran-Prisinin bürünc medalına sahib oldu. Daha sonra Klippan Lady Open beynəlxalq turnirini 8-ci, gənclər arasında Avropa Çempionatını beşinci pillədə başa vuran Səbirə Əliyeva, avqustda Zaqreb şəhərində (Xorvatiya) gənclər arasında Dünya Çempionatını bürünc medalla başa vurdu. İlin sonunda isə o, Rusiyada Moscow Lights beynəlxalq turnirinin gümüş medalına sahib oldu.

2015-ci ilin əvvəlində Səbirə Əliyeva Fransasa Paris Qran-Prisində 8-ci, Polşada U23 Avropa Çempionatında 5-ci, Bolqarıstanda isə D. Kolov — N. Petrov beynəlxalq turnirində 5-ci oldu. Daha sonra Səbirə Əliyeva iyunda İstanbul şəhərində baş tutan gənclər arasında Avropa Çempionatının qızıl, avqustda Salvador şəhərində baş tutan gənclər arasında Dünya Çempionatının isə gümüş medalına sahib oldu. İlin sonunda da Qızıl Qran-Pri beynəlxalq turnirini beşinci pillədə başa vurdu.

2016–2017-ci illərdə isə Səbirə Əliyeva həm nüfuzlu beynəlxalq turnirlərdə mübarizə aparmadı, həm də ciddi nəticələrə imza atmadı. 2016-cı ilin noyabrında Qızıl Qran-Pri beynəlxalq turnirini 14-cü pillədə başa vuran Səbirə Əliyeva, 2017-ci ilin mayında IV İslam Həmrəyliyi Oyunlarının gümüş medalına sahib oldu.

2018-ci ildə Səbirə Əliyeva Rusiyada baş tutan Avropa Çempionatını bürünc medalla başa vurdu. Həmin mövsümdə Səbirə Əliyeva həm də Y. Doğu və A. Medved beynəlxalq turnirlərinin də bürünc medallarına sahib oldu. 2019-2021-ci illərdə isə Səbirə Əliyeva 8 beynəlxalq turniri medalsız başa vurdu. 2019-cu ilin iyununda Belarusda Avropa Oyunlarını beşinci pillədə başa vuran Səbirə Əliyeva 2021-ci ildə Polşada Avropa Çempionatında da beşinici pillənin sahibi oldu. Səbirə Əliyeva 2021-ci ildə 26 yaşında idmanla vidalaşdı.

Nəticələri

Sıra	İl	Yarış	Ev sahibi	Nəticə
1	2013	D. Kolov — N. Petrov beynəlxalq turniri	Bolqarıstan	5.
2		A. Medved beynəlxalq turniri	Belarus	3.
3		Avropa Çempionatı	Gürcüstan	7.
4		Gənclərin Avropa Çempionatı	KYRM	1.
5		Gənclərin Dünya Çempionatı	Bolqarıstan	3.
6	2014	Qızıl Qran-Pri	Fransa	1.
7		Klippan Lady Open	İsveç	8.
8		Gənclərin Avropa Çempionatı	Polşa	5.
9		Gənclərin Dünya Çempionatı	Xorvatiya	3.
10		Moscow Lights beynəlxalq turniri	Rusiya	2.
11	2015	Paris Qran-Prisi	Fransa	8.
12		U23 Avropa Çempionatı	Polşa	5.
13		D. Kolov — N. Petrov beynəlxalq turniri	Bolqarıstan	5.
14		Gənclərin Avropa Çempionatı	Türkiyə	1.
15		Gənclərin Dünya Çempionatı	Braziliya	2.
16		Qızıl Qran-Pri	Azərbaycan	5.

Sıra	İl	Yarış	Ev sahibi	Nəticə
17	2016	Qızıl Qran-Pri	Azərbaycan	14.
18	2017	İslam Həmrəyliyi Oyunları	Azərbaycan	2.
19	2018	Avropa Çempionatı	Rusiya	3.
20		U23 Avropa Çempionatı	Türkiyə	5.
21		Yaşar Doğu beynəlxalq turniri	Türkiyə	3.
22		A. Medved beynəlxalq turniri	Belarus	3.
23		Dünya Çempionatı	Macarıstan	22.
24		U23 Dünya Çempionatı	Rumıniya	7.
25	2019	Fransa Qran-Prisi	Fransa	4.
26		Avropa Çempionatı	Rumıniya	8.
27		Avropa Oyunları	Belarus	5.
28		Dünya Çempionatı	Qazaxıstan	16.
29	2020	Yaşar Doğu beynəlxalq turniri	Türkiyə	5.
30	2020	Avropa Çempionatı	İtaliya	10.
31	2021	Kiyev beynəlxalq turniri	Ukrayna	12.
32	2021	Avropa Çempionatı	Polşa	5.

İstinadlar

International Wrestling Database. "SABIRA ALIYEVA". www.iat.uni-leipzig.de (ingilis). 2022-08-04. 2022-04-14 tarixində . İstifadə tarixi: 02.08.2022.

[:PRO-1] International Wrestling Database. "SABIRA ALIYEVA". www.iat.uni-leipzig.de (ingilis). 2022-08-04. 2022-04-14 tarixində . İstifadə tarixi: 02.08.2022.