Yer budaq cümləsi

Yer budaq cümləsi baş cümlədəki hərəkətin yerini bildirir və haraya? harada? haradan? suallarından birinə cavab olur.

• Yer budaq cümləsi, adətən, baş cümlədən əvvəl gəlir. Budaq cümlədə haraya (ki), harada (ki), haradan (ki), o yerə (ki), o yerdən (ki), bir yerə ki, bir yerdən ki və s. kimi bağlayıcı sözlər işlənir. Bu zaman əlaqə vasitəsi kimi -sa² şəkilçisi də iştirak edə bilər. Baş cümlədə oraya (ora), orada, oradan, və s. kimi əvəzlik-qəliblər işlənir. Məs: Harada işləyirsən, oraya (ora) can yandırırsan. O yerdə ki meşə çox olur, orada insan rahat nəfəs alır. İndi harada ki qazıntı aparılır, keçmişdə orada böyük bir şəhər olub.
• Baş cümlədə yönlük, yerlik, çıxışlıq hallarının şəkilçisini qəbul etmiş oraya, orada, oradan əvəzlik-qəliblər olmadıqda onları asanlıqla bərpa etmək olur. Məs: Haraya gedirsən, əliboş qayıdırsan. Haraya gedirsən, oradan əliboş qayıdırsan.

Yerlik budaq cümlələri

1. Hara istəyirsiniz, göndərin.
2. Harada işləri xarablaşırdı, tez əkikirdi.
3. Hara deyirsən, gedək.
4. Bir yerdə ki tənqid və özünütənqid yoxdur, orada inkişaf da yoxdur.
5. Harad yaşıllıq varsa, orada su və həyat var.
6. Bir yerdə ki yalan və böhtan var, nə qədər tez uzaqlaşsan, yaxşıdır.
7. Hara baxırsan rüşvətxorlardır.
8. O yerdə ki səni sevmirlər, durma.
9. O yerdə ki köhnə daxmalar vardı, orada hündür binalar ucalıb.

Həmçinin bax

• Budaq cümlə
• xəbər budaq cümləsi