Murtuzəli Müslümov

Murtuzəli Müslümov (19 oktyabr 1993) — 2017–2019-cu illərdə Azərbaycanı təmsil edən sərbəst güləşçi.

Murtuzəli Müslümov
Şəxsi məlumatlar
Tam adı	Murtuzəli Rəhmətulayeviç Müslümov
Vətəndaşlığı	Rusiya → Azərbaycan
Doğum tarixi	19 oktyabr 1993(30 yaş)
Doğum yeri	Botlix rayonu, Rusiya
İdman növü	Güləş
Medallar Azərbaycan üçün Avropa Çempionatı Bürünc 70 Kq.

Karyerası

Karyerası ərzində zədələrə görə nüfuzlu beynəlxalq turnirlərdə mübarizə aparmayan Murtuzəli Müslümov 2017-ci ildə Azərbaycan Güləş Federasiyası (AGF) tərəfindən Azərbaycan yığmasının heyətinə dəvət elədi. Murtuzəli Müslümov həmin dəvəti qəbul elədi və 2017-ci ildən Azərbaycan bayrağı altında beynəlxalq turnirlərdə mübarizə apardı.

Həmin ilin mayında Azərbaycanda baş tutan IV İslam Həmrəyliyi Oyunlarında mübarizə aparan Murtuzəli Müslümov turnirin final görüşündə İran nümayəndəsi Mustafa Hüseynxaniyə məğlub oldu və IV İslam Həmrəyliyi Oyunlarının gümüş medalına sahib oldu.

2018-ci ilin fevralında Kiyev şəhərində beynəlxalq turniri gümüş medalla başa vuran Murtuzəli Müslümov mayda Avropa Çempionatlarında debüt elədi. Rusiyada baş tutan turnirin 1/8 final mərhələsində Almaniya nümayəndəsi Alexander Semisorova 10:8, 1/4 final mərhələsində isə Bolqarıstan nümayəndəsi Miroslav Kirova 8:2 hesabları ilə qalib gələn Murtuzəli Müslümov, 1/2 final mərhələsində Polşa nümayəndəsi Məhəmmədmurad Hacıyeva 2:4 hesabı ilə məğlub oldu və mübarizəni bürünc medal uğrunda görüşdə davam elədi. Həmin görüşdə Belarus nümayəndəsi Əzəmət Nuriyeva 10:2 hesabı ilə qalib gələn Murtuzəli Müslümov Avropa Çempionatının bürünc medalına sahib oldu.

Murtuzəli Müslümov 2017-ci ildə Komandalararası Alrosa Cup turnirinin gümüş, 2018-ci ildə isə Komandalararası Əhməd Kadırov Turnirinin bürünc medallarına sahib olub.

2019-cu ilin mayında Rusiyada Əli Əliyevin xatirəsinə həsr olunan beynəlxalq turniri beşinci pillədə başa vuran Murtuzəli Müslümov 25 yaşında idmanla vidalaşdı.

Nəticələri

Sıra	İl	Yarış	Ev sahibi	Nəticə
Azərbaycan
1	2017	İslam Həmrəyliyi Oyunları	Azərbaycan	2.
2	2018	Kiyev Turniri	Ukrayna	2.
3		Avropa Çempionatı	Rusiya	3.
4	2019	Ə. Əliyev Turniri	Rusiya	5.

İstinadlar

1. International Wrestling Database. "MURTUZALI MUSLUMOV". www.iat.uni-leipzig.de (ingilis). 2022-08-04. 2022-02-20 tarixində . İstifadə tarixi: 02.08.2022.
2. International Wrestling Database. "2017 // Islamic Solidarity Games // Seniors // Freestyle // 70 Kg. // Results". www.iat.uni-leipzig.de (ingilis). 2022-08-04. 2022-02-20 tarixində . İstifadə tarixi: 02.08.2022.
3. International Wrestling Database. "2018 // International Kyiv Tournament // Seniors // Freestyle // 70 Kg. // Results". www.iat.uni-leipzig.de (ingilis). 2022-08-04. 2022-02-20 tarixində . İstifadə tarixi: 02.08.2022.
4. International Wrestling Database. "2018 // European Championship // Seniors // Freestyle // 70 Kg. // Results". www.iat.uni-leipzig.de (ingilis). 2022-08-04. 2022-02-20 tarixində . İstifadə tarixi: 02.08.2022.
5. International Wrestling Database. "2017 // Alrosa Cup // Seniors // Freestyle // Team // Results". www.iat.uni-leipzig.de (ingilis). 2022-08-04. 2022-02-20 tarixində . İstifadə tarixi: 02.08.2022.
6. International Wrestling Database. "2018 // Ahmat Kadyrov Cup // Seniors // Freestyle // Team // Results". www.iat.uni-leipzig.de (ingilis). 2022-08-04. 2022-02-20 tarixində . İstifadə tarixi: 02.08.2022.
7. International Wrestling Database. "2017 // Ali Aliyev Tournament // Seniors // Freestyle // 70 Kg. // Results". www.iat.uni-leipzig.de (ingilis). 2022-08-04. 2022-02-20 tarixində . İstifadə tarixi: 02.08.2022.