Sərvər Şahbəyli

Sərvər Şahbəyli — Azərbaycan aktyoru, ssenaristi, nəğməkar şairi.

Sərvər Şahbəyli
Doğum tarixi	15 aprel 1962
Doğum yeri	Ağsu, Azərbaycan SSR, SSRİ
Vəfat tarixi	27 dekabr 2016 (54 yaşında)
Vəfat yeri	Ağsu, Azərbaycan
Vəfat səbəbi	Qaraciyər xəstəliyi
Fəaliyyəti	aktyor

Həyatı

Sərvər Şahbəyli 15 aprel 1962-ci ildə Ağsu şəhərində anadan olub. 1979-cu ildə Ağsuda 1 saylı orta məktəbi, 1984-ci ildə Bakıda Azərbaycan Dövlət İncəsənət İnstitutunun Dram və kino aktyorluğu fakültəsinə daxil olmuşdur. 1987-ci ildə 3-cü kursda oxuyarkən, Bakı Meydan Teatrında aktyor kimi fəaliyyət göstərib. 1988-ci ildə institutu bitirib Dövlət Filarmoniyasında aparıcı-artist (konfransye) vəzifəsində çalışmışdır. 1989-cu ildə Dövlət Gənclər teatrının yaranmasında yaxından iştirak etmişdir. 2005-ci ilə qədər müəyyən fasilələrlə həmin teatrda fəaliyyət göstərmişdir. 1991-ci ildə İstiqlal teatrının da yaranmasında yaxından iştirak etmiş, həmin teatrda bir il fəaliyyət göstərmişdir.

Orta məktəb illərindən poeziyaya-ədəbiyyata maraq göstərmiş, elə o illərdə Ağsu "Birlik" qəzetində şeirləri çap olunmuşdur. 1987-ci ildən şeirlərinə yazılan mahnılar efirdə səslənməyə başlamışdır. Şeirləri bir neçə almanaxda çap olunub, 2006-cı ildə isə "Bu yol hara gedir belə? kitabı çapdan çıxmışdır. 2014-cü ildə kitabın eyni adlı audio versiyası öz ifası ilə dinləyicilərə təqdim olunmuşdur. Sərvər Şahbəylinin sözlərinə 200-ə yaxın mahnı yazılıb, "Səni axtara-axtara", "Hamı gəzir yarısını", "Gecikməyin sevməyə" ("Əl uzatdım, gəlmədi") kimi hit mahnıları sevilə-sevilə dinlənilir.

Nəğməkar-şair uzun müddətdir qaraciyər xəstəliyindən əziyyət çəkirdi. Bu səbəbdən reanimasiyaya yerləşdirilən şair 27 dekabr 2016-cı ildə 53 yaşında dünyasını dəyişmişdir. Doğulduğu Ağsu rayonunda dəfn edilmişdir.

Filmoqrafiya

1. Sürəyya (film, 1987)
2. Ərazi (film, 2005)
3. Əlvida (film, 2007)
4. Qurban (film, 2011)
5. - rol: Səməd Vurğun
6. Məhkumlar (teleserial, 2012)