Tufan Dağ Xizək Kompleksi tam adı Tufan Dağ Xizək Yay Qış istirahət Kompleksi Azərbaycanın Qəbələ rayonunda rekreasiya t

"Tufan" Dağ-Xizək Kompleksi (tam adı: "Tufan" Dağ-Xizək Yay-Qış İstirahət Kompleksi) — Azərbaycanın Qəbələ rayonunda rekreasiya-turizm obyekti.

Tufandağ dağ-xizək kompleksi

Yerləşmə	Qəbələ rayonu
Yaxındakı şəhər	Qəbələ
Xarici keçidlər	https://www.tufandag.com/az

Coğrafiyası

Kompleks Qəbələ şəhərindən təxminən 4 kilometr aralıda yerləşir. Kanat yolunun və xizəkçilik kompleksinin 8 stansiyadan ibarət olması planlaşdırılmışdır. Birinci stansiya dəniz səviyyəsindən 950 metr, sonuncu stansiya isə 1920 metr hündürlükdədir.

Açılışı

Kompleksinin birinci mərhələsinin açılışı 3 yanvar 2014-cü ildə Prezident İlham Əliyev və xanımı Mehriban Əliyevanın iştirakı ilə olmuşdur. Buna qədər isə, ölkə başçısı Qəbələyə etdiyi mütəmadi səfərlər zamanı kompleksə gələrək burada aparılan tikinti işlərinin gedişi ilə tanış olmuşdur.

İnfrastruktur

Kompleksdə nəhəng infrastruktur yaradılmış, avtomobil yolunun çəkilməsi, torpaq sürüşmələrinin qarşısının alınması üçün mühafizə tədbirləri görülmüşdür.

Kompleksin tikintisinin birinci mərhələsi çərçivəsində 4 kanat xətti tam inşa olunmuş, 10 xizək yolundan beşində inşaat işləri başa çatmışdır. İnşası nəzərdə tutulan 10 enmə zolağının ümumi uzunluğu 18 min metr təşkil edir.

Burada turistlərin istirahətinin təşkili üçün hər cür şəraiti olan restoranlar da yaradılmışdır.

Ümumiyyətlə, bu nəhəng istirahət məkanı ilin bütün fəsillərində turistlərə kanat gəzintisinə, qış mövsümündə xizəklə sürüşməyə, xizəkçilik məktəbindən, otel və digər xidmətlərdən istifadə etməyə imkanlar verir.

Bütün dağ-xizək trassası süni qar yaratma generasiya sistemi ilə təchiz edilmişdir. Bütünlükdə Kompleks gün ərzində 3000 nəfərə xidmət göstərmək imkanına malikdir.

Burada turistlərin trassa sistemini özlərinə uyğun seçmək imkanlarının olması kompleksin əhəmiyyətini artıran mühüm amillərdən biridir. Belə ki, hər bir qonaq enmə zolağı, maillik və çətinlik dərəcəsinə görə trassa seçə bilər.

Planlaşdırılan işlər

Ərazidə insanların rahat istirahəti üçün hər cür şəraitə malik infrastrukturun, o cümlədən mehmanxana, ofislər, uşaqlar üçün istirahət guşəsi və digər müvafiq obyektlərin yaradılması istiqamətində işlər aparılır.

İstinadlar

İlham Əliyev Qəbələ "Tufan" Dağ-Xizək Yay-Qış İstirahət Kompleksinin tikintisi ilə tanış olmuşdur 2017-08-08 at the Wayback Machine. (Şəkillər 2013-04-28 at the Wayback Machine), president.az, 28.02.2013. (az.)
İlham Əliyev Qəbələdə "Tufan" Dağ-Xizək Yay-Qış İstirahət Kompleksinin birinci mərhələsinin açılışında iştirak etmişdir 2016-12-21 at the Wayback Machine. (Şəkillər 2014-06-14 at the Wayback Machine), president.az, 03.01.2014. (az.)
İlham Əliyev Qəbələdə "Tufan" dağ-xizək yay-qış istirahət kompleksinda aparılan tikinti işləri ilə tanış olmuşdur 2018-01-07 at the Wayback Machine. (Şəkillər 2018-04-10 at the Wayback Machine), president.az, 10.09.2012. (az.)

Xarici keçidlər

Rəsmi saytı

[president.az-7468-1] İlham Əliyev Qəbələ "Tufan" Dağ-Xizək Yay-Qış İstirahət Kompleksinin tikintisi ilə tanış olmuşdur 2017-08-08 at the Wayback Machine. (Şəkillər 2013-04-28 at the Wayback Machine), president.az, 28.02.2013. (az.)

[president.az-10785-2] İlham Əliyev Qəbələdə "Tufan" Dağ-Xizək Yay-Qış İstirahət Kompleksinin birinci mərhələsinin açılışında iştirak etmişdir 2016-12-21 at the Wayback Machine. (Şəkillər 2014-06-14 at the Wayback Machine), president.az, 03.01.2014. (az.)

[president.az-5988-3] İlham Əliyev Qəbələdə "Tufan" dağ-xizək yay-qış istirahət kompleksinda aparılan tikinti işləri ilə tanış olmuşdur 2018-01-07 at the Wayback Machine. (Şəkillər 2018-04-10 at the Wayback Machine), president.az, 10.09.2012. (az.)