Qocalar Azərbaycan filmi QocalarJanr melodram komediyaRejissorlar ismayıl Məmmədov Fariz əhmədovSsenari müəllifi Nərgiz

Qocalar — Azərbaycan filmi.

Qocalar

Janr	melodram komediya
Rejissorlar	İsmayıl Məmmədov Fariz Əhmədov
Ssenari müəllifi	Nərgiz Bağırzadə
Baş rollarda	Elmira Şabanova Tariyel Qasımov
Operator	Üzeyir Abbas
Bəstəkar	Azər Dadaşov
Rəssam	Fikrət Ələkbərov
İstehsalçı	"İmper Qrup" prodüser mərkəzi
İlk baxış tarixi	2008
Filmin növü	qısametrajlı bədii film
Müddət	33 dəq.
Ölkələr	Azərbaycan
Dil	azərbaycanca
İl	2008
Rəng	rəngli
Çəkiliş yeri	Bakı

Məzmun

Film qocalığın doğurduğu psixoloji amillərin insan həyatına təsirindən bəhs edir. Uzun müddət bir yerdə yaşayan ər-arvadın həyatı əks olunur. Təxminən 60-70 yaşında olan bu cütlüyün övladları yoxdur. Kişi meylini ev bitkilərinə salıb, evdə çoxlu bitki saxlayır. Qadın isə evdar qadındır, özünü ev işlərinə həsr edib. Qadın ərindən diqqət gözləyir, çalışır ki, ərini bitkilərdən yayındırıb, özünə cəlb etsin. Amma buna nail ola bilmir.

Bir dəfə qadın təsadüfən ərinin dibçəklərindən birini salıb sındırır. Kişi hay-küy salır, isterika yaradır və güllərini öz otağına yığıb, evi bölür. Qadın başa düşür ki, bu cür yaşamaq mümkün deyil və televizorda reklamını gördüyü qocalar evinə gedir. Bu qocalar evi vərdiş etdiyimiz dağınıq, uçuq, hamının yadından çıxmış qocalar evi deyil. Çox təmtəraqlı, romantik auralı bir qocalar evidir. Qadın burada qoca bir polkovniklə tanış olur. Amma qadın qocalar evində də sıxılmağa başlayır. Kişi də evdə darıxır, etdiyi hərəkətdən peşman olur. Film qadının evə qayıtması ilə bitir.

Film haqqında

Azərbaycan Respublikası Mədəniyyət və Turizm Nazirliyinin təşkilatçılığı ilə 2008-ci il yanvarın 10-dan aprelin 10-a qədər "Bu meydan, bu ekran 2008" kinolayihələr müsabiqəsi keçirilib. Müsabiqə gənc nəslə vətənpərvərlik ruhu aşılayan yüksək səviyyəli bədii filmlər yaratmaq, Qarabağ müharibəsi mövzusunu kino vasitəsilə əks etdirmək, eləcə də kinematoqrafiya sahəsində çalışan gənclərə özlərini sınamaq üçün imkan yaratmaq məqsədilə təşkil olunmuşdu. Müsabiqədə iştirak etmək üçün 45 layihə təqdim olunub, onlardan 7-si seçilib. "Qocalar" da bu 7 qalibdən biridir.