Vikipediyada bu adlı digər şəxslər haqqında da məqalələr var bax əvəz əvəz Kərəm oğlu şükürov 1926 Zülfüqarlı 20 yanvar

Əvəz Kərəm oğlu Şükürov (1926, Zülfüqarlı – 20 yanvar 2006, Bakı) — Kəlbəcər rayonu İcra hakimiyyətinin başçısı (1994–1995).

Əvəz Şükürov
Əvəz Kərəm oğlu Şükürov
Şəxsi məlumatlar
Doğum tarixi	1926
Doğum yeri	Zülfüqarlı, Azərbaycan SSR, ZSFSR, SSRİ
Vəfat tarixi	20 yanvar 2006
Vəfat yeri	Bakı, Azərbaycan
Vətəndaşlığı	SSRİ→ Azərbaycan
Təhsili	Azərbaycan Dövlət Aqrar Universiteti
Uşağı	Şahlar Şükürov

Həyatı

1926-cı ildə Kəlbəcər rayonu Zülfüqarlı kəndində anadan olmuşdur. Elə həmin kənd məktəbini bitirdikdən sonra Azərbaycan Kənd Təsərrüfatı Akademiyasına daxil olmuş və oranı müvəffəqiyyətlə bitirmisdir.

1944-cü ildən Kəlbəcər rayon icra komitəsi kənd təsərrüfatı şöbəsinin aqranomu, "Pravda" kolxozunun sədri olmuşdur.

1950–1953-cü illərdə Zülfüqarlı və Abdullauşağı kənd sovetinin sədri, rayon kənd təsərrüfatı şöbəsinin aqranomu, 1954–1964-cu illərdə isə yenə də "Pravda" kolxozunun sədri vəzifəsində işləmişdir. Eyni zamanda 1958–1968 illərdə V–VI çağırış Azərbaycan SSR Ali sovetinin deputatı olmuşdur. Uzun illər Kəlbəcər və Zərdab rayonlarında muxtəlif rəhbər vəzifələrdə çalışmişdir.

1993–1995-ci illərdə Kəlbəcər rayon icra hakimiyyətinin sədr müavini, sonra isə Kəlbəcər rayon İcra hakimiyyətinin başçısı vəzifəsində fəaliyyət göstərmişdir.

1995-ci ildən baş mutəxəssis işləmişdir. 2006-cı il yanvarın 20-də Bakı şəhərində vəfat etmişdir.

Azərbaycanın Milli Qəhrəmanı Şahlar Şükürovun atasıdır.

İstinadlar

Ə. K. Şükürovun Kəlbəcər rayonu İcra hakimiyyətinin başçısı təyin edilməsi^{[ölü keçid]}

Mənbə

Hidayət Elvüsal, "Sanki dağ uçdu", "Ədalət" qəzeti 24 yanvar 2006-cı il

[1] Ə. K. Şükürovun Kəlbəcər rayonu İcra hakimiyyətinin başçısı təyin edilməsi^{[ölü keçid]}