Zeyn Malik

Zeyn Malik (tam adı: Zeyn Cavadd ​​Malik; 12 yanvar 1993, Bredford, İngiltərə) — Böyük Britaniya müğənnisi. Bütün zamanların ən məşhur oğlan qruplarından biri olan “One Direction”ın üzvü olmuşdur.

Zeyn Malik
ing. Zayn Malik
Ümumi məlumatlar
Doğum adı	Zain Javadd Malik
Ləqəbləri	DJ Malik, Bradford Bad Boy, ZAYN, Zayn Malik
Doğum tarixi	12 yanvar 1993(1993-01-12) (31 yaş)
Doğum yeri	Bredford, İngiltərə
Vətəndaşlığı	Birləşmiş Krallıq
Uşağı	1
Partnyorları	Cici Hadid (2015–2021)
Musiqiçi məlumatları
Fəaliyyəti	müğənni, mahnı yazarı^[d], musiqiçi, müğənni-mahnı yazarı
Fəaliyyət illəri	2010-cu ildən
Janrlar	pop musiqisi, müasir R&B^[d], dans-pop, alternativ R&B^[d]
Səs tembri	tenor, lirik tenor
Musiqi şirkətləri	Columbia Records, RCA Records^[d]
Üzvlüyü	One Direction (2010–2015)
inzayn.com
Vikianbarda əlaqəli mediafayllar

Zeyn Malik 2015-ci ildə qrupla yollarını ayırmaq qərarına gəlmişdir. Zeyn 2016-cı ildə özünün solo debüt albomu olan “Mind of Mine”ı təqdim etmişdir. Bu albom “Pillowtalk” sinqlına görə məşhurdur. Onun digər sənətçilərlə ifa etdiyi, bütün dünyada hitə çevilən mahnıları da var: “I Don't Wanna Live Forever” (Teylor Svift ilə) və “Dusk Till Dawn” (Sia ilə). Zeyn 2018-ci ildə “” adlı ikinci studiya albomunu buraxıb. Onun üçüncü albomu “Nobody Is Listening” 2021-ci ildə işıq üzünə çıxıb.

Zeyn müxtəlif mükafarlara namizəd göstərilib və bəzilərini qazanıb: bir “American Music Award” və bir “MTV Video Music Award”. Zeyn Malik yeganə sənətçidir ki, iki dəfə Billboard Musiqi Mükafatında “İlin Yeni Sənətçi” mükafatını qazanıb. O, ilk dəfə 2013-cü ildə One Direction qrupunun üzvü kimi bu mükafatı qazanmışdı, sonra isə 2017-ci ildə solo ifaçı kimi yenidən qalib olub.

Həyatı

Zeyn Cavad Malik 12 yanvar 1993-cü ildə İngiltərənin Vest-Yorkşir qraflığındakı Bredford şəhərində anadan olub. Onun atası olan Yaser Malik Pakistandan İngiltərəyə köçmüş müsəlmandır, anası isə ingilis və irland mənşəlidir. Zeynin anası evləndikdən sonra İslam dinini qəbul etmişdir. Zeynin Doniya, Waliyha və Safaa adlı üç bacısı var. Aralarında ən böyüyü olan isə Doniyadır.

Zeyn Malik aşağı təbəqəli mühitdə böyüyüb. Yeniyetmə ikən aktyorluq dərsləri alıb və məktəb tamaşalarında çıxış edib. Zeyn uşaq yaşlarında atasının sahib olduğu albom disklərinə qulaq asardı. Onun dinlədiyi mahnılar əsasən , hip-hop və reqqi janrlarından ibarət idi. Zeyn məktəbdə oxuyarkən rep mahnıları yazıb oxuyurdu. Bir dəfə müğənni Cey Şon onun məktəbini ziyarətə gələndə Zeyn şansından istifadə edərək səhnədə çıxış etmişdir. Zeyn iki il müddətinə, 15–17 yaşlarında boksla məşğul olub. Musiqi karyerasına başlamazdan əvvəl ingilis dili üzrə təhsil almağı və müəllim olmağı qarşısına məqsəd qoymuşdu.

Şəxsi həyatı

Zeyn Malik bilinqualdır. Həm ingilis, həm də urdu dillərində sərbəst danışır. O, həmçinin ərəb dilində oxumağı bilir və başa düşür.

Zeyn bildirib ki, o, təkcə dini mənsubiyyətinə görə seçilmək istəmir və insanların onu müsəlman olaraq deyil, özü kimi görməsini istəyir. O, bir dinə və ya mədəniyyətə bağlı olmaqdansa, daha çox şəxsiyyət kimi tanınmağı üstün tutur. Zeyn Malik 2018-ci ildə müsəlman olmadığını açıqlayıb.

Zeyn Malik “One Direction” qrupunda fəaliyyət göstərərkən qidalanma pozuntusu ilə mübarizə aparmasından danışmışdır. O bildirib ki, konsert turları zamanı işin çoxluğu, o cümlədən stres onda bunun yaranmasına gətirib çıxarıb: “Mən günlərlə, bəzən hətta iki və ya üç gün ümumiyyətlə heç nə yemədən davam edirdim”. Zeyn xüsusilə səhnədə təkbaşına canlı çıxış etməzdən əvvəl narahatlıq keçirdiyini də əlavə edib. O, deyir ki, təşvişin dərəcəsi bəzən o qədər yüksək olurmuş ki, buna görə konsert turlarını ləğv etmək məcburiyyətində qalıb.

Onun Manhettendəki SoHo məhəlləsində mənzili var və əvvəllər Los-Anceles və Londonda evləri olub, lakin 2018-ci ildə onları satıb.

Münasibətləri

Zeyn Malik 2011-ci ilin dekabrında “Little Mix” qrupunun ifaçısı Perri Edvardsla romantik münasibətə başlayıb. Onlar 2013-cü ilin avqustunda nişanlanıblar və 2015-ci ilin avqustunda ayrılıblar.

2015-ci ilin sonunda Zeyn Malik amerikalı model Cici Hadid ilə münasibət qurub. Onların münasibətlərində yenidən bir araya gəldikləri və olmadıqları vaxtlar olub. Cici Zeynin “Pillowtalk” mahnısı üçün klipə çəkilmişdi. Həmçinin, onlar 2017-ci ilin avqustunda “Vogue” jurnalının üz qabığı üçün birlikdə fotosessiya etdiriblər.

Zeyn və Cicinin 2020-ci ilin sentyabrında qız uşağı dünyaya gəlib. Cütlük vaxtının böyük hissəsini Pensilvaniya ştatının Baks qraflığındakı ferma evində yaşayaq keçirirdi. Zeyn at və inək saxlayırdı. Cicinin anası Yolanda və bacısı Bella da orada torpaq sahibi idi. 2021-ci ilin oktyabrında cütlük münasibətlərinə son qoyub. Cicinin anası Zeynin Cicini döydüyünü iddia edir. Məhkəmə sənədlərində deyilir ki, Zeyn Cicini tutub şkafın içərisinə salaraq həm ruhi, həm də fiziki zərər verib. Anası Zeynin nalayiq və təhqiramiz dildən istifadə etdiyini də bildirib. Pensilvaniya məhkəməsi Zeyn Malikə qəzəb və məişət zorakılığı problemlərində kömək almaq üçün proqramlarda iştirak etməsini tələb edib.

Diskoqrafiya

• Mind of Mine (2016)
• Icarus Falls (2018)
• Nobody Is Listening (2021)
• Room Under the Stairs (2024)

İstinadlar

1. https://www.thewikifeed.com/zayn-malik/.
2. https://www.inzayn.com/.
3. "Zayn Malik Opens Up About His Experiences Of Racism". HuffPost UK. 3 November 2016. 17 January 2024 tarixində . İstifadə tarixi: 7 May 2024.
4. "ZAYN". RCA Records UK. 2022-10-26 tarixində . İstifadə tarixi: 2024-05-07.
5. . ( / ). 20 August 2013 tarixində orijinalından arxivləşdirilib. İstifadə tarixi: 6 April 2015. Full Name: Zain Javadd Malik
6. "Zayn: The Vogue Interview". British Vogue. 13 November 2018. 13 May 2019 tarixində . İstifadə tarixi: 25 July 2020.
7. Mahmood, Shabnam. "Mum Direction: Zayn Malik's mother on raising a pop star". BBC News. 19 December 2013. 11 April 2015 tarixində . İstifadə tarixi: 5 April 2015.
8. "Zayn Malik buys Bradford box for underprivileged kids". Business Standard India. business-standard.com. Press Trust of India. 2 April 2016. 26 October 2022 tarixində . İstifadə tarixi: 7 May 2024.
9. "Who Are Zayn Malik's Sisters? They're Big One Direction Fans, But Their Bro Is Not Necessarily Their Favorite Member". Bustle.com. 21 January 2015. 29 December 2017 tarixində . İstifadə tarixi: 28 December 2017.
10. Cooper, Duncan. "Zayn Malik's Next Direction". The Fader. 17 November 2015. 7 January 2016 tarixində . İstifadə tarixi: 8 January 2016.
11. . Pop Tats. 24 April 2012. 16 July 2015 tarixində orijinalından arxivləşdirilib. İstifadə tarixi: 25 March 2015.
12. "Zayn (2016 Cover Story)". . 17 October 2016 tarixində . İstifadə tarixi: 21 March 2016. Interviewer: "You've been tight-lipped about your relationship with Gigi Hadid. You're a huge pop star and the person you're with is also very much in the spotlight. Are you getting used to it?" Malik: "Nah. I try to keep the two very separate. I try to, as much as I can. But there's only so much you can do."
13. "How Jay Sean Inspired One Direction's Zayn". Fuse.tv. 2019-10-30 tarixində . İstifadə tarixi: 2024-05-07.
14. "One Direction's Zayn Malik: 'I want to become a boxer'". . 3 April 2013. 10 November 2018 tarixində . İstifadə tarixi: 7 May 2024.
15. "Zayn Malik wants to study English". . 20 August 2013. 30 October 2019 tarixində . İstifadə tarixi: 7 May 2024.
16. zaynmalik. "@thefamousheart I can read arabic however I speak urdu and can't understand a word u just sed" (Tweet). 2 September 2011. İstifadə tarixi: 14 September 2020.
17. "Zayn Malik on girlfriend Gigi Hadid and why you can't f*** with Versace". . 8 October 2020 tarixində . İstifadə tarixi: 12 September 2017.
18. "Zayn: The Vogue Interview". . 13 November 2018. 13 May 2019 tarixində . İstifadə tarixi: 7 May 2024.
19. "Zayn Malik reveals he's not Muslim any more, leaves fans in shock". . 12 November 2018. 30 March 2023 tarixində . İstifadə tarixi: 13 November 2018.
20. "Zayn Malik reveals he had eating disorder while in One Direction". BBC News. November 2016. 2024-01-20 tarixində . İstifadə tarixi: 2024-05-07.
21. "Zayn Malik beats his anxiety and eating disorder thanks to relaxing at home". BBC News. 20 March 2017. 30 March 2023 tarixində . İstifadə tarixi: 7 May 2024.
22. "Zayn Malik cancels gig amid the 'worst anxiety of my career'". . 13 June 2016.
23. "Zayn Malik cancels second show in three months due to 'extreme' anxiety". . 6 September 2016. 7 May 2022 tarixində arxivləşdirilib.
24. Battan, Carrie. "How Do You Explain Zayn?". GQ. 18 June 2018. 7 May 2024 tarixində . İstifadə tarixi: 7 May 2024.
25. "Zayn Malik selling London and LA homes to move closer to Gigi Hadid". 24 October 2018. 30 March 2023 tarixində . İstifadə tarixi: 7 May 2024.
26. Saad, Nardine. "One Direction's Zayn Malik is engaged to Perrie Edwards". Los Angeles Times. 21 August 2013. 14 August 2020 tarixində . İstifadə tarixi: 14 August 2020.
27. Jones, Nate. "Zayn and Perrie End Their Engagement". . 4 August 2015. 2 December 2020 tarixində . İstifadə tarixi: 14 August 2020.
28. "Gigi Hadid and Zayn Malik are expecting a baby". BBC. 1 May 2020. 28 September 2020 tarixində . İstifadə tarixi: 14 September 2020.
29. Balani, Ayushi . "The ultimate list of hottest male celebrities of all time". . 27 March 2023. 12 April 2023 tarixində . İstifadə tarixi: 20 July 2023.
30. "Gigi Hadid & Zayn Malik's Vogue Cover: Breaking Gender Codes and the Paradigm Shift in Fashion". . 13 July 2017. 30 March 2019 tarixində . İstifadə tarixi: 7 May 2024.
31. Cope, Emily. "Gigi Hadid and Zayn Malik Reveal Daughter's Name on Instagram". The Independent. 22 January 2021. 7 May 2022 tarixində arxivləşdirilib. İstifadə tarixi: 4 February 2021.
32. "Zayn Malik Details Decision to Raise His and Gigi Hadid's Daughter Out of the Spotlight". E! Online. 2024-03-27. 2024-03-29 tarixində . İstifadə tarixi: 2024-03-29.
33. "Zayn Opens up About Conquering Anxiety, Prepping Album No. 2 — and Why He's Been Living on a Farm". . 2 November 2017. 30 March 2023 tarixində . İstifadə tarixi: 7 May 2024.
34. "Inside Zayn Malik's House On The Hadid Farm Where He & Gigi Are Raising Baby Khai". . 19 February 2021. 25 February 2024 tarixində . İstifadə tarixi: 7 May 2024.
35. Avila, Daniela. "Gigi Hadid and Zayn Malik Break Up After Singer's Alleged Argument with Her Mom Yolanda: Sources". People. Meredith Corporation. 28 October 2021. 24 May 2022 tarixində . İstifadə tarixi: 7 May 2024.
36. "Zayn Malik Publicly Discusses Yolanda Hadid Shoving Accusations for First Time". ELLE (ingilis). 2023-07-12. 2024-03-29 tarixində . İstifadə tarixi: 2024-03-29.
37. "Zayn Malik Says He Believes He 'Dealt with' 2021 Yolanda Hadid Incident in the 'Best Way'". Peoplemag (ingilis). 2024-03-29 tarixində . İstifadə tarixi: 2024-03-29.
38. "Zayn Malik pleaded no contest to harassment charges in alleged dispute with Gigi and Yolanda Hadid". CNN. 2023-07-11 tarixində . İstifadə tarixi: 2024-05-07.
39. "Zayn Malik files 'no contest' plea to harassment charges". BBC News. 29 October 2021. 29 October 2021 tarixində . İstifadə tarixi: 29 October 2021.
40. Dailey, Hannah. "Zayn Addresses Fight With Gigi & Yolanda Hadid for the First Time Since 2021". Billboard (ingilis). 2023-07-12. 2024-03-29 tarixində . İstifadə tarixi: 2024-03-29.