Zaməddin Ziyadoğlu

Zaməddin Ziyadoğlu (tam adı:Həmişəyev Zaməddin Ziyad oğlu; 1 aprel 1947, Qazax) — şair, Azərbaycan Yazıçılar Birliyinin və Azərbaycan Jurnalistlər Birliyinin üzvü.

Zaməddin Ziyadoğlu
Həmişəyev Zaməddin Ziyad oğlu
Doğum tarixi	1 aprel 1947(1947-04-01) (77 yaş)
Doğum yeri	Qazax, Qazax rayonu, Azərbaycan SSR, SSRİ
Milliyyəti	Azərbaycanlı
Təhsili	Bakıda Neft Texnikumu, Moskavada Sosial Münasibətlər Akademiyası
İxtisası	Neftçi
Fəaliyyəti	şair
Mükafatları	2011

Həyatı və təhsili

Həmişəyev Zaməddin Ziyad oğlu 1947-ci il 1 aprel-də Qazax rayonunun Xanlıqlar kəndində anadan olmuşdur. İlk təhsilini öz doğma kəndlərində alıb. Bakıda neft texnikumunu bitirmişdir. Sonra Moskavada Sosial Münasibətlər Akademiyasının məzunu olmuşdur.

Fəaliyyəti

Əmək fəaliyyəti

Gənc neftçi kimi əmək fəaliyyətinə Neft Daşlarında başlamışdır. 25 il Neft Daşlarında işləmişdir.

Bədii yaradıcılığı

Şeirləri, publisist məqalələri, yumorlu hekayələri, poemaları “”, “Vışka”, “Qaradağ”, “İki sahil”, “Xalq qəzeti”, “Azərbaycan”, “”, “Müstəqil Respublika”, “Respublika”, “”,“”, “Göyəzən”, “Dəli Kür” qəzetlərində, “Məshəti”, “Kulina” jurnallarında, ədəbiyyat, o cümlədən müxtəlif mədəniyyət və ədəbiyyat portallarında dərc olunub. “Neftçi” Ədəbi Məclisinin sədridir.Yüz iyirmidən çox neftçi-şairi “Neftçi” Ədəbi Məclisi ətrafında birləşdirə bilmişdir.Otuz dörd qələm sahibinin kitabının redaktoru və ön söz müəllifi olmuşdur. Şeirləri 50-yə yaxın tanınmış şairin kitabına salınmış, publisistik yazıları, müsahibələri, bədii yaradıcılıq nümunələri Azərbaycan, Türkiyə və Rusiyanın 100-dək qəzet, jurnal və dərgisində çap edilmişdir.

Kitabları

• ”İlham bulağı”,
• “Vurğuna Vurğun gəlin”,
• “Tale yolum”,
• “Turşməzə əhvalatlar”,
• “Ümid çırağım”,
• “Borçalı nisgili”,
• “Həncərisən”,
• “60 ildən 60 yarpaq”,
• “İzim, sorağım”,
• “Həncərisən”.

Təltif və mükafatları

”Əmək veteranı” medalı, keçmiş SSRİ və Azərbaycan Həmkarlar İttifaqının 40-dan artıq Fəxri fərmanı ilə təltif edilmiş, o, “Səməd Vurğun”, “Qızıl qələm”, “Əliağa Şıxlınski”, “XXI əsrin neftçisi” mükafatları laureatı olmuşdur. Azərbaycan Respublikasının dövlət müstəqilliyinin bərpasının 20 illiyi ilə əlaqədar Azərbaycan Respublikası Prezident İlham Əliyevin 18 oktyabr 2011-ci il tarixli Sərəncamına əsasən Zaməddin Ziyad oğlu Həmişəyev ölkənin ictimai-siyasi, sosial-iqtisadi və mədəni həyatında xidmətlərinə görə “Tərəqqi” medalına layiq görülmüşdür.

İstinadlar

1. "Hacı Zaməddin ZİYADOĞLU.Həyatı və Yaradıcılığı". 2020-06-27 tarixində . İstifadə tarixi: 2020-06-27.
2. "Mənalı ömür yolu". 2020-06-27 tarixində . İstifadə tarixi: 2020-06-27.
3. "Şair Zaməddin Ziyadoğlunun "Həncərisən" kitabının təqdimatı olub". 2020-02-22 tarixində . İstifadə tarixi: 2020-06-27.
4. "Azərbaycan Respublikasının Dövlət Müstəqilliyinin bərpasının 20 illiyi ilə əlaqədar bir qrup şəxsin təltif edilməsi haqqında Azərbaycan Respublikası Prezidentinin Sərəncamı". 2021-06-23 tarixində . İstifadə tarixi: 2020-06-27.