Xose Madraso isp José de Madrazo 22 aprel 1781 Santander 8 may 1859 Madrid ispaniya rəssamı və qravürçüsü Həm barokko hə

Xose Madraso (isp. José de Madrazo; 22 aprel 1781^[…], Santander – 8 may 1859^[…], Madrid) — İspaniya rəssamı və qravürçüsü. Həm barokko, həm də neoklassisizm üslubunda əsərlər yaratmışdır. Oğlu Federiko Madraso, nəvəsi Raymundo Madrasodur.

Xose Madraso
José de Madrazo y Agudo

Doğum tarixi	22 aprel 1781(1781-04-22)^[…]
Doğum yeri	Santander, Kantabriya, İspaniya
Vəfat tarixi	8 may 1859(1859-05-08)^[…](78 yaşında)
Vəfat yeri	Madrid, Madrid vilayəti^[d], İspaniya
Milliyyəti	ispan
Fəaliyyəti	rəssam, litoqraf
Təhsili	San-Fernando Kral Zərif Sənətlər Akademiyası^[d]
Janr	portret
Stil	neoklassisizm
Tələbələri	Leon Bonnat
Vikianbarda əlaqəli mediafayllar

Həyatı

Madraso Qregorio Ferronun şagirdi olmuşdur. Ferro rəssama Anton Rafael Menqsin stil və texnikasını San Fernandodakı İncəsənət Akademiyasında öyrətmişdir. 1803-cü ildə Parisdə Jak-Lui David ilə işləmişdir. Bu zaman neoklassisizmə daha da yaxınlaşmışdır. Həmin il Jan Ogüst Dominik Enqr ilə dost olmuşdur.

Roma

1806-cı ildə müəllimi David Madrasonu Romaya gedib klassik rəsm əsərləri ilə tanış olmağa razı saldı. Romanın San Lukas Akademiyasında işləyərkən çəkdiyi "Viriatonun ölümü" tablosu böyük uğur qazanmışdır. Fransanın İspaniyanı işğal etməsindən sonra Jozef Bonaparta qarşı olan digər ispan rəssam dostları ilə bir müddət Romadakı Sent Anqelo qəsrində, daha sonra İspaniya səfirliyində həbsdə olmuşdur. Orada Napoleon Bonapartın sürgün etdirdiyi İspaniya kralı VII Karlos və arvadı Parmalı Mariya Luiza ilə tanış olmuşdur.

2 sentyabr 1809-cu ildə rəssam Silesio Tadeusz Kanstın qızı Elizabet Kuntz ilə Romada evlənmişdir. 1813-cü ildə Karlosun rəsmi rəssamı olmuşdur. Romada əsasən oradakı həyatdan bəhs edən rəsmlər çəkmişdir.

1815-ci ildə Yoahim Müratın Romaya girməsindən sonra Karlos və ətrafındakılar ondan uzaqlaşmalı olmuşdular. Buna görə Madrası kral rəssamı statusunu itirmişdir.

Qayıdış

Napoleon Bonapartın düşüşü böyük güc qazandırmışdı. 1818-ci ildə Xose Madraso Karlosun kolleksiyası ilə İspaniyaya qayıtmışdır. Rəssam Prado muzeyini yenidən təşkil etmişdir. Muzey kataloqunun hazırlanmasında şəxsən özü maraqlanmış və kataloqun hazırlanma prinsipini hazırlamışdır.

1823-cü ildə San Fernando İncəsənət Akademiyasında, sonra Prado muzeyində idarəçi olmuşdur. Madrasodan sonra oğulları və nəvələri də onun yolu ilə getmişdir.

Mənbə

Ramírez Domínguez, J. A., "Clasicismo y romanticismo en la pintura", Historia del Arte, Anaya, Madrid, 1986.
İncəsənət Lüğəti, 2001. .
Sərgi Kataloqu, José de Madrazo, Santander, Marcelino Botín Vakfı, 1998, Madrid, Museo Municipal, 1998, José Luis Diez yönetiminde, .
Sərgi Kataloqu, Le Néoclassicisme en Espagne, Journées d'études, 20–21 juillet 1989, Castres, Musée Goya, Jean-Louis Augé'nin " Quelques précisions d'archives sur Aparicio, Álvarez y Cubero, Lacoma et Madrazo " makalesi, sayfa 114–130, .

Əsərləri

Viriatonun ölümü

İstinadlar

José de Madrazo y Agudo (nid.).
José Madrazo y Agudo // Benezit Dictionary of Artists (ing.). OUP, 2006.
José Madrazo // Brockhauz Ensiklopediyası (alm.).
José de Madrazo y Agudo // Diccionario biográfico español (isp.). Real Academia de la Historia, 2011.
Deutsche Nationalbibliothek Record #117518360 // Ümumi tənzimləmə nəzarəti (GND) (alm.). 2012—2016.

[_bd2712d2735fb0cc-1] José de Madrazo y Agudo (nid.).

[_647394c3db07ee8e-2] José Madrazo y Agudo // Benezit Dictionary of Artists (ing.). OUP, 2006.

[_ebca40e94515e61b-3] José Madrazo // Brockhauz Ensiklopediyası (alm.).

[_86981126840e39b0-4] José de Madrazo y Agudo // Diccionario biográfico español (isp.). Real Academia de la Historia, 2011.

[_ee06ba9ec90b1ec4-5] Deutsche Nationalbibliothek Record #117518360 // Ümumi tənzimləmə nəzarəti (GND) (alm.). 2012—2016.