Vüqar Oruc

Vüqar Oruc (27 oktyabr 1975, Masallı) — Türk Dövlətləri Qiymətləndimə Birlikləri Şurasının prezidenti. Azərbaycan Qiymətləndiricilər Cəmiyyətinin (AQC) sədri.

Vüqar Oruc
Vüqar Əlövsət oğlu Oruc
Doğum tarixi	27 oktyabr 1975(49 yaş)
Doğum yeri	Masallı
Vətəndaşlığı	Azərbaycan
İxtisası	iqtisadi nəzəriyyə
Təhsili	Azərbaycan Dövlət İqtisad Universiteti
Fəaliyyəti	Qiymətləndirmə

Həyatı

Vüqar Oruc 27 oktyabr 1975-ci ildə Masallı şəhərində anadan olub. 1982-ci ildə ilk təhsilini Masallı şəhər 1 saylı Orta məktəbdə başlayıb. 1992-ci ildə təhsilini başa vuraraq,Azərbaycan Dövlət İqtisad Universitetidə iqtisadi nəzəriyyə ixtisası üzrə təhsilini davam etdirib. 1997-ci ildə təhsilini bitirib və ölkənin ali və orta ixtisas tədris müəssisələrində pedaqoji fəaliyyətlə məşğul olub, İqtisadi nəzəriyyə fənnini tədris edib, iqtisadçı ekspert kimi də uzun müddət fəaliyyət göstərib. 1992–1998-ci illərdə Türk Millətçi Gənclər Təşkilatının, 1998–2007-ci illərdə Türk Millətçi Partiyasının, 2007–2021-ci illərdə Milli Qurtuluş Partiyasının rəhbəri olub. 2021-ci il 4 mart tarixində rəhbərlik etdiyi Milli Qurtuluş Partiyası hakim Yeni Azərbaycan Partiyasına birləşib. Bu qərarın yekdilliklə təsdiqləndiyi 7-ci qurultayda YAP sədri, Azərbaycan Respublikasının Prezidenti İlham Əliyev öz yekun çıxışında bu addıma yüksək qiymət verib. 2019-cu ildə Dünya Azərbaycanlıları İctimai Maarif Mərkəzi, qiymətləndirmə sahəsində uğurlu fəaliyyətinə görə Xəzər Milli Mükafatı ilə təltif olunub.

Fəaliyyəti

Vüqar Oruc "European Certification İnstitute" və "СОО Евразии" tərəfindən təşkil edilən "Yaşayış təyinatlı obyektlərin qiymətləndirilməsi", "Maşın və avadanlıqların qiymətləndirilməsi" və "Bioloji aktivlərin qiymətləndirilməsi" sertifikasiyalarını başa vurduqdan sonra, 2011-ci ildə "Koneko Group"da mütəxəssis kimi fəaliyyətə başlayıb. 2012-ci ildə "Koneko Group"da direktor vəzifəsinə fəaliyyətini davam etdirib. Direktor olduğu dövrdə isə Azərbaycan Qiymətləndiricilər Cəmiyyətinin (AQC) İdarə Heyətinin üzvü və Ekspertiza Mərkəzinin rəhbəri kimi fəaliyyət göstərib. 2018–2022-ci illərdə isə AQC sədrinin müavini olub. 2019-cu ilin fevralında "Vecon Consulting" şirkətini təsis edib. 2022-ci il may ayının 20-də Azərbaycan Qiymətləndiricilər Cəmiyyətinin (AQC) hesabat-seçki yığıncağında Vüqar Oruc AQC üzvlərinin əksəriyyətinin dəstəyini qazanıb və qurumun sədri seçilib.Azərbaycan, Türkiyə, Qazaxıstan, Özbəkistan və Qırğızıstanın daimi, Türkmənistan və Şimali Kipr Türk Cümhuriyyətinin isə assosiativ qaydada üzv olduğu Türk Dövlətləri Qiymətləndimə Birlikləri Şurası (CAATS) təşəbbüskarlarından biri, 2023–2024-cü illərdə vitse-prezidenti və prezident səlahiyyətlərinin icraçısı, 2024-cü ilin may ayından isə qurumun prezidentidir. TDQB hazırda 700-dən artıq qiymətləndirmə şirkətini və minlərlə qiymətləndiricini öz ətrafında birləşdirir. 2024-cü ildən Mərkəzi Bankın İdarə Heyəti yanında Sahibkarlarla Əməkdaşlıq Şurasının üzvüdür, həmçinin də Azərbaycan Respublikası Auditorlar Palatasının üzvülüyünə qəbul edilib.

İstinadlar

1. "AQC sədri CAATS prezidenti seçilib". azertag.az. 2024-06-03 tarixində arxivləşdirilib. İstifadə tarixi: 03.06.2024.
2. "Azərbaycan Qiymətləndiricilər Cəmiyyətinin yeni sədri kimdir? - DOSYE". modern.az.
3. "Vüqar Oruc Naxçıvanda İqtisadiyyat naziri Tapdıq Əliyevlə - GÖRÜŞÜB". FED.az. 15 may 2023.
4. "Vüqar Oruc: "Dövlət satınalmalarında süni rəqabət yaradılır" - MÜSAHİBƏ". Oxu.az (az.).
5. "Vüqar Oruc: "Sosial rifahın yüksəlməsi üçün yeni impulslar yaranacaq"". Xalqqazeti.az (az.).
6. "Vüqar Oruc: "Qiymətləndirmə fəaliyyəti keyfiyyətcə yeni mərhələyə qədəm qoyur"". https://azerbaijan-news.az (az.). 1 yanvar 1970. 2024-01-18 tarixində arxivləşdirilib. İstifadə tarixi: 2024-10-17.
7. "Vecon Consulting | Qiymətləndirmə Şirkəti". vecon.az. 2024-06-13 tarixində arxivləşdirilib. İstifadə tarixi: 2024-10-17.
8. "İlin "ən yaxşıları" seçildi: "Xəzər" Milli Mükafatı təqdim edildi". xalq.az.
9. "Vüqar Oruc: "Azərbaycan Qiymətləndiricilər Cəmiyyəti adından keçirilən konfrans legitim deyil"". www.azerbaycan24.com (ingilis). 24 iyul 2024.
10. "Qiymətləndiricilər Cəmiyyətində yeni təyinatlar - Vüqar Oruc və Zamin Hüseynov sədr müavini oldu". BiG.Az (az.).
11. "Vüqar Oruc Azərbaycan Qiymətləndiricilər Cəmiyyətinin sədri seçilib". GÜNEY AZƏRBAYCANIN AZADLIQ SƏSİ (az.).
12. "Vüqar Oruc (Vüqar Bəyturan):?Qələbəmə zərrə qədər zübhəm yoxdur?". mia.az (az.).
13. "Türk Dünyası Dəyərləmə Uzmanları Birliyi təsis olunur – Vüqar Oruc və Yaşar Bahçeci razılığa gəldilər - FOTOLAR". FED.az. 1 dekabr 2022. 2024-04-15 tarixində arxivləşdirilib. İstifadə tarixi: 2024-10-17.
14. "Vüqar Oruc: "İlham Əliyev təkcə dövlət başçısı yox, həm də milli liderdir"".