Veliçko Çolakov

Veliçko Çolakov (12 yanvar 1982 – 20 avqust 2017) — Bolqarıstanı və Azərbaycanı təmsil edən ağır atlet.

Veliçko Çolakov
Şəxsi məlumatlar
Tam adı	Veliçko Çolakov
Vətəndaşlığı	Bolqarıstan → Azərbaycan
Doğum tarixi	12 yanvar 1982
Doğum yeri	Smolyan, Bolqarıstan
Vəfat tarixi	20 avqust 2017 (35 yaşında)
Vəfat yeri	Smolyan, Bolqarıstan
Boyu	205 sm. (5 ft 6 in)
İdman növü	Ağır atlet
Medallar Olimpiya Oyunları Bürünc 2004 Afina +105 Kq.

Karyerası

Karyerasının birinci uğuruna Veliçko Çolakov 2002-ci ildə gənclər arasında Dünya və Avropa Çempionatlarının qalibi olmaqla imza atdı.

2003-cü ildə Veliçko Çolakov Kanadada baş tutan Dünya Çempionatında gümüş medalla başa vurdu.

2004-cü ilin mayında Veliçko Çolakov Kiyev şəhərində baş tutan Avropa Çempionatının qalibi oldu. Həmin avqustunda Afina şəhərində (Yunanıstan) baş tutan XXVIII Yay Olimpiya Oyunlarında isə Veliçko Çolakov 447.5-lıq (207.5 + 240.0) nəticə göstərdi və olimpiadanın bürünc medalına sahib oldu.

Olimpiadadan sonra Veliçko Çolakov 2006-cı ildə Polşada baş tutan Avropa Çempionatını gümüş medalla başa vurdu.

2008-ci ildə Veliçko Çolakov və digər bolqar idmançılarından götürülən dopinq-testin analizinin müsbət nəticə verməsi barədə məlumat verildi. Bununla da Bolqarıstan ağır atletləri 2008-ci il olimpiadasında mübarizə aparmadı.

Bir müddət beynəlxalq turnirlərdə çıxış eləməyən Veliçko Çolakov daha sonra bir neçə bolqar ağır atletləri ilə birgə Azərbaycan yığmasının heyətinə cəlb edildi. Veliçko Çolakov 2012-ci ildə Azərbaycanı London şəhərində (Birləşmiş Krallıq) baş tutan XXX Yay Olimpiya Oyunlarında təmsil eləməli olsa da, son anda zədə səbəbilə olimpiada da mübarizə aparmadı.

Veliçko Çolakov 20 avqust 2017-ci ildə 35 yaşında ürəyində olan problemlərə görə vəfat elədi.

İstinadlar

1. Olympedia.org. "Veliço ÇOLAKOV". www.olympedia.org (ingilis). 2022-08-30. 2022-02-12 tarixində . İstifadə tarixi: 30.08.2022.