Vaqif Mahmudov

Vaqif Mahmudov (14 dekabr 1954, Bakı) — "Baş müəllim" (1983), "SSRİ Maarif Əlaçısı" (1983), "Azərbaycan SSR Xalq Maarifi Əlaçısı" (1989), Azərbaycan Müəllimlərinin Yaradıcı İttifaqının idarə heyətinin üzvü (1997), "Akademik M. Mehdizadə diplomu laureatı" (1999), Azərbaycan Təhsil Şurası İctimai Birliyinin üzvü (2001), "Azərbaycanın Tanınmış Maarifçiləri" Beynəlxalq müsabiqəsinin qalibi (2004), "Pedaqogika üzrə fəlsəfə doktoru" (2010), "Qabaqcıl təhsil işçisi" (2018), "Əməkdar müəllim" (2019), "Azərbaycan bayrağı" və "Qızıl qələm" media mükafatları laureatı (2020).

Vaqif Mahmudov
Doğum tarixi	14 dekabr 1954(69 yaş)
Doğum yeri	Bakı, Azərbaycan SSR, SSRİ
Elm sahələri	pedaqogika, riyaziyyat
Elmi dərəcəsi	pedaqogika üzrə fəlsəfə doktoru
Təhsili	Azərbaycan Dövlət Pedaqoji Universiteti
Mükafatları
Vikianbarda əlaqəli mediafayllar

Həyatı

Mahmudov Vaqif Həsən oğlu 1954-cü il dekabr ayının 14-də Bakı şəhərində ziyalı ailəsində anadan olmuşdur.

1971-ci ildə Bakı şəhəri Yasamal (keçmiş Oktyabr) rayonunda yerləşən 13 saylı orta məktəbi bitirmişdir. Elə həmin ildə də N. Tusi adına ADPU-nun (keçmiş V. İ. Lenin adına APİ-nin) riyaziyyat fakültəsinə daxil olmuş və 1975-ci ildə həmin fakültəni bitirərək "Riyaziyyat", "Kibernetika və həyat" ixtisaslarına yiyələnmişdir.

1975-ci ildə təyinatla Abşeron (indiki Xızı) rayonunun Şuraabad kənd orta məktəbində müəllimlik fəaliyyətinə başlamışdır.

1983–1986-cı illərdə Abşeron Rayon Təhsil Şöbəsində, 1986–1991-ci illərdə Azərbaycan Mərkəzi Müəllimləri Təkmilləşdirmə İnstitutunda metodist, 1991–2000-ci illərdə Azərbaycan Pedaqoji Kadrlarin İxtisasının Artırılması və Yenidən Hazırlanması Baş İnstitutunda laboratoriya müdiri, 2000–2007-ci illərdə Azərbaycan Müəllimlər İnstitutunda İnformatika və informasiya texnologiyaları kabinetinin müdiri vəzifələrində çalışmışdır.

2006–2021-ci illərdə isə 177 saylı tam orta məktəbdə və Bakı Pedaqoji Kadrların İxtisasartırma və Yenidənhazırlama İnstitutunda riyaziyyat və informatika müəllimi işləmişdir.

İşlədiyi müddətdə səmərəli pedaqoji fəaliyyətimə görə "Baş müəllim", "SSRİ Maarif Əlaçısı", "Azərbaycan SSR Xalq Maarifi Əlaçısı", "Qabaqcıl Təhsil İşçisi" döş nişanları, "Akademik M. Mehdizadə diplomu laureatı", "Azərbaycanın tanınmış maarifçiləri" Beynəlxalq müsabiqəsinin qalibi diplomları, Azərbaycan Respublikası Təhsil Nazirliyinin Fəxri Fərmanları və s. ilə təltif olunmuş, dəfələrlə dövlət və yerli təşkilatlar tərəfindən fəxri fərmanlara layiq görülmüşdür.

30-dan artıq elmi, metodik tövsiyə və kitabçanın, 100-dən çox jurnal və qəzet məqalələrinin müəllifidir.

V. Mahmudov "Fizika, riyaziyyat və informatikanın tədrisi" jurnalının korrektoru, Azərbaycan Respublikası Təhsil Nazirliyinin, həmçinin Təhsil İşçilərinin Peşəkar İnkişafi İnstitutunun təlimçisi və uzun müddət Təhsil Nazirliyi nəzdində əvvəllər fəaliyyət göstərən "İnformatika və informasiya texnologiyaları" Şurasının fəal üzvü olmuşdur.

İlk fərdi kompüterlərin ("Yamaha") və videoqurğuların ("Elektronika") Yaponiya və Rusiyadan Azərbaycanın təhsil müəssisələrinə gətirilməsinin fəal təşkilatçılarından biridir (1985).

Respublikada informatika və riyaziyyat fənlərindən yazılmış ilk test kitablarının müəlliflərindən biridir. Təhsil Nazirliyi və Pespublika Həmkarlar Təşkilatının göndərişi ilə qabaqcıl pedaqoji təcrübələrin öyrənilməsi və təbliği ilə bağlı 26 xarici ölkə və regionda ezamiyyələrdə olmuşdur.

1991-ci ildə isə Azərbaycan Elmi Tədqiqat Pedaqoji Elmlər İnstitutunun (hazırda Azərbaycan Təhsil İnstitutu) aspiranturasını bitirmişdir.

1992-ci ildən Azərbaycan Müəllimlərinin Yaradıcı İttifaqının İdarə Heyətinin üzvüdür.

Versal Akademiyasının Müəllimləri formalaşdıran Universitet tipli İnstitutunun köməyi ilə təşkil olunmuş "Fransada fasiləsiz təhsil" mövzusunda (1999), Azərbaycan Respublikası Təhsil Nazirliyi tərəfindən "Fəal və interaktiv təlim-tədris Metodları" mövzusunda "Öyrədənlərin öyrədəni" modeli əsasında üçmərhələli (2003), Azərbaycan Respublikası Təhsil Nazirliyi və Təhsil Sahəsində İslahat Layihəsi İdarəetmə Qrupu tərəfindən "Fəal Təlim Metodları" mövzusunda (2004), "İNTEL Gələcək üçün təhsil" (tədris prosesində İKT-dən istifadə) mövzusunda (2007), Azərbaycan Respublikası Təhsil Nazirliyi tərəfindən "Öyrədənlərin öyrədəni" mövzusunda (Təlimçi statusu) (2009), Azərbaycan Respublikası Təhsil Nazirliyi və "Smart Technologies" şirkəti tərəfindən təşkil edilmiş "Dymo-Mimio" İnteraktiv texnologiyaları ilə tədris" mövzusunda (2011) keçirilmiş kurs və seminarların və "Müasir kurikulumların tətbiqində dərslik və dərs vəsaitlərinin yazılması və qiymətləndirilməsi" üzrə Beynəlxalq təlim kursunun iştirakçısı olmuşdur.

2012–2014-cü illərdə "İDRAK" Məktəb-Liseyinin və Əlavə Təhsil Mərkəzinin fənn müəllimləri üçün təşkil etdiyi yeni ümumi orta təhsil kurikulumu üzrə təlim kurslarında əlaqələndirici (koordinator) kimi fəaliyyət göstərmişdir.

2006–2019-cu illərdə isə əsas iş yeri kimi 177 saylı tam orta məktəbdə, eyni zamanda, Bakı Pedaqoji Kadrların İxtisasartırma və Yenidənhazırlama İnstitutunda riyaziyyat və informatika müəllimi işləmişdir. Göstərilən fənlər üzrə müəllmlərin təlimini keçirmək məqsədilə son illər ərzində dəfələrlə Təhsil İşçilərinin Peşəkar İnkişafı İnstitutuna (TİPİİ) dəvət olunmuşdur.

2013-cü ildən "Beynəlxalq Məktəb Şuralarına Dəstək Assosiasiyası"nın (Moskva şəhəri) üzvüdür.

Ayrı-ayrı illərdə Azərbaycanda təhsilin informatlaşdırılması və milli məzmunun yeniləşdirilməsi və təkmilləşdirilməsi istiqamətləri üzrə müxtəlif nazirliklərin, universitetlərin və təşkilatların keçirdikləri onlarla elmi-praktik konfransların fəal iştirakçısı olmuşdur.

2019-cu ildə Azərbaycan Respublikası Prezidentinin 03 oktyabr 2019-cu il tarixli Sərəncamı ilə Azərbaycan təhsilinin inkişafında xüsusi xidmətlərinə görə Vaqif Həsən oğlu Mahmudov "Əməkdar müəllim" fəxri adına layiq görülmüşdür.

2020-ci ildə isə Azərbaycan Kütləvi İnformasiya vasitələri İşçiləri Rəyasət Heyətinin qərarı ilə Vaqif Həsən oğlu Mahmudov 20-dən artıq kitabın, 200-dən çox elmi-metodik məqalənin müəllifi olduğuna, o cümlədən Mətbuatda və Poliqrafiyada fəal iştirakına görə "Azərbaycan bayrağı" və "Qızıl qələm" diplomları ilə təltif olunmuşdur.

Ailəsi

1983-cü ildən ailəlidir: 1 oğlu, 1 qızı və 1 nəvəsi var.

Əmək fəaliyyəti

Əsas iş yeri:

• 1975–1983-cü illərdə Abşeron (indiki Xızı) rayonu, Şuraabad kənd orta məktəbində riyaziyyat müəllimi;
• 1983–1986-cı illərdə Abşeron Rayon Təhsil şöbəsində metodist;
• 1986–1991-ci illərdə Azərbaycan Mərkəzi Müəllimləri Təkmilləşdirmə İnstitutunda metodist;
• 1991–2000-ci illərdə Azərbaycan Pedaqoji Kadrlarin İxtisasının Artırılması və Yenidən Hazırlanması Baş İnstitutunda laboratoriya müdiri;
• 2000–2007-ci illərdə Azərbaycan Müəllimlər İnstitutunda İnformatika və informasiya texnologiyaları kabinetinin müdiri;
• 2006–2021-ci illərdə 177 saylı tam orta məktəbdə riyaziyyat-informatika müəllimi;

Dəvət olunmaqla bağlı əlavə saat hesabı fəaliyyət:

• 1988–1991-ci illərdə Azərbaycan Təhsil İnstitutunda (keçmiş Azərbaycan Elmi Tədqiqat Pedaqoji Elmlər İnstitutunda) aspirant;
• 1988–1992-ci illərdə Bakı Qızlar Universitetində (keçmiş Bakı Ali Pedaqoji Qızlar Seminariyasında) müəllim;
• 1989–1991-ci illərdə Naxçıvan Universitetinin Bakı filialında müəllim;
• 1992–1995-ci illərdə Azərbaycan Dövlət Pedaqoji Universitetində müəllim;
• 1996–1998-ci illərdə Bakı Dövlət Universitetində müəllim;
• 2012 – "İDRAK" məktəb-liseyinin təşkil etdiyi Mərkəzin dəvəti ilə Bakı və Gəncə şəhərlərində, Abşeron, İsmayıllı, və Şəmkir rayonlarında riyaziyyat, bədən tərbiyəsi, ibtidai sinif, təsviri incəsənət müəllimləri üçün təşkil edilən yeni ümumi orta təhsil kurikulumu üzrə təlim kurslarında əlaqələndirici (koordinator);
• 2013 – Əlavə Təhsil Mərkəzində Gəncə-Qazax və Yuxarı Qarabağ iqtisadi rayonlarında (12 rayonda) 2013/2014-cü tədris ilində 5-ci və 6-cı siniflərdə dərs deyəcək və indiyədək təlimdən keçməyən Təsviri incəsənət, İsmayıllı, Şamaxı, Qobustan rayonlarında isə fizika müəllimləri üçün yeni ümumi orta təhsil kurikulumu üzrə təlim kurslarında əlaqələndirici (koordinator);
• 2014 – "İDRAK" təşkilatının təşkil etdiyi Mərkəzin dəvəti ilə Oğuz, Qəbələ, İsmayıllı, Şamaxı, Qobustan və Ağsu rayonlarında Ana dili və ədəbiyyatı, xarici dil müəllimləri üçün təşkil edilən yeni ümumi orta təhsil kurikulumu üzrə təlim kurslarında əlaqələndirici (koordinator);
• 2006–2015-ci illərdə Bakı Pedaqoji Kadrların İxtisasartırma və Yenidənhazırlama İnstitutunda müəllim;
• 2010–2018-ci illərdə Təhsil İşçilərinin Peşəkar İnkişafı İnstitutunda (TİPİİ) və "Təhsildə İnnovotiv texnologiyalar" Əlavə Təhsil Mərkəzində təlimçi.

Müxtəlif illərdə ictimai əsaslarla apardığı vəzifələr

• Azərbaycan Təhsil Nazirliyi nəzdində əvvəllər fəaliyyət göstərmiş "İnformatika və informasiya texnologiyaları" Şurasının üzvü;
• Azərbaycan Müəllimlərinin Yaradıcı İttifaqının idarə heyətinin üzvü;
• Azərbaycan Təhsil Şurası İctimai Birliyinin üzvü;
• "Fizika, riyaziyyat və informatika tədrisi" jurnalının korrektoru;
• "Beynəlxalq Məktəb Şuralarına Dəstək Assosiasiyası"nın üzvü, Moskva şəhəri

Kitabları və metodik vəsaitləri

• "Viziual texnikadan istifadə etməklə təfəkkürün inkişaf etdirilməsi", Bakı, 1992;
• "İnformatika və HT əsasları dərsində məntiqi sxem PLS-3 poliqonundan istifadə", Bakı, 1992;
• "Təlimin texniki vasitələri və onlardan istifadə metodikası", Bakı, 1993;
• "Riyaziyyat testləri", Bakı, 1996;
• "İbtidai siniflərdə riyazi oyunlar, əyləncəli məsələlər və testlər", Bakı, 1997;
• "5–11-ci siniflər üçün olimpiada məsələləri", Bakı, 1997;
• "İbtidai siniflərdə riyazi oyunlar, əyləncəli məsələlər və riyaziyyat testləri", Bakı, 1998;
• "Atamızın müharibə xatirələri", Bakı-1999;
• "Riyaziyyat testləri", Bakı, 1999;
• "İbtidai siniflərdə didaktik oyun və əyləncələrin təşkili. Riyaziyyatın tədrisi metodikasına və pedaqogikaya dair bəzi məlumatlar", Bakı, 2001;
• "İnformatika (ilkin öyrənənlər üçün köməkçi vəsait və testlər)", Bakı, 2002;
• "Massivlərə aid məsələlər", Bakı, 2002;
• "Metodbirləşmə və bir sıra normativlər haqqında", Bakı, 2002;
• "Riyaziyyatdan praktik məzmunlu, əyləncəli və tarixi məsələlər (həlli ilə). Maraqlı riyazi məlumatlar", Bakı, 2002;
• "İnformatika və informasiya texnologiyaları haqqında məlumat. Məsələlər və testlər", Bakı, 2003;
• "Riyaziyyatdan əyləncəli məsələlər (həlli ilə)", Bakı, 2003;
• "Python" proqramlaşdırma dili praktikada, Bakı, 2019;
• "Riyaziyyatdan müxtəlif məzmunlu məsələ və misallar (həlli ilə)", "Müəllim" nəşriyyatı, Bakı, 2020;
• "Pedaqogikaya dair məlumat və sxemlər, situasiya məzmunlu məsələ və suallar (nəzəri məlumat, suallar, müxtəlif pedaqoji və psixoloji mövzular üzrə testlər, izahlar və cavablar)", "Müəllim" nəşriyyatı, Bakı, 2020;
• "Riyaziyyat dünyası", "Müəllim" nəşriyyatı, Bakı, 2021;
• "Praktik pedaqogika", "Müəllim" nəşriyyatı, Bakı, 2021;
• "Riyaziyyat hamı üçün", "Müəllim" nəşriyyatı, Bakı, 2021;
• "Pedaqoji prosesdə situasiyalar, metodlar, öyüd və nəsihətlərdən istifadə", "Müəllim" nəşriyyatı, Bakı, 2022;
• "Təhsilin idarə olunmasında pedaqoji və psixoloji situasiyalar", "Müəllim" nəşriyyatı, Bakı, 2022.

Redaktorluğu ilə nəşr olunmuş metodik vəsait və tövsiyələr

• "Riyazi sofizmlər. Diofant tənliklər", Malik Aranlı, Bakı, 2001;
• "Riyazi rebuslar", Malik Aranlı, Bakı 2001;
• "Riyaziyyatdan maraqlı və əyləncəli çalışmalar", Malik Aranlı, Bakı, 2001;
• "Oргaнизaция и coдeржaниe paбoты мeтoдичeckиx oбъeдинeний учитeлeй нaчaльныx kлaссoв", Caaдaт Гacaнoвa, Бaky, 2001;
• "İbtidai riyaziyyatın tədrisi metodikasına dair yaddaş kitabçası", Nurulla Davıdov, Kamran Cavadov, Bakı, 2001;
• "Səslərin tələffüzündəki nöqsanların aradan qaldırılması yolları (loqopediya)", Dilarə Dostuzadə, Bakı, 2002;
• "Ümumi nitqi inkişaf etməyən və ya ümumi nitq inkişafının ləngiməsi qruplarında aparılan iş", Dilarə Dostuzadə, Bakı, 2002;
• "İbtidai siniflərdə əmək təliminin təsviri sənətlə əlaqəli tədrisi", Dilarə DostuzadəBakı, Bakı, 2002;
• "Azərbaycan xalq pedaqogikasının tədqiqatçısı", Əsmər Bədəlova, Bakı, 2002.
• "X-XI siniflər üçün riyaziyyatdan çoxvariantlı yoxlama yazı işi materialı", İsa Əkbərov. Bakı, 2007;
• "Yeniyetməlik və yetginlik yaşına çatmış uşaqların sosiallaşmasına ailədaxili münasibətlərin təsiri", Nəzakət İmamverdiyeva, Nərminə Mirzəliyeva, Bakı, 2022

Təltif və mükafatları

• 1975 – "VƏSİQƏ"-"Kibernetika və həyat" ixtisası üzrə mühazirəçi, ADPU-nun vəsiqəsi;
• 1980 – FƏXRİ FƏRMAN-Gənc nəslin təlim və tərbiyəsində əldə etdiyi nailiyyətlərə görə (Azərbaycan SSR Maarif Nazirliyi və Respublika Həmkarlar təşkilatı);
• 1982 – FƏXRİ FƏRMAN- Mətbuatda və Paliqrafiyada fəal iştirakına görə (Azərbaycan Ali Soveti Rəyasət Heyəti);
• 1983 – "BAŞ MÜƏLLİM"-Səmərəli pedaqoji fəaliyyətinə görə (Azərbaycan SSR Maarif Nazirliyi);
• 1983 – "SSRİ MAARIF ƏLAÇISI"-Aktiv və səmərəli pedaqoji fəaliyyətinə görə (SSRİ Maarif Nazirliyi);
• 1984 – FƏXRİ FƏRMAN-XXII Respublika Pedaqoji Mühazirələrində məzmunlu çıxışına görə (Azərbaycan SSR Maarif Nazirliyi);
• 1985 – FƏXRİ FƏRMAN-Şahmat bəstəçiliyi üzrə müsabiqədə fəal iştirakına və qazandığı müvəffəqiyyətə görə ("Şahmat" ikihəftəlik qəzetinin redaksiyası);
• 1989 – FƏXRİ FƏRMAN-Əhalinin siyahıya alınmasında fəal iştirakına görə (Nərimanov Rayon İcra hakimiyyəti);
• 1989 – "AZƏRBAYCAN SSR XALQ MAARIFİ ƏLAÇISI"-Səmərəli pedaqoji fəaliyyətinə görə (Azərbaycan SSR Maarif Nazirliyi);
• 1999 – DİPLOM (Akademik M. Mehdizadə adına)-Təlim-tərbiyə prosesinin yeniləşməsi sahəsində yüksək nailiyyətlər qazandığına görə (Azərbaycan Müəllimlərinin Yaradıcı İttifaqı);
• 2003 – DİPLOM (I dərəcəli)-"Respublika Pedaqoji Mühazirələri"ndə yüksək elmi-nəzəri və praktik əhəmiyyətli məruzəsinə görə (Azərbaycan Respublikası Təhsil Nazirliyi);
• 2004 – FƏXRİ FƏRMAN-Səmərəli elmi-pedaqoji fəaliyyəti və 50 illik yubileyi ilə əlaqədar (Azərbaycan Müəllimlər İnstitutu);
• 2004 – DİPLOM (Beynəlxalq)-"Azərbaycanın Tanınmış Maarifçiləri" Beynəlxalq Layihəsinin qalibi olduğuna görə ("Vektor" Beynəlxalq Elm Mərkəzi);
• 2006 – FƏXRİ FƏRMAN-Pedaqoji sahədəki uğurları və 5 oktyabr Beynəlxalq Müəllim Günü münasibətilə (Təhsil İşçiləri Azad Həmkarlar İttifaqının Azərbaycan Respublika Komitəsi);
• 2008 – FƏXRİ FƏRMAN-Məktəbin ictimai-siyasi həyatında fəal iştirakına görə (177 saylı tam orta məktəb);
• 2010 – DİPLOM-Pedaqogika üzrə Fəlsəfə Doktoru elmi dərəcəsi (Ali Attestasiya Komissiyası);
• 2011 – TƏRİFNAMƏ-Respublika Şahmat turnirində müvəffəqiyyətli çıxışına görə (177 saylı tam orta məktəb);
• 2011 – FƏXRİ FƏRMAN-H. Əliyevin anadan olmasının 88-ci ildönümünə həsr olunmuş Respublika müəllimləri arasında keçirilən şahmat yarışının finalçısı olduğuna görə (Azərbaycan Təhsil İşçiləri Azad Həmkarlar İttifaqı Nərimanov Rayon Komitəsi);
• 2012 – FƏXRİ FƏRMAN-İnformatika fənn olimpiadasında şagirdlərinin əldə etdiyi nailiyyətlərinə görə (177 saylı tam orta məktəb);
• 2013 – FƏXRİ FƏRMAN-Fənn kurikulumlarının tətbiqi üzrə təlim kurslarının təşkili və aparılması sahəsində səmərəli faliyyətiə görə (Azərbaycan Respublikası Təhsil Nazirliyi);
• 2013 – FƏXRİ FƏRMAN-"Beynəlxalq Məktəb Şuralarına Dəstək Assosiasiyası"nın işində fəal iştirakına görə ("Beynəlxalq Məktəb Şuralarına Dəstək Assosiasiyası", Moskva şəhəri);
• 2015 – FƏXRİ FƏRMAN-Məktəbin ictimai işlərində fəal iştirakına görə (177 saylı tam orta məktəb);
• 2016 – DİPLOM (I dərəcəli)-"Ən yaxşı yazı" Müsabiqəsinin qalibi ("Azərbaycan müəllimi" qəzeti redaksiyası və Azərbaycan Respublikası Prezidenti yanında Bilik Fondu);
• 2018 – "QABAQCIL TƏHSİL İŞÇİSİ"-Aktiv və səmərəli pedaqoji fəaliyyətinə görə (Azərbaycan Respublikası Təhsil Nazirliyi);
• 2019 – TƏŞƏKKÜRNAMƏ-"Sabahın alimləri" 8-ci Respublika Müsabiqəsində elmi rəhbəri olduğu şagirdlərinin qazandığı uğurlara görə (177 saylı tam orta məktəb);
• 2019 – "ƏMƏKDAR MÜƏIIİM" fəxri adı-Azərbaycan təhsilinin inkişafında xüsusi xidmətlərinə görə (Azərbaycan Respublikası Prezidentinin 03 oktyabr 2019-cu il tarixli Sərəncamı);
• 2020 – FƏXRİ FƏRMAN-Anadan olmasının 65 illiyi və təhsil sahəsində səmərəli fəaliyyətinə görə (177 saylı tam orta məktəb);
• 2020 – DİPLOM: "AZƏRBAYCAN BAYRAĞI" media mükafatı laureatı — 20-dən artıq kitabın, 200-dən çox elmi-metodik məqalənin müəllifi olduğuna, o cümlədən Mətbuatda və Paliqrafiyada fəal iştirakına görə (Azərbaycan Kütləvi İnformasiya Vasitələri İşçiləri Rəyasət Heyəti);
• 2020 – DİPLOM: "QIZIL QƏLƏM" media mükafatı laureatı — 20-dən artıq kitabın, 200-dən çox elmi-metodik məqalənin müəllifi olduğuna, o cümlədən Mətbuatda və Paliqrafiyada fəal iştirakına görə (Azərbaycan Kütləvi İnformasiya Vasitələri İşçiləri Rəyasət Heyəti).

Nişanlar

• 1975 – ADPU-nun məzunu
• 1983 – Baş müəllim
• 1985 – SSRİ Maarif Əlaçisı
• 1988 – SSRİ Müəllimlərinin Yaradıcı İttifaqı
• 1989 – Azərbaycan SSR Xalq Maarifi Əlaçısı
• 1989 – Əhalinin siyahıya alınması
• 2018 – Qabaqcıl Təhsil İşçisi
• 2019 – Əməkdar Müəllim (https://president.az/articles/34345 )
• 2020 – Qızıl qələm

Haqqında materiallar

• "Həvəslə", "Abşeron", 11 noyabr 1977;
• "Zəhmətin bəhrəsi", "Abşeron", 15 noyabr 1977;
• 2003 – XXI Əsr Azərbaycan ziyalıları. "Vektor" nəşriyyatı. 2004. (Azərbaycan və ingilis dillərində).
• Kitab təqdimatı: "Riyaziyyatdan müxtəlif məzmunlu məsələ və misallar", Bakı-2020. "Təhsil" jurnalı: http://tehsiljurnali.az/mektebmuellim/2298-riyaziyyatdan-muxtlif-mzmunlu-msl-v-misallar.html
• Kitab təqdimatı: "Pedaqogikaya dair məlumat və sxemlər", Bakı-2021. "Təhsil" jurnalı: http://tehsiljurnali.az/mektebmuellim/2346-mullimlr-ucun-yeni-vsait.html
• Kitab təqdimatı: "Riyaziyyat dünyası", Bakı-2021."Təhsil" jurnalı: http://tehsiljurnali.az/yaradiciliq/2417-ryazyyat-dunyasi.html
• "Gender.az" saytı, 21 iyul 2021. https://gender.az/mdeniyyet/5797-riyaziyyatc-alim-vaqif-mahmudovun-yeni-kitab-nr-olunub.html
• Kitab təqdimatı: "Riyaziyyat hamı üçün", Bakı-2021. "Təhsil" jurnalı: http://tehsiljurnali.az/sagxeberler/2486-mullimlr-ucun-yeni-vsait.html
• Kitab təqdimatı: "Praktik pedaqogika", Bakı-2022. "Azərbaycan müəllimi" qəzeti: https://www.muallim.edu.az/documents/15-APREL-N-14.pdf
• Kitab təqdimatı: "Pedaqoji prosesdə situasiyalar, metodlar, öyüd və nəsihətlərdən istifadə", Bakı-2022. "Azərbaycan müəllimi" qəzeti:https://www.muallim.edu.az/documents/22-IYUL-N-28.pdf
• Kitab təqdimatı: "Pedaqoji prosesdə situasiyalar, metodlar, öyüd və nəsihətlərdən istifadə", Bakı-2022. "Təhsil" jurnalı. http://tehsiljurnali.az/sagxeberler/3041-yeni-kitab-pedaq oji-prosesd-situasiyalar-metodlar-oyud-v-nsihtlrdn-istifad.html
• Məzunlarla görüş. Bakı-2023. "Təhsil" jurnalı. https://tehsiljurnali.az/xeberler/3561-43-il-sonra-mzunlarla-goru.html?fbclid=IwAR1LxdBZF9KYinsB3D4QjvCKtG1vvMer3AVtgKoqvPnsyfG3BqXNk7fj0Tk
• "Benəlxalq Əlillər Günü"nə həsr olunmuş tədbir haqqında. https://onder.tv/1218-abseron-rayonunda-beynlxalq-lillr-gunu-qeyd-edilib.html?fbclid=IwAR0RNCFW631r5dJeUns0GWYctnxcKFtEu5fLKqN8rkvJqxVQG0PPEkELofs
• "Benəlxalq Əlillər Günü"nə həsr olunmuş məqalə. https://tehsiljurnali.az/xeberler/3909-aberon-rayonunda-beynlxalq-lllr-gunu-qeyd-olundu.html

İstinadlar