Turab Canbaxışov

Turab Qələndər oğlu Canbaxışov (27 noyabr 1981, Kurqan) — Azərbaycan Tibb Universitetinin Tədris Cərrahiyyə Klinikasının II mama-ginekologiya şöbəsinin müdiri; Bona Dea International Hospitalın ginekoloq həkimi.

Turab Canbaxışov
Canbaxışov Turab Qələndər oğlu
Doğum tarixi	27 noyabr 1981(1981-11-27) (42 yaş)
Doğum yeri	Kurqan, Kurqan vilayəti, RSFSR, SSRİ
Milliyyəti	azərbaycanlı
Atası	Canbaxışov Qələndər Surxay oğlu
Anası	Şamoyeva Salatın İbrahim qızı
Elm sahəsi	ginekologiya
İş yerləri	Doqquz Sentyabr Universiteti (2011–2013), ATU Tədris Cərrahiyyə Klinikası^[d] (2014–)
Təhsili	Azərbaycan Tibb Universiteti, Doqquz Sentyabr Universiteti
Üzvlüyü	Türk Qadın Xəstəlikləri və Doğum Dərnəyi^[d], Mamalıq və Ginekologiyada Beynəlxalq Ultrasəs Cəmiyyəti^[d], Avropa İnsan Reproduksiyası və Embriologiya Cəmiyyəti^[d], Fetal Medicine Fondu^[d], Azərbaycan Tibb Assosiasiyası^[d]

Həyatı

Turab Canbaxışov 27 noyabr 1981-ci ildə Rusiyanın Kurqan şəhərində anadan olmuşdur.

1999-cu ildə Bakı şəhərində 17 saylı orta məktəbi əla qiymətlərlə bitirdikdən sonra Azərbaycan Tibb Universitetinin "Müalicə-profilaktika" fakültəsinə qəbul olmuşdur.

2005-ci ildə Azərbaycan Tibb Universitetini "müalicə işi" ixtisası üzrə fərqlənmə diplomu ilə bitirmişdir.

2005–2011-ci illərdə Türkiyənin İzmir şəhərində Dokuz Eylül Universitetinin "Mamalıq və qadın xəstəlikləri" (ginikologiya) ixtisası üzrə uzmanlıq təhsili almışdır.

Uzmanlıq təhsilini bitirdikdən sonra nəzəri və praktik imtahanlardan yüksək bal topladığına görə Doqquz Eylül Universitetinin rəhbərliyi və Türkiyə Cumhuriyyətinin YÖK-ü tərəfindən həmin kafedrada uzman-asissent vəzifəsində saxlanılmış, 2013-cü ilin dekabr ayına qədər həmin vəzifədə çalışmışdır.

4 mart 2014-cü ildən Azərbaycan Tibb Universitetinin Tədris Cərrahiyyə Klinikasının II mama-ginekologiya şöbəsində həkim mama-ginekoloq işləmiş, 20 may 2014-cü ildən isə həmin şöbənin müdiri, assistenti vəzifəsində çalışmağa başlamışdır.

Liv Bona Dea İnternational Hospitalda həkim mama-ginekoloq olmaqla mama-ginekologiya şöbəsinin rəhbəridir.

Elmi məqalələri Türkiyədə və müxtəlif xarici ölkələrdə çap olunmuşdur. Doktorluq dissertasiyası üzərində işləyir.

Azərbaycanda ilk dəfə olaraq hamilə qadının bətnindəki körpəyə qan köçürülməsi Turab Canbaxışovun sayəsində ATU-nun Tədris Cərrahiyyə Klinikasında mümkün olmuşdur. Bu prosedur Avropada 1997-ci ildən, Türkiyədə isə 2009-cu ildən etibarən tətbiq edilir.

Üzvülüyü

• Azərbaycan Tibb Assosiasiyası (ATA)
• Türk Jinekoloji ve Obstetrik Derneği (TJOD)
• Turkey Maternal Fetal Medicine and Perinatology Association
• International Society of Ultrasound in Obstetrics and Gynecology (ISUOG)
• European Society of Human Reproduction and Embryology (ESHRE)
• The Fetal Medicine Foundation (FMF)

Ailəsi

Ailəlidir, bir qızı və bir oğlu var. Azərbaycanın tanınmış travmatoloq-ortopedi, tibb elmləri doktoru, professor Qələndər Canbaxışovun oğludur. Əmisi Qarabağ müharibəsində şəhid olmuşdur.

İstinadlar

1. "ASS. CANBAXIŞOV T.Q." Amu.edu.az. 2024-01-18 tarixində . İstifadə tarixi: 2024-01-18.
2. (az.). atu-tck.edu.az. 07-01-2015. 2016-03-11 tarixində orijinalından arxivləşdirilib. İstifadə tarixi: 2015-10-24.
3. (az.). doctormap.az. 2014. 2015-09-21 tarixində orijinalından arxivləşdirilib. İstifadə tarixi: 2015-10-24.
4. "Dr. Turab Canbaxışov - Ginekoloq" (az.). Bona Dea International Hospital. 2018. 2021-03-30 tarixində . İstifadə tarixi: 2021-03-30.
5. "Turab Canbaxışov". livhospital.com. 2024-01-18. 2024-01-18 tarixində . İstifadə tarixi: 2024-01-18.
6. "Ana bətnində dölə qan köçürüldü" (az.). aia.az. 2018-06-13. 2024-01-18 tarixində . İstifadə tarixi: 2024-01-18.
7. "Turab Canbaxışov". livhospital.com. 2024-01-18. 2024-01-18 tarixində . İstifadə tarixi: 2024-01-18.

Xarici keçidlər

• Azərbaycanda ilk dəfə ana bətnində dölə qan köçürülübMusavat.com
• Riskli və yüksək riskli hamiləliklər mütləq bu sahə üzrə mütəxəssis, yəni perinatoloq tərəfindən nəzarət altında saxlanılmalıdır. Belə ki, riskli hamiləliyə nəzarət normal hamiləlikdən fərqlidir.Azertag.az
• Ana bətnində dölə qan köçürülüb.Report.az