Toplan nəsə baş hindcə Koochie Koochie Hota Hai Tarh Mansukraninin rejissoru olduğu 2021 ci ildə kinoteatrlara veriləcəy

Toplan, nəsə baş (hindcə: Koochie Koochie Hota Hai) — Tarh Mansukraninin rejissoru olduğu 2021-ci ildə kinoteatrlara veriləcəyi gözlənilən Hindistan cizgi filmi. Film 1998-ci ildə çəkilən Nəsə baş verir filminin cizgi filmi versiyasıdır. Səsləndirilmə olmayıb. Film necə var idisə, elə də qalıb. Bu da cizgi film sahəsində bir ilkdir. Lakin, filmin bəzi yerləri yararsız hala düşdüyündən yeni aktyorlar, aktrisalar səsləndiriblər.

Toplan, nəsə baş verir
Prodüser	Karan Cohar
Ssenari müəllifi	Karan Cohar
Baş rollarda	Şahrux Xan Kacol Rani Mukherci Sancay Datt Uday Çopra
İlk baxış tarixi	2011
Ölkə	Hindistan
Dil	Hind dili
IMDb	ID1609138

Məzmun

Rahul və Anceli Sent-Havye kollecinin tələbələridirlər. Rahul məktəb müdirinin qızı Tinaya vurulur. Tina Ancelinin tam əksidir. Rahul get-gedə Tinanın qəlbini ələ alır. Elə həmin vaxt Anceli də Rahula aşiq olduğunu hiss edir. Bir gün Anceli bütün cəsarətini toplayaraq bu sevgisini Rahula etiraf edir. Lakin Anceli sözünü deməmişdən qabaq Rahul Tinaya aşiq olduğunu deyir. Bundan sonra Ancelinin bütün ümidləri qırılır. Ertəsi gün Anceli ani bir qərarla bu böyük "məğlubiyyətini" unutmaq üçün məktəbi tərk edir və ailəsinin yanına dönür.

Tina və Rahul evlənirlər və bir qızları olur. Adını Anceli qoyurlar. Tina bu doğumdan sonra vəfat edir. Ölümündən əvvəl Tina 8 məktub yazmışdı. Bu məktubları Rahulun anasına verib tapşırmışdı ki, Ancelinin hər ad günündə birini ona versin.

Cizgi filmin planlaşdırıldığı yerdə Şahrux Xan,2010

Səkkiz il keçir. Anceli 8-ci və sonuncu məktubu oxuyur. Bu məktubda anası Anceliyə onun adaşı Anceli Şarma haqqında danışır. Rahul Tinanın ölümündən sonra bir daha evlənməyib. Kiçik Ancelinin anaya olan ehtiyacını isə təkcə Anceli Şarma əvəz eləyə bilər. "Kiçik" Anceli inanır ki, nə vaxtsa "böyük" Anceli atasını xoşbəxt edə bilər. Buna görə də atasının əsl məhəbbətini – Anceli Şarmanı axtarmağa qərar verir. Bu işi həyata keçirmək üçün nənə və babasından kömək istəyir.

Bu üçlük Anceli Şarmanın ünvanını və telefon nömrəsini öyrənmək üçün Rüfət Binin evinə gedirlər. Ancaq Rüfət Bin onlara gecikdiklərini və Ancelinin başqa birisilə nişanlandığını deyir. Bunu eşidən kiçik Anceli məyus olur və elə orada Allaha dua edir. Ancelinin duaları qəbul olunur. Elə bu zaman telefon zəng çalır. Ancelinin toyunun vaxtı dəyişdirilmişdir.

Kiçik Anceli Anceli Şarmaya zəng edir və təsadüfən Simladakı yay düşərgəsində köməkçi kimi çalışdığını öyrənir. Kiçik Anceli atasından bu düşərgəyə getmək üçün icazə istəyir, fəqət bu icazəni ala bilmir. İş belə olduqda Anceli və nənəsi o düşərgəyə Rahuldan gizlin gedirlər. Onlar Anceli Şarmanı görürlər. Bir axşam böyük Anceli televizorda təsadüfən Rahulu görür. Həmin proqramda Rahulun qızı Ancelinin Simlada bir düşərgədə olduğunu söyləməsilə böyük Anceli adaşı kiçik Ancelinin Rahulun qızı olduğunu başa düşür.

Anceli və nənəsi Rahulla Ancelinin yenidən qovuşması üçün Rahula bir oyun hazırlayırlar. Rahul Anceliyə qarşı keçmiş duyğularının canlandığını hiss edir. Lakin hər şey Ancelinin nişanlısı Amanın həmin düşərgəyə gəlməsilə dəyişir.

Amma sonda Aman öz səadətindən geri çəkilir və bunun nəticəsində Anceli Rahulla qovuşur. Film Rahul və Ancelinin evlənməsi ilə sona çatır.

Filmin posteri bir neçə dəfə dəyişikliyə uğrayıb. Lakin, axırda bir poster seçilib. Linki İstinadlar bölməsindədir.

Film haqqında

Filmin çəkilməsindən 12 il sonra,2010-cu ildə eyniadlı cizgi filminin çəkilməsi qərarını verirlər. Bu ildə film çox uğur qazanacaqdı. Lakin, alınmadı və çəkilişlər yarıda qaldı.2011-ci ildə yenidən planlaşdırılsa da, alınmadı.2017-ci ildə bu cizgi filminin çəkiləcəyi dəqiq qərara alınsa da, yenə iş dayandırıldı. İndi isə ümid 2021-ci ilədir.