Tofiq Hüseyn oğlu ismayılov 6 aprel 1939 Bakı şəhəri Azərbaycan SSR 25 mart 2016 Bakı şəhəri Azərbaycan Respublikası Azə

Tofiq Hüseyn oğlu İsmayılov (6 aprel 1939, Bakı şəhəri, Azərbaycan SSR — 25 mart 2016, Bakı şəhəri, Azərbaycan Respublikası) — Azərbaycan kinorejissoru, kinodramaturq, nasir, 1993-cü ildən Azərbaycan Yazıçılar Birliyinin üzvü, əməkdar incəsənət xadimi (1987), professor (1992), Azərbaycanın Respublikasının Xalq Artisti (2008), elmlər doktoru.

Tofiq İsmayılov
Tofiq Hüseyn oğlu İsmayılov
Tofiq İsmayılov
Doğum adı	Tofiq Hüseyn oğlu İsmayılov
Doğum tarixi	6 aprel 1939
Doğum yeri	Bakı, Azərbaycan SSR
Vəfat tarixi	25 mart 2016 (76 yaşında)
Vəfat yeri	Bakı, Azərbaycan
Dəfn yeri	Yasamal qəbiristanlığı
Milliyyəti	Azərbaycanlı
Vətəndaşlığı	SSRİ (1939-1991) Azərbaycan (1991-2016)
Həyat yoldaşı	Səidə İsmayılova
Uşaqları	qızları: Sevinc İsmayılova, Vəfa İsmayılova, Aygül İsmayılova
Atası	Hüseyn İsmayılov
Fəaliyyəti	Kinorejissor Kinodramaturq Nasir
Təhsili	M. A. Əliyev adına Teatr İnstitutunun Aktyorluq fakültəsi (1958-1962) M. A. Əliyev adına Teatr İnstitutunun Rejissorluq fakültəsi (1962-1968)
Mükafatları	2008
IMDb	ID1435868

Həyatı

Tofiq İsmayılov 6 aprel 1939-cu ildə Bakı şəhərində qulluqçu ailəsində anadan olmuşdur. 190 saylı Bakı şəhər orta məktəbini bitirmişdir (1958). M.A. Əliyev adına Teatr İnstitutunun Aktyorluq fakültəsində (1958-1962), sonra rejissorluq fakültəsində (1962-1968) təhsilini davam etdirmişdir. Əmək fəaliyyətinə orta məktəbdə oxuyarkən Gənc Tamaşaçılar Teatrında aktyorluqdan başlamışdır (1954). Azərbaycan Respublikası Nazirlər Soveti Yanında Radio və Televiziya Verilişləri Komitəsində rejissor köməkçisi (1960-1961), rejissor (1962-1967), "Azərbaycanfilm" studiyasında rejıssor köməkçisi, orada bədii təlimlər rejissoru (1967-1968) vəzifələrində çalışmışdır. Moskvada kinorejissor və kinossenaristlərin ikiillik ali kurslarında təhsil almışdır (1968-1970). Sonra "Azərbaycanfllm" studiyasında bədii filmlərin quruluşçu rejissoru vəzifəsində işləmişdir (1969-1988). Tofiq İsmayılov bir müddət "Azərbaycanfilm" kinostudiyasının nəzdində fəaliyyət göstərən kinoaktyor teatr studiyasının bədii rəhbəri olmuşdur. 1971-ci ildən M.A.Əliyev adına Azərbaycan Dövlət İncəsənət İnstitutunun rejissorluq kafedrasında müəllim kimi çalışmışdır, kafedranın müdiri olmuşdur (1988-1994). 1994-2006-cı illərdə dəvətlə Türkiyənin Memar Sinan adına Gözəl Sənətlər Universitetində professor işləmişdir. İstanbulun Böyük Şəhər Bələdiyyəsində mədəniyyət işləri üzrə müşavir olmuşdur. 2007-ci ildən bu günə kimi Azərbaycan Dövlət Mədəniyyət və İncəsənət Universitetində dərs deyir.

"Müasir Azərbaycan kinosunda tipik xarakter" mövzusunda namizədlik dissertasiyası üzərində işləmişdir. Son illər "Sənətkarlığımızın portreti" silsilə bədii-sənədli filmləri Tofiq Quliyev, Əminə Dilbazi, Gülxar Həsənova, Xəyyam Mirzəzadə haqqında çəkilmişdir (1992-2011). Uşaqlar üçün pyeslər, hekayələr dərc etdirmişdir. Əsərləri xarici ölkə xalqlarının dilində nəşr olunmuşdur. 100-ə yaxın elmi-publisistik məqaləsi var. İlk hekayəsi – "Ağ dəsmal" 1962-ci ildə "Göyərçin" jurnalında çap edilmişdir.

Tofiq İsmayılov uzun sürən xəstəlikdən sonra 25 mart 2016-cı ildə Bakı şəhərində vəfat etmişdir. Məzarı Yasamal qəbiristanlığındadır.

Əsərləri

Qonşular. Bakı: Gənclik, 1978,
Sevinc yuxusu. Bakı: Gənclik, 1979, 38 səh.
Şəkil teatrı. Bakı: Gənclik, 1978, 16 səh.
Şəkil kino. Bakı: Gənclik, 1983, 16 səh.
Diş ağrısı. Bakı: Gənclik, 1986, 92 səh.
Türk Cumhuriyyetleri sinema tarihi (3 ciltte).
Türk dünyası kino sənəti. 2009
Kinoya gedən pişik (hekayə və pyeslər), 2011

Filmoqrafiya

Filmin adı	Rejissor	Ssenari müəllifi	Aktyor
Şəhərimizin daşları	Y	N	N
İntizar	Y	Y	Y
Oxuyur Müslüm Maqomayev	Y	Y	N
Yoxlanılmış, inanılmış...	Y	N	N
Gilas ağacı	Y	N	N
Yaşıl işıq	Y	Y	N
Yollar	Y	N	N
Bizim küçənin oğlanları	Y	N	N
Çarvadarların izi ilə	Y	N	N
Hədiyyə	Y	Y	N
Yeni üsul	Y	N	N
Vulkana doğru	Y	N	N
Azərbaycanın palçıq vulkanları	Y	Y	N
	Y	Y	N
Lahıc	Y	Y	N
Mən mahnı qoşuram	Y	Y	N
Əzablı yollar	Y	N	N
Musiqi müəllimi	Y	Y	N
Yaxşı qurtardıq	Y	N	N
Xüsusi vəziyyət	Y	N	N
Yay gününün xəzan yarpaqları	Y	N	N
Sürəyya	Y	N	N
Ölsəm... bağışla	N	N	Y
Son tamaşa	Y	Y	N
Özüm və zaman haqqında	Y	Y	N
Prima	Y	Y	N
Otel otağı	N	N	Y
İstanbul reysi	N	N	Y
Maestro	Y	Y	N

İstinadlar

Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 276-277.
"Azərbaycanın xalq artisti vəfat etdi". 2016-03-28 tarixində . İstifadə tarixi: 2016-03-25.

Mənbə

Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 814.
"Rejissor taleyinin zirvələri" //"Pəncərə" jurnalı.- 2009, № 21. - səh. 72-79.

Xarici keçidlər

Tofiqin son fədakarlığı - Xalq yazıçısı Anar yazır

[1] Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.

[2] Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 276-277.

[3] "Azərbaycanın xalq artisti vəfat etdi". 2016-03-28 tarixində . İstifadə tarixi: 2016-03-25.