əhmərova Tanilya Aysayevna Azərbaycan aktrisası Azərbaycanın əməkdar artisti 2007 Tanilya əhmərova üzeyir ömrü filmindən

Əhmərova Tanilya Aysayevna — Azərbaycan aktrisası, Azərbaycanın əməkdar artisti(2007).

Tanilya Əhmərova
"Üzeyir ömrü" filmindən kadr
Doğum adı	Əhmərova Tanilla Aysayevna
Digər adı	Taniliya Əhmərova
Doğum tarixi	1 iyun 1950
Doğum yeri	Bakı, Azərbaycan SSR
Vəfat tarixi	4 avqust 2015 (65 yaşında)
Vəfat yeri	Bakı, Azərbaycan
Vəfat səbəbi	uzun sürən xəstəlik
Vətəndaşlığı	SSRİ Azərbaycan
Fəaliyyəti	aktrisa
IMDb	ID1094851

Həyatı

Tanilya Əhmərova 1950-ci ildə iyunun 1-də Bakıda anadan olub. Uşaq yaşlarından təhsil aldığı məktəbdəki dərnəkdə çıxış etməyə başlayıb.M.Əliyev adına Dövlət Teatr İnstitutunun (indiki ADMİU) tələbələri sırasına qoşularaq dövrün ustad sənətkarlarından böyük kino və teatr sənətinin sirlərini öyrəndi. 1977-ci ildə ali məktəbi bitirən aktrisa kinoda ilk işinə “Qəribə adam” filmi ilə başladı.Cəfər Cabbarlı adına “Azərbaycanfilm” kinostudiyasının aktrisası olmuşdur.Tanilə Əhmərova bir sıra filmlərdə lirik və zərif obrazlar yaratmışdır.

O, "Şir evdən getdi", "Tələ", "Təhminə", "Arşınmalçı”, “Evlənmək istəyirəm”, “Əlavə iz”, “İlıq dənizdə buz parçası”, “İşarəni dənizdən gözləyin”, “Qəribə adam” kimi 20-yə yaxın filmdə rolunun miqyasına baxmayaraq tamaşaçı yaddaşında qala bildi. Obrazının xarakterini, daxili dünyasını, hiss və həyəcanlarını təbii boyalarla ifadə edən aktrisa incə, məlahətli qadın portretini çəkməyi bacardı. Tanilə Əhmədova "Qaynana" filmində canlandırdığı "Sevda" obrazı ilə xalqın sevimlisinə çevrilmişdir.

Tanilya Əhmərova uzun sürən xəstəlikdən sonra 4 avqust 2015-ci ildə Bakıda vəfat etmişdir.

Mükafatları

Azərbaycan SSR Ali Sovetinin Fəxri fərmanı — 24.02.1979
Azərbaycan Respublikası Əməkdar Artisti - 2007

Filmoqrafiya

Arşınmalçı (film, 1985)-Alverçi
Evlənmək istəyirəm (film, 1983)-Epizodik rol
Əlavə iz (film, 1981)-Bağırova
İlıq dənizdə buz parçası (film, 1983)-Gəlin
İşarəni dənizdən gözləyin (film, 1986)-Qadın
Qayınana (film, 1978)-Sevda
Qəribə adam (film, 1979)-Aytən
Sevinc buxtası (film, 1977)-Leyla
Səndən xəbərsiz (film, 1985)-Sərvinaz
Şir evdən getdi (film, 1977)-Şəfiqə müəllimə
Təhminə (film, 1993)-Ad günündəki qonaq
Tələ (film, 1990)-Rübabə Babayeva
Üzeyir ömrü (film, 1981)-Üzeyirin anası
Üzü küləyə (film, 1977)-Nərgiz
- Müəllimə

İstinadlar

Nizamiqızı, H. Nisgilli xatirələr ümidində: Əməkdar artist, kinoaktrisa Tanilya Əhmərova 65 yaşında dünyasını dəyişdi //Mədəniyyət.- 2015.- 7 avqust.- S. 5.
Oxu.az. ""Qayınana"nın Sevdası dünyasını dəyişdi" (az.). oxu.az. 04.08.2015 19:31. 2015-09-06 tarixində . İstifadə tarixi: 2015-08-04.
Respublika ədəbiyyat və incəsənət xadimlərinin Azərbaycan SSR Ali Soveti Rəyasət Heyətinin Fəxri Fərmanı ilə təltif edilməsi haqqında Azərbaycan SSR Ali Soveti Rəyasət Heyətinin 24 fevral 1979-cu il tarixli Fərmanı 2020-01-16 at the Wayback Machine — anl.az saytı

Xarici keçidlər

Səda - Əməkdar artist Tanilə Əhmərovanın doğum günüdür (01.06.2016)

[1] Nizamiqızı, H. Nisgilli xatirələr ümidində: Əməkdar artist, kinoaktrisa Tanilya Əhmərova 65 yaşında dünyasını dəyişdi //Mədəniyyət.- 2015.- 7 avqust.- S. 5.

[2] Oxu.az. ""Qayınana"nın Sevdası dünyasını dəyişdi" (az.). oxu.az. 04.08.2015 19:31. 2015-09-06 tarixində . İstifadə tarixi: 2015-08-04.

[24.02.1979-3] Respublika ədəbiyyat və incəsənət xadimlərinin Azərbaycan SSR Ali Soveti Rəyasət Heyətinin Fəxri Fərmanı ilə təltif edilməsi haqqında Azərbaycan SSR Ali Soveti Rəyasət Heyətinin 24 fevral 1979-cu il tarixli Fərmanı 2020-01-16 at the Wayback Machine — anl.az saytı