Seymur Talıbov

Seymur Vasif oğlu Talıbov (1988, Naxçıvan) — Naxçıvan Muxtar Respublikası Ali Məclisinin V və VI çağırışlarının deputatı, Azərbaycan Şahmat Federasiyasının vitse-prezidenti, Vasif Talıbovun oğlu.

Seymur Talıbov
Naxçıvan Muxtar Respublikası Ali Məclisinin V və VI çağırışlarının deputatı
Vəzifədədir
2015-ci ildən
Seçki dairəsi	— 25 saylı Naxçıvan şəhər 2020 — 25 saylı Naxçıvan şəhər
Əvvəlki	Ülviyyə Həmzəyeva
Şəxsi məlumatlar
Doğum tarixi	1988
Doğum yeri	Naxçıvan, Naxçıvan MSSR, Azərbaycan SSR, SSRİ
Partiya	Yeni Azərbaycan Partiyası
Təhsili	Bakı Dövlət Universiteti (2003–2007), London Şəhər Universiteti (2009–2010)
Fəaliyyəti	siyasətçi
Atası	Vasif Talıbov

Həyatı

Seymur Talıbov 1988-ci ildə Naxçıvan şəhərində anadan olmuşdur. 2003-cü ildə Bakı Dövlət Universitetinin Beynəlxalq hüquq və beynəlxalq münasibətlər ixtisasına qəbul olmuş, 2007-ci ildə həmin ixtisasın bakalavr pilləsini, 2007–2010-cu illərdə isə Bakı Dövlət Universitetinin Beynəlxalq hüquq magistratura pilləsini bitirmişdir. Seymur Talıbov 2009–2010-cu illərdə magistratura təhsilini London City Universitetində Beynəlxalq siyasət üzrə davam etdirmişdir. O, 2013-cü ildə isə Böyük Britaniyanın Oksford Universitetində Said Biznes Məktəbinin Executive Eduation Liderlik və İdarəçilik proqramından məzunu olub.

Seymur Talıbov 2011-ci ilin yanvar ayından Naxçıvan Dövlət Universitetinin Beynəlxalq münasibətlər kafedrasında müəllim, 2013-cü ildən isə baş müəllim vəzifəsində çalışır. 2012-ci ildə Naxçıvan Dövlət Universitetində beynəlxalq hüquq ixtisası üzrə qiyabi doktorantura təhsili alıb.

2014-cü ildə "Regional enerji təhlükəsizliyinin beynəlxalq hüququi problemləri" mövzusunda dissertasiya müdafiə edərək hüquq üzrə fəlsəfə doktoru alimlik dərəcəsi almışdır.

Seymur Talıbov 2016-cı ildən Naxçıvan Dövlət Universitetinin beynəlxalq əlaqələr üzrə prorektorudur.

14 iyun 2017-ci ildən Naxçıvan Dövlət Universitetinin "Beynəlxalq münasibətlər" kafedrasının dosentidir.

Ailəsi

Seymur Talıbov Naxçıvan Muxtar Respublikası Ali Məclisinin sabiq sədri Vasif Talıbovun kiçik oğlu, Rza Talıbovun isə qardaşıdır.

Seymur Talıbov Naxçıvan Muxtar Respublikasının sabiq daxili işlər naziri Fazil Ələkbərovun qızı ilə 2015-ci ildə nişanlanmış, 15 sentyabr 2017-ci il tarixində isə evlənmişdir.

İctimai-siyasi fəaliyyəti

Seymur Talıbov Yeni Azərbaycan Partiyası Naxçıvan Muxtar Respublika Təşkilatının Siyası Şurasının üzvüdür.

Seymur Talıbov Naxçıcan Muxtar Respublikası Şahmat Federasiyasının sədri, Azərbaycan Şahmat Federasiyasının vitse-prezidentidir.

Naxçıvan Ali Məclisinin V və VI çağırışlarının üzvüdür. O, 2020-ci ildə 25 saylı Naxçıvan şəhər seçki dairəsi üzrə seçicilərin 3942-nin və ya 91,1 faiz səsini toplayaraq deputat seçilmişdir.

Hal-hazırda Naxçıvan Ali Məclisinin İnsan hüquqları, beynəlxalq münasibətlər və parlamentlərarası əlaqələr komitəsinin üzvüdür.

Mənbə

• YAP Naxçıvan MR Təşkilatı

İstinadlar

1. https://cdn.occrp.org/projects/suisse-secrets-interactive/en/person/20/rza-and-seymur-talibov/.
2. "Arxivlənmiş surət". 2022-03-19 tarixində . İstifadə tarixi: 2022-04-06.
3. "Arxivlənmiş surət". 2019-06-06 tarixində . İstifadə tarixi: 2022-04-06.
4. "Seymur Talıbov yenidən deputat seçildi". 22.02.2020. 17.06.21 tarixində . İstifadə tarixi: 17.06.21.
5. Naxçıvan MR MSK. "Naxçıvan Ali Məclisinin deputatları". 22.02.2020. 01.05.2021 tarixində . İstifadə tarixi: 23.08.2020.
6. "Naxçıvan Ali Məclisinin komitələrinin sədrlərinin, sədr müavinlərinin və üzvlərinin seçilməsi haqqında Naxçıvan Muxtar Respublikasının Ali Məclisinin qərarı". 24.02.2020. 2020-08-22 tarixində . İstifadə tarixi: 22.08.2020.