Sahilə İbrahimova

Sahilə İbrahimova (1985, Sumqayıt) — Azərbaycan yazıçısı. Feminist yazıçı, esseist, "Karusel" ədəbi jurnalının təsisçisi, "Açıq hava kitabxanası" layihəsinin ideya müəllifi, Prezident təqaüdçüsü (2010/11). "Yaya" təxəllüsü ilə əsərlər yazır.

Sahilə İbrahimova
Təxəllüsü	Sahilə Yaya
Doğum tarixi	1985
Doğum yeri	Sumqayıt, Azərbaycan SSR, SSRİ
Milliyyəti	Azərbaycanlı
Təhsili	Bakı Dövlət Universitetinin Tarix fakültəsi
İxtisası	Tarixçi, etnoloq-etnopsixoloq
Fəaliyyəti	Yazar
Fəaliyyət illəri	2006-cı ildən
Əsərlərinin dili	Azərbaycan dili
İlk əsəri	"Şirlə Sahilin nağılı" (1993)
Tanınmış əsərləri	"Yuxarı və aşağı ətraflar", "Şeyx"
Üzvlüyü	Azərbaycan Yazıçılar Birliyi
Mükafatları	"Yeni adlar" müsabiqəsi (I yer); "İlin Gənci" (2010); "Yusif Səmədoğlu" mükafatı (2013)

Həyatı

Sahilə İbrahimova 1985-ci ildə Sumqayıt şəhərində anadan olub.

2007-ci ildə Bakı Dövlət Universitetinin Tarix fakültəsində tarixçi ixtisası üzrə bakalavr, ardınca yenə həmin universitetin həmin fakültəsində etnologiya-etnopsixologiya ixtisası üzrə magistr dərəcəsi alıb.

2006–2008-ci illərdə Gənclər və İdman Nazirliyinin layihəsi olan "Azərbaycan Gənclər Parlamenti"nin üzvü olub.

Ailəlidir, 2 övladı var.

Yaradıcılığı

İlk hekayəsi "Şirlə Sahilin nağılı" əsəri hələ 8 yaşında ikən "168 saat" qəzetində çap olunmuşdur. Eyni zamanda, o ərəfələrdə Qarabağ münaqişəsindən bəhs edən "Yanmış evin nağılı" adlı tamaşada Nigar rolunu oynayıb.

2006-cı ildən peşəkar ədəbi yaradıcılıqla məşğuldur. 2009-cu ildə Azadlıq Radiosunun "Ədəbi Azadlıq" qısa hekayə müsabiqəsində 2 hekayəsi — "Mən deyildim" və "Avqustun iyirmi üçünə üç gün qalmış" hekayələri 130 müəllifin 150 əsəri içərisindən gizli səsvermə nəticəsində ilk onluğa düşmüşdür.

2010-cu ildə hekayələrdən ibarət "Varlı kişinin portmanatı" adlı ilk kitabı çapdan çıxmışdır.

2010–11-ci illərdə Prezident təqaüdü alıb.

2012-ci ildə "Yuxarı və aşağı ətraflar" adlı növbəti kitabı yayımlanıb. Kitab 2013-cü ildə Azərbaycan Yazıçılar Birliyinin keçirdiyi Ədəbiyyat Müsabiqəsinin "Ən yaxşı nəsr əsərinə görə – Yusif Səmədoğlu" mükafatının qalibləri sırasında olub.

Yazıçının "Çevriliş" romanı 2014-cü ildə çapdan çıxıb. Kitab Azərbaycan Yazıçılar Birliyinin "AYB kitab" layihəsi çərçivəsində buraxılmış ilk kitabdır..

"Şeyx" romanı 2018-ci ildə Bakıda, 2022-ci ildə isə "Nestor" nəşriyyatı tərəfindən Türkiyədə çap edilib. Əsər Fransada çapa hazırlansa da, pandemiya səbəbindən nəşri gecikib. Əsər "" mövzusundadır.

2018–2019-cu illərdə YouTube-da yayımlanan "Çətir, eynək və s." ədəbi podkastının həm yaradıcısı, həm də aparıcısı olub. Qeyd olunan podkast Azərbaycanın ilk ədəbi podkastlarından biridir.

2020-ci ilin iyulunda Sahilə Yayanın baş redaktorluğu ilə Azərbaycanın ilk instaqram jurnalı Azərbaycan və rus dillərində "Karusel" fəaliyyətə başlayır.

Əsərləri

Novellalar

• Zemi

Romanlar

• "Məhv edilmiş xilaskarlar"
• "Yuxarı və Aşağı ətraflar"
• "Şeyx"

Hekayələr

• Varlı kişinin portmanatı
• Zırrama
• Qorxu
• Elə deyilmiş
• Təxirəsalınmış nikbinlik planı
• Qara əlcəyin əhvalatı
• Avqustun iyirmi üçünə üç gün qalmış
• Ən uzaq gələcək
• Mən deyildim
• Dünyanın qarnı quruldayır
• Köhnəlmiş sevgilər
• Torbadakı on min dollar
• Adamlar üçün darıxan adam
• Tanış ritm

Esseləri

• Ən böyük ideya — İdeologiya
• Şokoladsız Afrika

Mükafatları

• 2006-cı ildə "Azərbaycanda demokratiyanın inkişaf perspektivləri" adlı esse müsabiqəsində 1-ci yer.
• 2010-cu ildə Mədəniyyət və Turizm Nazirliyi tərəfindən keçirilən "Yeni adlar" müsabiqəsində "Qorxu" adlı hekayəsi ilə birinci yer.
• 2010-cu ildə "Varlı kişinin portmanatı" adlı hekayələr kitabı uzun siyahısına daxil edilib.
• 2 fevral 2012 — Gənclər və İdman Nazirliyinin "Gənclər günü" münasibətilə keçirdiyi müsabiqədə 2011-ci ilin nəticələrinə görə ədəbiyyat sahəsi üzrə "İlin Gənci"..
• 2013-cü ildə " Azərbaycan Yazıçılar Birliyinin keçirdiyi Ədəbiyyat Müsabiqəsinin "Ən yaxşı nəsr əsərinə görə – Yusif Səmədoğlu" mükafatı.

İstinadlar

1. «Ulduz» jurnalı. Çapa imzalanıb: 18.04.2016. Sifariş №32. Şəhadətnamə № 238. ISNN 0134-522 səh. 52 2023-09-08 at the Wayback Machine
2. "Yaxın və Orta Şərqin ən məşhur əhvalatı haqqında". 2020-02-26 tarixində . İstifadə tarixi: 2023-09-08.
3. ""Ədəbiyyat qəzeti"nin sorğusu". 2023-09-08 tarixində . İstifadə tarixi: 2023-09-08.
4. ""Mən oxunmaq istərdim"". 2010-07-10 tarixində . İstifadə tarixi: 2012-09-10.
5. ""Yazıçı sırf öz xeyrinə, mənfəətinə görə xalqın faciəsinə göz yumursa, bu, insanlığa xəyanətdir"". 2023-09-08 tarixində . İstifadə tarixi: 2023-09-08.
6. "Varlı kişinin portmanatı". 2016-03-12 tarixində . İstifadə tarixi: 2012-09-10.
7. "Müasir oxucular yeni informasiya istəyirlər"
8. "Əməkdaşımızın gənc yazar Sahilə İbrahimova ilə söhbəti". 2023-09-08 tarixində . İstifadə tarixi: 2023-09-08.
9. ""Yuxarı və aşağı ətraflar" — Yeni kitab". 2023-09-08 tarixində . İstifadə tarixi: 2023-09-08.
10. "Ədəbiyyat Müsabiqəsinin ilk mərhələsinin qalibləri açıqlandı SİYAHI". 2023-09-08 tarixində . İstifadə tarixi: 2023-09-08.
11. "Xanım yazıçı "Çevriliş " etdi — FOTO". 2023-09-08 tarixində . İstifadə tarixi: 2023-09-08.
12. "Bu dəfə "Şeyx" müzakirə olundu — Kitaba dəstək". 2023-09-08 tarixində . İstifadə tarixi: 2023-09-08.
13. "Şeyh". 2023-09-08 tarixində . İstifadə tarixi: 2023-09-08.
14. "Sahilənin "Şeyx" romanı Fransada çap olunacaq". 2023-09-08 tarixində . İstifadə tarixi: 2023-09-08.
15. "Şərq qissəsinə alternativ baxış". 2023-09-08 tarixində . İstifadə tarixi: 2023-09-08.
16. "Azərbaycanın ilk instaqram jurnalı – "Karusel"". 2023-09-08 tarixində . İstifadə tarixi: 2023-09-08.
17. "Bakıda İnstaqram-jurnal fəaliyyətə başladı – İlk dəfə". 2023-09-08 tarixində . İstifadə tarixi: 2023-09-08.
18. "Sahilənin Sənanı və "Şeyx"i". 2023-09-08 tarixində . İstifadə tarixi: 2023-09-08.
19. ""Şeyx" romanı haqqında bir neçə abzas — Rəvan Cavid". 2023-09-08 tarixində . İstifadə tarixi: 2023-09-08.
20. "Bakıda Gənclər Günü qeyd olunub — Foto". 2012-02-20 tarixində . İstifadə tarixi: 2012-09-10.

Xarici keçidlər

• "Azərbaycanlı qızla erməni oğlanın sevgisindən yazmışam" — Fotolar+Video
• Azərbaycanda qadın yazıçı | Sahilə Yaya | Azərbaycanda qadın
• O həyəcan qarşısında hər şey təfərrüatdı (Müsahibə)