Rebuild Karabakh

Rebuild Karabakh və ya Azərbaycan Beynəlxalq "Qarabağın Bərpa, Yenidənqurma və İnkişafı" sərgisi — Qarabağın bərpasına həsr olunmuş yeganə və ilk ixtisaslaşmış sərgidir. Sərgi bir çox dövlət qurumları və nazirliklər tərəfindən dəstəklənən özəl sektor-dövlət tərəfdaşlığını möhkəmləndirmək üçün cəlbedici və səmərəli biznes platformadır. Rebuild Karabakh ilk dəfə ənənəvi Xəzər İnşaat Həftəsinin bir hissəsi olaraq 20–22 oktyabr 2021-ci il tarixlərində Bakı Ekspo Mərkəzində keçirilmişdir. Üç gün ərzində Xəzər İnşaat Həftəsinə gələn ziyarətçilər dünyanın 17 ölkəsindən 279 şirkətin məhsulları ilə tanış oldular.

Rebuild Karabakh
azərb. Azərbaycan Beynəlxalq "Qarabağın Bərpa, Yenidənqurma və İnkişafı" Sərgisi‎
Status	aktiv
Janr	sərgi
Tezliyi	hər ilin payızında
Məkan	Bakı Ekspo Mərkəzi
Yer	Bakı
Ölkə	Azərbaycan
Yaradılıb	2021-ci il
Ən sonuncu	2022-ci il
Növbəti	19-21 oktyabr, 2022-ci il
Təşkilatçı	Caspian Event Organisers
Dəstək	Qarabağ Dirçəliş Fondu, AZPROMO, Kiçik və Orta Biznesin İnkişafı Agentliyi
rebuildkarabakh.az

Məqsəd

Sərginin məqsədi müxtəlif ölkələrdən olan şirkətlərin Qarabağ bölgəsinin sürətli bərpasına töhfə verə biləcək unikal təcrübə, innovativ həll variantları və investisiya təkliflərini bir platformada nümayiş etdirməkdir. Sərgi həmçinin şirkətlərin və dövlət qurumlarının nümayəndələri arasında dialoq üçün ünsiyyət platforması yaradır.

Sərginin bölmələri

• Energetika
• Ekologiya
• İnformasiya texnologiyaları
• İnşaat
• Kənd təsərrüfatı
• Qida sənayesi
• Mədənçilik
• Nəqliyyat
• Sağlamlıq
• Təhlükəsizlik
• Təhsil
• Turizm və mədəni irs
• Yol tikintisi və infrastrukturu

Memorandum

8 oktyabr 2021-ci il tarixində Qarabağ Dirçəliş Fondu ilə "Caspian Event Organisers" arasında əməkdaşlığa dair "Anlaşma Memorandumu" imzalanmışdır.

Anlaşma Memorandumuna əsasən, 20–22 oktyabr 2021-ci il tarixlərində Bakı Ekspo Mərkəzində keçirilmiş 1-ci Azərbaycan Beynəlxalq "Qarabağın Bərpa, Yenidənqurma və İnkişafı" Rebuild Karabakh sərgisində Qarabağın bərpası və yenidənqurulması istiqamətində görülən işlərə töhfə vermək məqsədilə "Caspian Event Organisers" şirkəti sərgidə iştirak etmiş şəxslərin ödənilmiş qeydiyyat haqqından müəyyən hissəsini Qarabağ Dirçəliş Fonduna ianə etdi. Memorandumun şərtlərinə uyğun olaraq, "Caspian Event Organisers" tərəfindən 1-ci Azərbaycan Beynəlxalq "Qarabağın Bərpa, Yenidənqurma və İnkişafı" Rebuild Karabakh sərgisi çərçivəsində QDF-in təşəbbüsləri dəstəklənir. Qarabağ Dirçəliş Fondu isə öz növbəsində sərginin keçirilməsində "Caspian Event Organisers" şirkətinə təşkilati dəstək göstərməyi, ona müraciət etmiş və sərgidə iştirak etmək istəyən şəxsləri "Caspian Event Organisers" şirkətinə yönəltməyi öhdəsinə götürür.

İstinadlar

1. ""Rebuild Karabakh 2021" sərgisi davam edir | AZPROMO". azpromo.az. 2022-07-19 tarixində . İstifadə tarixi: 19 iyul 2022.
2. "В бакинском Экспоцентре открывается выставка "Rebuild Karabakh"". Trend.Az (rus). 19 oktyabr 2021. 2022-07-19 tarixində . İstifadə tarixi: 19 iyul 2022.
3. "Azərbaycanın bir sıra nazirləri, komitə və agentlik rəhbərləri "Rebuild Karabakh 2021" sərgisinə təbrik məktubları göndərib". azertag.az (az.). 2021-11-19 tarixində . İstifadə tarixi: 19 iyul 2022.
4. "Azərbaycanda ilk dəfə "Rebuild Karabakh 2021" sərgisi keçiriləcək". Report İnformasiya Agentliyi (az.). 2022-06-30 tarixində . İstifadə tarixi: 19 iyul 2022.
5. ""Rebuild Karabakh" exhibition starts operating". aztv.az. 2022-07-19 tarixində . İstifadə tarixi: 19 iyul 2022.
6. "В Баку состоялось открытие выставки Rebuild Karabakh". 1news.az (rus). 2022-07-19 tarixində . İstifadə tarixi: 19 iyul 2022.
7. "2-ci Azərbaycan Beynəlxalq "Qarabağın Bərpa, Yenidənqurma və İnkişafı" ‒ "Rebuild Karabakh" Sərgisinin və 27-ci Azərbaycan Beynəlxalq İnşaat Sərgisinin iştirakçılarına » Azərbaycan Prezidentinin Rəsmi internet səhifəsi". president.az (az.). 2023-05-22 tarixində . İstifadə tarixi: 29 mart 2024.
8. "Baku hosts Rebuild Karabakh exhibition". Azernews.Az (ingilis). 21 oktyabr 2021. 2022-09-27 tarixində . İstifadə tarixi: 19 iyul 2022.
9. "Qarabağ Dirçəliş Fondu ilə "Caspian Event Organisers" MMC arasında əməkdaşlığa dair "Anlaşma Memorandumu" imzalanıb - FOTO". qdf.gov.az (az.). 2022-06-26 tarixində . İstifadə tarixi: 19 iyul 2022.
10. ""Rebuild Karabakh" sərgisi Qarabağ Dirçəliş Fonduna dəstək verəcək". azertag.az (az.). İstifadə tarixi: 19 iyul 2022.

Xarici keçidlər

• rebuildkarabakh.az — Rebuild Karabakh rəsmi saytı