Razi Səfərov

Razi Səfərov (6 iyun 1981, Cəhri, Babək rayonu) — azərbaycanəsilli cüdoçu, cüdo üzrə görmə məhdudiyyətləri olan şəxslər arasında dünya çempionu. Hal-hazırda "İnterpol"da axtarışdadır.

Razi Səfərov
Şəxsi məlumatlar
Vətəndaşlığı	Azərbaycan  Rusiya
Doğum tarixi	6 iyun 1981(1981-06-06) (43 yaş)
Doğum yeri	Cəhri, Babək rayonu, Naxçıvan MSSR, Azərbaycan SSR, SSRİ
Təhsili	Moskva Kənd Təsərrüfatının Mexanikləşdirilməsi və Elektrikləşdirilməsi İnstitutu^[d]

Həyatı

Razi Səfərov 6 iyun 1981-ci ildə Azərbaycan SSR-də, Naxçıvan MSSR-nin Babək rayonunun Cəhri kəndində anadan olmuşdur. Onun Azərbaycan və Rusiya vətəndaşlığı var. Səfərov 2006-cı ilə qədər Rusiya millisində çıxış etmişdir. O, 2006-cı ildə görmə qabiliyyətini qismən itirmişdir.

2010-cu ildə Kocaeli Böyükşəhər Bələdiyyəsinin "Kağıtspor" komandasına transfer olmuş və Türkiyənin görmə məhdudiyyətli cüdo milli komandasının düşərgələrində partnyor idmançı kimi iştirak etmişdir. O, görmə məhdudiyyətləri olan şəxslər arasında cüdo üzrə dünya çempionu olmuşdur. Səfərov 2011-ci ildə Türkiyə millisində oynamaq üçün Türkiyə vətəndaşlığını almağa çalışmışdır. O, bu zaman Kocaelidə olarkən siyasi sığınacaq istəmiş və bildirmişdir ki, digər ölkələrdən təkliflər olsa da, Türkiyə adına yarışmaq istəyir. Türkiyə Gözdən Əlil İdmançılar Cəmiyyətinin rəhbəri Abdullah Çətin ona dəstək versə də, onun bu istəyi tərəfindən rədd edilmişdir.

2013-cü ilin aprel ayında Bakının Nərimanov Rayon Məhkəməsi Səfərovu "vəzifə səlahiyyətlərindən sui-istifadə və sənədlərin saxtalaşdırılması ilə bağlı cinayətdə iştirak etmək"də təqsirli bilmişdir. O, Azərbaycan Respublikası Cinayət Məcəlləsinin 320-ci maddəsi ilə axtarışa verilmişdir. Çox keçməmiş, Azərbaycanın hüquq-mühafizə orqanları Razı Səfərov haqqında eyni ittiham ilə "İnterpol"da beynəlxalq axtarış elan etmişdir. Səfərov hal-hazırda Rusiyada yaşayır.

İstinadlar

1. "Azerbaijani law enforcement agencies announced an international search for four Azerbaijanis through Interpol". en.trend.az. 2018-07-01 tarixində . İstifadə tarixi: 2024-01-09.
2. "Partnership in forgery and abuse of office powers – the world champion in judo among disabled people Razi Safarov is searched by the Interpol for commission of these crimes". www.wrestling.com.ua.
3. "Чемпион мира из Азербайджана объявлен в международный розыск". www.azerisport.com. 2013-05-26 tarixində . İstifadə tarixi: 2024-01-09.
4. "Engelli şampiyonun talebi kabul edilmedi". Al Jazeera Turk - Ortadoğu, Kafkasya, Balkanlar, Türkiye ve çevresindeki bölgeden son dakika haberleri ve analizler. 3 may 2017. 27 June 2017 tarixində . İstifadə tarixi: 9 January 2024.
5. Izzet, I. "Interpol declares four Azerbaijanis wanted, among them – former world champion in judo (PHOTO)". Trend.Az. 22 apr 2013. 1 July 2018 tarixində . İstifadə tarixi: 9 January 2024.
6. "Türkiye'ye siyasi sığınma talebinde bulunan ve ardından Türk vatandaşlığına geçmek isteyen dünya şampiyonu 30 yaşındaki görme engelli Azeri judocu Razi Safarov'un vatandaşlık talebi kabul edilmedi". www.eurosport.com.tr (türk).
7. "Азербайджанский спортсмен, чемпион мира объявлен в международный розыск". 2 noy 2011. 2024-01-10 tarixində . İstifadə tarixi: 2024-01-09.