Rafiq Kərim oğlu Sadıqov 4 iyul 1948 22 fevral 2025 Bakı Azərbaycan Dövlət Mədəniyyət və incəsənət Universitetində Tədri

Rafiq Kərim oğlu Sadıqov (4 iyul 1948 – 22 fevral 2025, Bakı) — Azərbaycan Dövlət Mədəniyyət və İncəsənət Universitetində Tədris və Tərbiyə işləri üzrə sabiq prorektor, azərbaycanlı akademik, pedaqoq, professor, Əməkdar İncəsənət Xadimi,

Rafiq Sadıqov

Doğum tarixi	4 iyul 1948
Vəfat tarixi	22 fevral 2025 (76 yaşında)
Vəfat yeri	Bakı
Həyat yoldaşı	Flora Sadıqova
Təhsili	M. A. Əliyev adına Teatr İnstitutu Moskva Dövlət Teatr İnstitutu
Tanınır	"Zamanla üz üzə", "Tərəf müqabili", "Amfiteatr", "Sarı sim", "Şöhrətə gedən yol", "İncilər" verlişləri
Üzvlüyü	Azərbaycan Teatr Xadimləri İttifaqı
Mükafatları	2013

Həyatı

Rafiq Kərim oğlu Sadıqov 4 iyul 1948-ci ildə anadan olmuşdur. 1965–70-ci illərdə M. A. Əliyev adına Teatr İnstitutunda,1967–71-ci illərdə A. Zeynallı adına orta ixtisas musiqi məktəbində, 1975–78-ci illərdə isə Moskva Dövlət Teatr İnstitutunun aspiranturasında təhsil almışdır. Bu illər ərzində o, teatrşünas, müəllim-ifaçı, sənətşünas ixtisaslarına yiyələnmişdir.

1978-ci ildən Azərbaycan Dövlət Mədəniyyət və İncəsənət Universitetində müəllim, baş müəllim, dekan, prorektor vəzifələrində çalışmışdır. 1986-cı ildən dosent elmi adına layiq görülmüşdür. 1996-cı ildən 2025-ci ilə qədər universitetin tədris və tərbiyə işləri üzrə prorektoru vəzifəsində çalışmışdır. 1979-cu ildə Leninqradda keçirilən teatr institutlarının tamaşalarının festivalında iştirak etmiş və mətbuatda məqalə ilə çıxış etmişdir. 1970–75-ci illərdə "Kommunist", "Bakı", "Azərbaycan gəncləri", "Molodyoj Azerbaydjana", "" qəzetlərində məqalə və resenziyalarla çıxış etmişdir. 1983-cü ildə Moskvada nəşr olunan ali məktəblərarası elmi məqalələr toplusunda onun "İdeya vospitatelnaya rabota so studentami v Azerbaydjanskom Qosudarstvennom İnstitute İskusstv imeni M. A. Alieva" adlı elmi məqaləsi çap olunmuşdur. Universitetdə çalışdığı illər ərzində respublikada keçirilən elmi konfransların iştirakçısı, bölmə rəhbəri olmuş, gənc elmi kadrların hazırlanmasında yaxından iştirak etmişdir.

Ölümü

Rafiq Sadıqov 2025-ci il fevral ayının 22-də Bakı şəhərində vəfat etmişdir.

Fəaliyyəti

"Qəlbin hərarət işığı" (Bakı, 2007) kitablarında məqalələri, kütləvi informasiya vasitələrində : AZTV, ANS, Space, İctimai, Azad Azərbaycan, Lider kanallarında 40-a yaxın verilişlərin, o cümlədən "Zamanla üz üzə", "Tərəf müqabili", "Amfiteatr", "Sarı sim", "Şöhrətə gedən yol", "İncilər" və digər verilişlərdə respublikanın Xalq Artistləri Həsən Turabov, Mikayıl Mirzə, Əliabbas Qədirov, Lütfi Məmmədbəyov, Amaliya Pənahova, Cənnət Səlimova, Azərpaşa Nemətov, Vaqif İbrahimoğlu, Ağakişi Kazımov, Ağaxan Abdullayev, Mələkxanım Əyyubova həmçinin Xalq Rəssamları Kamil Əliyev, Hüseyn Əliyev, musiqiçilər Qulu Əsgərov, Rəhilə Cabbarova, Vaqif Gərayzadə və onlarla sənət adamı haqqında çıxışlar etmişdir. AZTV kanalının "Amfiteatr" verilişinin əsas çıxışçılarından sayılır. Şota Rustaveli adına Gürcüstan Teatr İnstitutunda və Daşkənd Teatr İnstitutunda namizədlik dissertasiyaları üzrə opponent olmuşdur.

Respublika və beynəlxalq elmi nəzəri konfrans və incəsənət tədbirlərinin iştirakçısı olmuşdur. Respublika Təhsil Nazirliyinin keçirdiyi beynəlxalq tədbirlərdə, xüsusilə Boloniya təhsil sistemi ilə bağlı elmi nəzəri konfranslarda çıxış etmişdir. Bundan əlavə, Türkiyədə keçirilən incəsənətə həsr olunmuş beynəlxalq konfransda çıxış etmişdir.

Onun mətbuatda ümumilli lider Heydər Əliyevin və Respublika Prezidenti İlham Əliyevin incəsənətə göstərdiyi qayğı ilə bağlı məqalələri və çıxışları olmuşdur. Universitetin Elmi Şurasının və Müdafiə Şurasının üzvüdür. Respublika Teatr Xadimləri İttifaqının üzvüdür.

Mükafatları

2013-cü ildə Azərbaycan Respublikasının Prezidenti cənab Ilham Aliyevin sərəncamı ilə “Əməkdar Incəsənət Xadimi” fəxri adına layiq görülüb. O, 2018-ci ildə Azərbaycan Teatr Xadimləri İttifaqının “” medalı ilə təltif edilib.

Ailəsi

O, Flora Sadıqova ilə ailə həyatı qurub. Əfruzə Həsənova və Günay Mövsümova adlı iki qız övladı var.

İstinadlar

Crocusoft. "E-QANUN". e-qanun.az (ingilis). İstifadə tarixi: 2025-02-24.
"Rafiq Sadıqov vəfat etdi". GlobalInfo.az (türk). 2025-02-24. İstifadə tarixi: 2025-02-24.
"Sadıqov Rafiq Kərim oğlu". Azərbaycan Teatr Ensiklopediyası.
"Rafiq Sadıqov vəfat etdi". Qafqazinfo (az.). 2025-02-24. İstifadə tarixi: 2025-02-24.
Bakupost.az. "Əməkdar incəsənət xadimi Rafiq Sadıqov vəfat edib". www.bakupost.az (az.). İstifadə tarixi: 2025-02-24.
"İttifaqın üzvləri". teatrittifaqi.az (az.). İstifadə tarixi: 2025-02-24.
"Azərbaycan Dövlət Mədəniyyət və İncəsənət Universitetinin əməkdaşlarına fəxri adların verilməsi haqqında". frameworks.e-qanun.az. İstifadə tarixi: 2025-02-24.

[1] Crocusoft. "E-QANUN". e-qanun.az (ingilis). İstifadə tarixi: 2025-02-24.

[2] "Rafiq Sadıqov vəfat etdi". GlobalInfo.az (türk). 2025-02-24. İstifadə tarixi: 2025-02-24.

[:0-3] "Sadıqov Rafiq Kərim oğlu". Azərbaycan Teatr Ensiklopediyası.

[4] "Rafiq Sadıqov vəfat etdi". Qafqazinfo (az.). 2025-02-24. İstifadə tarixi: 2025-02-24.

[:1-5] Bakupost.az. "Əməkdar incəsənət xadimi Rafiq Sadıqov vəfat edib". www.bakupost.az (az.). İstifadə tarixi: 2025-02-24.

[6] "İttifaqın üzvləri". teatrittifaqi.az (az.). İstifadə tarixi: 2025-02-24.

[7] "Azərbaycan Dövlət Mədəniyyət və İncəsənət Universitetinin əməkdaşlarına fəxri adların verilməsi haqqında". frameworks.e-qanun.az. İstifadə tarixi: 2025-02-24.