Rəfiqə Axundova

Vikipediyada bu soyadlı müxtəlif adamlar haqqında məqalələr var, bax: Axundova.

Rəfiqə Hacı qızı Axundova (7 avqust 1931, Bakı – 6 fevral 2024, Bakı) — Azərbaycan balet artisti, baletmeyster. Azərbaycan SSR xalq artisti (1970).

Rəfiqə Axundova
Rəfiqə Hacı qızı Axundova
Doğum tarixi	7 avqust 1931
Doğum yeri	Bakı, Azərbaycan SSR, SSRİ
Vəfat tarixi	5 fevral 2024 (92 yaşında)
Vəfat yeri	Bakı, Azərbaycan
Dəfn yeri	II Fəxri Xiyaban
Vətəndaşlığı	SSRİ→ Azərbaycan
Həyat yoldaşı	Maqsud Məmmədov
Fəaliyyəti	balet artisti
Mükafatları	1970 1959 2021

Həyatı

Rəfiqə Axundova 1951-ci ildə Bakı Xoreoqrafiya Məktəbini bitirmişdir. Böyük Teatrda təkmilləşmə kursu keçmişdir (1951–52, Moskva). Azərbaycan Opera və Balet Teatrının solisti olmuşdur (1951–71). 1971 ildən həmin teatrın baletmeysteri, 1990-cı ildən baş baletmeysteridir. Əsas partiyaları: Ayişə və Gözəllər gözəli, Fanni ("Yeddi gözəl", "İldırımlı yollarla", Q. Qarayev), Gülşən ("Gülşən", S. Hacıbəyov), Gülyanaq ("Qız qalası", Ə. Bədəlbəyli), Şirin ("Məhəbbət əfsanəsi", A. Məlikov), Zarema ("Baxçasaray fontanı", B. Asafyev), Jizel ("Jizel", A. Adan) və s. Əri Maqsud Məmmədovla birlikdə Azərbaycan Opera və Balet Teatrında "Xəzər balladası" (1968, T. Bakıxanov), "Qobustan kölgələri" (1969, F. Qarayev), "Yallı" və "Azərbaycan süitası" (1969, R. Hacıyev), "İldırımlı yollarla" və "Yeddi gözəl" (1975, 1978, Q. Qarayev), "Babək" (1986, A. Əlizadə), "Şelkunçik" (1988, P. Çaykovski), habelə Novosibirsk Opera və Balet Teatrında "İldırımlı yollarla" (1976) baletlərinin quruluşunu vermişdir. Əlcəzair, İsveç, Misir və Belçikada pedaqoq-baletmeyster işləmişdir. Əlcəzairdə "Üç inqilab" (1973, R. Hacıyev; M. Məmmədovla birgə) ilk milli baletini, Malmödə "Muğam" (1975, N. Əliverdibəyov) musiqili xoreoqrafiya lövhəsini, Qahirədə "Yeddi gözəl" (1979), Antverpendə "Kaleydoskop (1980, F. Qarayev) baletlərini (hər ikisi M. Məmmədovla birgə) tamaşaya qoymuşdur. "Xəzər balladası", "Qobustan kölgələri" və "Azərbaycan süitası" 1969 ildə Parisdə keçirilən 7-ci Beynəlxalq rəqs festivalında nümayiş etdirilmiş və Paris Rəqs Akademiyasının diplomuna layiq görülmüşdür. 1994-cü ildə "Yeddi gözəl" baletini Ankarada tamaşaya qoymuşdur (M. Məmmədovla birgə).

Rəfiqə Axundova baletmeyster Maqsud Məmmədovun həyat yoldaşıdır.

Uzun sürən xəstəlikdən sonra baletmeyster Rəfiqə Axundova 6 fevral 2024-cü ildə 92 yaşında vəfat etmişdir.İkinci Fəxri Xiyabanda dəfn olunub.

Təltif və mükafatları

• "Azərbaycan SSR əməkdar artisti" fəxri adı — 26 aprel 1958
• "Azərbaycan SSR xalq artisti" fəxri adı — 21 may 1970
• — 9 iyun 1959
• — 6 avqust 2021
• Azərbaycan Respublikası Prezidentinin fərdi təqaüdü — 11 iyun 2002

Quruluş verdiyi baletlər (Maqsud Məmmədovla birgə)

• Xəzər balladası (1968)
• Qobustan kölgələri (1969)
• (1969) xoreoqrafik miniatürü
• (1969) — xoreoqrafik miniatürü
• Azərbaycan süitası (1969)
• Kaleydoskop (1971)
• Muğam (1972) xoreoqrafik miniatürü
• (1973)
• İldırımlı yollarla (1975)
• Yeddi gözəl (1978)
• Babək (1986)

Filmoqrafiya

• Doğma xalqıma (film, 1954)
• Abşeron ritmləri (film, 1970) (tammetrajlı musiqili-bədii televiziya filmi)-filmdə iştirak edən
• Dədə Qorqud (film, 1975)
• Qərib cinlər diyarında (film, 1977)
• Qayınana (film, 1978)
• Yeddi gözəl (film, 1982)
• Bəyin oğurlanması (film, 1985)

İstinadlar

1. "Axundova Rəfiqə Hacı qızı". 2016-03-03 tarixində . İstifadə tarixi: 2013-10-01.
2. Mədəniyyət TV. "Milli balet sənətinin əfsanəsi, baletmeyster, Xalq artisti Rəfiqə Axundova vəfat edib" (az.). Youtube.com. 07.02.2024. 2024-02-07 tarixində . İstifadə tarixi: 2024-02-07.
3. "Görkəmli baletmeyster, Xalq artisti Rəfiqə Axundova vəfat edib". 2024-02-05. 2024-02-06 tarixində . İstifadə tarixi: 2024-02-06.
4. "Azərbaycanın Xalq artistinin dəfn olunacağı yer BİLİNDİ - YENİLƏNİB + FOTO". Oxu.Az (az.). 2024-02-06. 2024-02-06 tarixində . İstifadə tarixi: 2024-02-06.
5. "R.H.Axundovanın "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı) ( (az.)). 06.08.2021. 2021-08-07 tarixində arxivləşdirilib. İstifadə tarixi: 06.08.2021.
6. "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). e-qanun.az. 07.09.2022 tarixində . İstifadə tarixi: 04.10.2023.

Mənbə

• Cabir, S. "Gənc istedadlar" [Müəllim-aktrisa, "Qızmar günəş altında" kino-filmində Gülpəri rolunu oynayan Sürəyya Qasımova və Opera və Balet Teatrının gənc balet artisti Rəfiqə Axundova haqqında] //Ədəbiyyat və incəsənət.- 1957.- 28 dekabr.
• ^[ölü keçid] Xoreoqraf Şəhriyar Cəfərov: "Milli folklor rəqslərimiz uçurum astanasındadır"
• Şəhriyar Cəfərov: "Bu ölkədə vətənpərvərlik yad janra çevrilib"

Xarici keçidlərlər

• "Dədə Qorqud" filmindən Qıpçaq Məliyin evində rəqs
• "Balet, ömrüm mənim" sənədli filmi təqdim edilib