Qulamrza Təxti

Qulamrza Təxti (27 avqust 1930, Tehran, Pəhləvilər İranı^[d] – 7 yanvar 1968, Tehran, Pəhləvilər İranı^[d]) — olimpiya oyunları çempionu (Melbrun, 1956), ikiqat dünya çempionu (Tehran, 1959 və İokoqama 1961), Asiya yay oyunları çempionu (Tokio, 1958).

Qulamrza Təxti
fars. غلامرضا تختی‎
Şəxsi məlumatlar
Vətəndaşlığı	Pəhləvilər İranı^[d]
Doğum tarixi	27 avqust 1930(1930-08-27)
Doğum yeri	Tehran, Pəhləvilər İranı^[d]
Vəfat tarixi	7 yanvar 1968(1968-01-07) (37 yaşında)
Vəfat yeri	Tehran, Pəhləvilər İranı^[d]
İdman növü	boks

Həyatı

Qulamrza Təxti 1930-cu ilin 27 avqustunda Tehranda kasıb bir ailədə anadan olmuşdur. Əsli azərbaycanlılardan olan ailə, Tehranın, əsasən, azərbaycanlılar məskunlaşan bir məhəlləsində yaşamışdır. Böyük maddi ehtiyaclar içərisində yaşadıqları üçün Qulamrza yalnız 9-cu sinfə qədər oxuyub, natamam təhsil alaraq, atasına kömək etmək məqsədi ilə işləməyə başlamışdır.

1950-ci ildə o, özünün ilk uğurunu əldə edib, tanınmış pəhləvanlara qalib gələrək, ölkə çempionu adını qazanır. r1968-ci il yanvarın 7-də onu mehmanxana otağında ölmüş halda tapmışdılar.

Qulamrza Təxti Tehranın cənubunda Şəhri Rey qəbirstanında qohumlarının məzarının yanında torpağa tapşırılmışdır.

İran xalqı arasında böyük hörmət qazanmış Təxtinin şübhəli ölümündə Pəhləvi rejiminin əli olduğu ehtimal edilir.

Uğurları

• 1951-ci il. Helsinki. Dünya çempionatı. 79 kq, gümüş medal.
• 1952-ci il. Helsinki. Olimpiya oyunları. 79 kq, gümüş medal.
• 1956-cı il. Melburn. Olimpiya oyunları. 87 kq, qızıl medal.
• 1958-ci il. Tokio. Asiya oyunları. 87 kq, qızıl medal.
• 1959-cu il. Tehran. Dünya çempionatı. 87 kq, qızıl medal.
• 1960-cı il. Roma. Olimpiya oyunları. 87 kq, gümüş medal.
• 1961-ci il. İokoqama. Dünya çempionatı. 87 kq, qızıl medal.
• 1961-ci il. Toledo. Dünya çempionatı. 97 kq, gümüş medal.

İstinadlar

1. Həsən Cəbrayılov (Ahəngi), "Həzrət Əlinin pəhləvanı", Bütöv Azərbaycan qəzeti, № 09(141), 14–20 mart 2012-ci il.

Xarici keçidlər